ياحليله هالمعرس من جد انتم كذا ياعيالنا تستحون

[كسرني رحيله]

السلا م عليكم ورحمة اللة وبركاتة

معرس يحكي قصتة اخليكم معها
طبعاً الليلة اللي تسبقها ماقدرت أنام زين خصوصاً اني تزوجت بالحلم يمكن 4 مرات !!


أتزوج ثم اصحى ورجع أنام وأتزوج ثم اصحى ثم ارجع أنام واتزوج ..

المهم صحيت الظهر وقمت وصليت ورجعت للبيت أجهز أغراضي و أتروش

(تقول الوالدة من الربشة مفرش أسنانك بمعجون حلاقة)

لما صار العصر طلعت للحلاق وحلقت ورجعت قريب من المغرب ..

ثم رحت اتروش لكن هالمرة غير ..

تروشت بدورة مياة الرجال من العجلة أكرمكم الله واللي تفتقد لأبسط الأشياء

وهو شامبو بيبي جوي "لادموع بعد اليوم"

وبمساعدة الوالدة تم بحمد الله نقل أغراضي إلى دورة مياة الرجال ..

صلينا المغرب ورجعت البس طبعاً بعد العشاء أحنا عندنا عادة وهي

أنو بعض أهل وأقارب العريس يتجمعون في بيت العريس

عشان يطلعون معاه للقصر ..

وأنا جالس البس عشان انزل لهم واسلم عليهم أكتشفت أن المشلح اقصر مني بشبر

طبعا السبب عرفته بعد أسبوع

( وهو اني غسلتة غسيل عادي موبخار عشان كذا كمش قماش المشلح )

طبعا صرت احوس بالغرفة وش اسوي وش اسوي

ورحت للوالدة الله يحفظها وخبرتها .. هدتني وقالت بسيطة ..

حاول قد ماتقدر تكون جالس طول الوقت ولما تمشيء سو نفسك رافع المشلح شوي

ومدخلة تحت يدك زي الناس الأكابر

المهم صلينا العشاء ثم نزلت وسلمت على الحظور

بعدين جلست واقاربي يناظروني ويتبسمون لين صار وجهي علبة الوان

بعدها جاء ابوي وقال يالله نطلع للقصر وركبنا السيارة ..

أنا ورا.. وابوي قدام .. وعمي يسوق السيارة ورحنا للقصر والناس ورانا

لما قربنا من القصر عندنا عادة الناس تبداء تدق بواري ( طاط طيطييط طوووط طط طط )

من هنا أنا بدأت افقد السيطرة على نفسي

وصلنا القصر ونزلت ولما نزلت لقيت العالم متجمعين عند الباب عشان يسلمون علي ويباركون لي ..

طبعاً ابوي حاس بوضعي عشان كذا كان قد مايقدر يحاول يكون جنبي ..

وأول واحد سلم علي كان ابو البنت سلمت علية وبوست راسة

وانا أنتفض ثم سلموا علي أعمامها ثم خوالها .. الخ لين دخت

وكان مرة زحمة وخنقة وكان كل واحد يسحبني من جهة عشان يسلم علي

لين وصل دور عيال خالتي

طبعاً أول واحد منهم سلم علي وقال :

ماشاء الله الف مبروك وكل عام وأنت بخير

رديت علية وقلت : الله يبارك فيك يارب

جاء الثاني وعرف اني مرتبك ومهبب لاني ما أستغربت من كلمة كل "عام وانت بخير"

فقام قالي : عيدك مبارك وكل عام وأنت بخير

انا رديت علية وبكل برائة وقلت : تسلم .. من العايدين الفايزين يارب

جاء الثالث وخربها و قال : تقبل الله

رديت علية وقلت : من الجميع يارب .. جزاك الله خير

طبعاً العالم فطست من الضحك

لما شافني أبوي كذا قام سحبني ودخلني جوات القاعة

وجلست أكمل باقي السلام على الحظور

طبعاً كنت من الخبة اقوم وأقعد أقوم واقعد والسبب هو اني من الإرتباك

ماكنت أدري مين اللي سلمت علية و مين الي ما سلمت علية

فكان بمجرد مايمر من جنبي أحد أقوم أحسبة جاي يبغى يسلم علي

ثم أكتشف انة جاي يسلم على الشياب اللي جالسين جنبي

المهم فجأة وانا بمعمة أفكاري قام جميع الحظور مرة وحدة وأتجهو نحوي مباشرة :

طبعاً أنا ما ادري وش السالفة

قمت واقف أحسبهم يبغون يودعوني دفعة وحدة !!

طلع ابو البنت منادي عليهم للعشاء

ولسوء الحظ كان باب صالة الطعام خلفي ..

حسبي الله علية اللي مصمم القاعة فجعني

المهم جلست شوي ثم قمت ورحت للقسم اللي مخصص للعرسان وطقيت الباب

أنا : طق طق

حارسة الباب : مين ؟

انا من الربكة اللي عايش فيها قلت : بيت الفلان (اللي هو اسم عائلة زوجتي)

الحارسة : لا عرس الفلان قصدك

أنا : ايوة نسيت .. أنا العريس

الحارسة وهي تضحك : ايوة مبين خلاص الحين بنادي لك امك

جت امي ودخلتني وعرفت أني مرتبك لدرجة الأرتجاج ..

قامت وسمت علي بالرحمن الرحيم وباركت لي ودعت لي

وقالت حبيبي ترا فيه خالاتك وبعض خالات البنت "متغطيات"

وعروستك وأمها بس وعطتني وردة عشان اعطيها العروسة

طبعاً أول مادخلت خالاتي صارو يزغردون واللي تصور وأعمتني بالفلاشات

مبروك مبروك ياعريس منك المال ومنها العيال وبرفاه والبنين ان شاء الله ..

ولما خلصت سلام على خالاتي رحت عشان اسلم على العروسة بالكوشة ..

طبعاً كنت مرة مستحي ومرتبك وما اعرف كيف اسلم عليها

و كنت جالس أفكر كيف ؟؟

وخلال غمضة عين اكتشفت أني فوق الكوشة : ( شكلي كنت أركض )

ومن الربكة عطيت الوردة ام العروسه وسلمت على العروسة سلام زملاء عمل

(يعني مصافحة باليد ثم حطيت خدي على خدها من الجهتين )

تقول العروسةأنك قلت لي وشلونكم عساكم طيبين وكيف الأهل والأولاد !!

طبعاً خلال ثواني حسيت إن السلام غلط فحاولت اتدارك الموقف وأصححه

فقمت وبست راسها (قلت يمكن كذا الصح )

قام شماغي ومسك في التاج اللي فوق راسها

وخذ تخبيص وكنت شوي وأطيح عليها .. وبطلعت الروح فكيتة من راسها

المهم جلست جنبها عشان التصوير بعد ماخربت تسريحتها وبعد ماخصلوا تصوير

قمت وانا بقمة الربكة وحطيت يدي على جبينها عشان أقول الدعاء ..

طبعا الدعاء الصحيح هو :

((اللهم إني أسألك من خيرها وخير ما جبلتها عليه ,

وأعوذ بك من شرها وشر ما جبلتها عليه ))

أنا قلت (( اللهم أني أسئلك من خيرها في الدنيا والآخرة

واعوذبك من شرها في الدنيا والآخرة ))

طبعا امي ماقدرت تمسك ضحكتها فسوت نفسها انها تبغى تروح تجيب سجادة الصلاة

وهي ميتة ضحك عشان أصلي .. بعدها جابت لي السجادة ..

اخذتها منها وفرشتها على الأرض ومن الإرتباك صليت ركعة وحدة بس !!

طبعاً القبلة كانت لاشعورياً العروسة ..

حتى التلسيم اللي في نهاية الصلاة وحدة كنت وأنا جالس والثانية وأنا واقف !

طبعا البنت كان وجهها محمر من الضحك !!

وصار عندها مغص حاد يومها بسبب كثرة الضحك !!

وهذي قصتي يوم عرسي بأول الصيفيه لاحد يرحمني

بس ماصدقت اني اعرس تعرفون سعودي والحال ماش!!


هههههههههههههههههههههههههههههه

وربي تووحفه هالادمي

وربي مت ضحك وانااااااااااا اضحك جد توووحفه

[مُـخْ تَلـِفـ]

ههههههههههههههههههههههه شكلي مابعرس اذا كان احراج بالشكل ذا وربي شكلي بسوي كماهـ واخس
الله يستر انا اقري واضحك وشوي اخجل احس انه انا المعرس احرآآآآآآآآآآآآآآآآآآآآآآآآآآآآآآآآآآآآآآآآآآج
شكرآ يابنت

[كسرني رحيله]

عفوا ياولد
أحسن لاتعرس لانه بدري عليك خلك الين تعقل
ههههههههههااااااااااااي
شكرا ع مرورك

[الراس الصغير]

تكفى تعال عندنا في قسم الاستراحه تراك تصلح لنا هونيك وجب معك هذي القصة ههههه

هذا دبشه ماهب توحفه وش اغداه ينكح

ولو لي مجال قلت قصة زواجي بس المشكلة اني في قسم الحوار

[شذى الريحان]

ههههههههههه وههههههههههه
دمعت عيني من الضحك
اعلق على ايه ولاايه ولا لما يدق الباب ويقول بيت فلان خخخخخخخخخخ يسلم كلبوا قلبوا
الله يسعده
والله افتكرت زوج اختي كان يبغى يبارك لصاحبه يوم زواجه قال له( بالعافية ) هههههههههه بدل مبروك ليش هيا اكلة
وبعضهم في العزاء يقولوا مبروك ولخبطة استغفرالله

يسلموا على الموضوع الرهيب
تحياتي

[كسرني رحيله]

شكرا للجميع على مروركم