قصه رومانسية دارت احداثها في احدى مقاهي الكفي بالعاصمة الرياض

[سارق القلوب]

للحب معاني كثيرة ومعناه الحقيقي أن تعيش كل لحظه معه بأصدق مشاعر وأحاسيس نابعة من القلب وإلى القلب وبهذا تكمن معنى كلمة أحبك.
سوف اسرد قصة واقعية من حياتي إحداثها دارت في العاصمة الرياض لاكن بدون ذكر المكان الذي يتواجد به الكوفي شوب العائلي والعزاب المشترك كي لا يتسابق له القراء لن تحدث لغيرنا أنا ومحبوبتي ريما في يوم من أيام الأسبوع والروتين اليومي ليوم الأربعاء بعد أن يعلن انتهاء العمل الكل يسابق ويناضل ليصل إلى البيت مبكراً سواء طالب أو مدرس أو موظف حتى يلقي بنفسه على السرير محاولا أن يرمي جميع ما تكبده من عناء طوال أيام الأسبوع من السبت حتى نهار الأربعاء فيغط في نوم عميق وبعد ذلك يستيقظ ويخطط ما سيفعل في هذا اليوم أو قد يكون خطط مسبقا بالنسبة إلي بعد الاستيقاظ من النوم لا بد لي من الاسترخاء ساعتان و يبدأ روتيني من الساعة العاشرة مساءاً أتجه إلى سيارتي ودون وجه محدده حتى أرادة الصدفة في ذلك اليوم أن اذهب إلى كوفي شوب(.........) وكانت زيارتي الأولى له دخلت إليه كوفي شوب لا بئس به يغلب عليه الطابع الفرنسي من حيث اسمه وديكورات المحل وكان به قسمان قسم العوائل وهم في الدور العلوي وقسم العزاب وهو في الأسفل طبعاً للعزاب جلسات خارجية وداخلية بالنسبة إلي اتجهت إلى جلسة داخلية لطاولة قريبة من الجدار الزجاجي بالداخل وطلبة السيرفز وكالعادة (آي ونت كابتشينو سمول سايس وذ آوت شكر)بعد ذلك أخرجت الجوال واشغلت نفسي به حتى يأتي الطلب تأخر الطلب لكثرة الزبائن فمللت من محتويات الجوال فقررت أن افتح البلوتوث وكنت من النوع الغير مهتم بالمراسلة عن طريق البلوتوث في الأماكن العامة وكانت المرة الأولى التي افتحت البلوتوث في مكان عام وكان اسمي (تعودت انفاسي عطرك) وكانت الشعلة الأولى لي في ذلك المقهى عند البحث ظهرت لي اسماء عديدة يغلب عليها الجانب البناتي فقلت في نفسي (احس اشنابهم طالعه مع اساميهم) قمت بمراسلتهم بالمعنى العامي (خربتها) بعضهم تلقيت منهم رسائل من ضمنهم اسماء بناتيه (طبعاً أرسلت رقمي ما أكذب عليكم) وكنت فاقد الأمل انه وحده منهم تدق علي(احم احم.... على قبيل الاستهبال لا تصدقون) اخذني الوقت والكابتشينو برد وطلبت ثاني ماحسيت الا والساعة 12:30 أوه؟!!! راح الوقت بسرعة وتأخرت حاسبت الكفي ومشيت وكنت أفكر باللي راسلتهم فيه وحده (معليش صرت اكلمكم باللهجه العاميه بصراح تعبت وبعدين لعلمكم انا مررررره ضعيف في القواعد يعني احشم نفسي وبلا هياط) وين وصلنا آها!! افكر بوحده من ضمن اللي كنت اراسلهم كانت رسايلها حلوه مره وكان نكها ملكة القلوب رحت وكملت سهرتي في البيت من بكره الخميس روتين معروف اصحى بعد الظهر اسنتر عند الستالايت لين بعد المغرب بعد كذا يا نروح عند اقاربنا يا يجونا أو انه اطلع مع ربعي الحاصل انه كل هالشيء غاب عن بالي وما جاء في بالي إلا الكوفي الشوب فقررت اروحله مره ثانية سنترت فيه بعد صلاة العشاء على أمل أني ألقى نفس الأشخاص اللي راسلتهم امس بحكم انه اول مره بصراحه انبسطة والتجاوب السريع هذا اللي شدني اني اروح اليوم الثاني الحاصل انه ما فيه احد من الاسماء اللي امس.
تحطمت وقلت في نفسي انها صدفه ماراح تتكرر ومشيت.
بعد اسبوعين من اللي صار في المقهى شاء القدر اني امر المقهى يوم الأربعاء برضوه بدون ما يكون في بالي اني اروح له جاء في بالي أني اشرب كابتشينو. ركنت السيارة ودخلت وشغلت البلوتوث كان في راسي اني اشرب كابتشينو وأمشي حطيت الجوال على الطاولة وانتظرت الطلب شوي والجوال ينور شكلها رسالة بلوتوث شسالفة استلام رسالة من مين من ملكة القلوب ماصدقت بصراحة الصدمة أخرت من أني استقبل معقوله الصدفة تجمعنا مره ثانية المهم استقبلت وكانت
هي: ملاحظة (وحشتني)
استغربت وش الميانه حتى ترسل هالكلمة قلت متعودة شكلا أو أكيد انها تستهبل وكان في بالي انه شنب هالكلمة شككتني شوي ارسلت لها
أنا:ملاحظة ( توحشك العافية)
هي:ملاحظة (ارسل لي بسرعة مقاطع صوتية)
استنتجت انها بنت عن جد لا وفاكه مع المقاطع اللي ارسلتها في ذاك اليوم وادهرت معها مراسلة اخر شيء ارسلت لي
هي: ملاحطة (يالله باااااااااي نشوفك الاربعاء الجاي)
صاروا الجماعة كل ربوع مبشكين في الكفي ارسلت
أنا:ملاحظة (أوكيه باااااااااي وموعدنا الربوع الجاي)
بصراحة في بداية الأمر اخذتها ان الدعوى مراسلة وما راح تكون اكثر من كذا وخصوصا أني احب المقاطع الصوتية وكانت ترسلي مقاطع متعوب عليها(بس خلوها بيني وبينكم عشان ما تشوف نفسها علي) المهم الربوع اللي بعده جيت على الموعد الساعة تقريبا (9:00)المساء كالعادة جلست على الطاولة فتحت البلوتوث سويت بحث ما حصلت ملكة القلوب خليت الجوال على الطاولة وطلب الكابتشينو لا لا لا... ابشركم غيرت المشروب صار كافيه لاتيه انتظرت أي رسالة منها بعد نص ساعة جاني طلب استلام رسالة من مين من ملكة قلبي (شكلي استعجلت) عفوا ملكة القلوب وكانت ملاحظة
هي:ملاحظة(هاااااااي وحشتني)
أنا: ملاحظة(وأنا أكثر الحمدالله على السلامة)
وبدون سابق انذار ادهرنا مراسلة خلصت الرسايل المهم خطرت لي فكرة اني اطلب منها اني اسمع صوتها (انتم عارفين معنى كلامي) شوي تجيني منها رسالة افتح الرسالة صوت وحده تغني من ذي؟؟! طلعت ملكة القلوب بصراحه طاح وجهي بس على فكره صوتها حلو والمقطع موجود عندي للحين وكانت تغني أغنية لمين ماأدري بس مألفه فيها شوي وهي (عودتني كل يوم أسمع أنا صوتك) وهي تقول (عودتني كل يوم أطلع أنا .......) النقاط هذاي لو قلت الكلمة راح تعرفون المكان واحنا ما اتفقنا على كذا صح والا لا المهم وقلت مستحيل اني اطلب الطلب هذا مره ثانية خلينا على المراسلة أفضل والاسبوع اللي بعده برضوا تلاقينا يعني تراسلنا بس المره هذاي كنت مغير النك المهم سويت بحث وبعد كذا حصلتها ارسلت المره الأولى مااستقبلت والثانية بعد الثالثة استقبلت وكانت ملاحظة
أنا:ملاحظة (هااااااااي شكلك ما عرفتيني انا تعودت انفاسي عطرك غيرت نكي صار ايو ايو غنو معي)
هي:ملاحظة(هاي وحشتني)
أنا:ملاحظة (توحشك العافية)
وبدينا نتراسل المهم بعد اليوم هذا كان باقي على رمضان أسبوع طبعا بعد كذا مارحت و في اخر رمضان سافرت رجعت بعد العيد الاسبوع الأول مارحت رحت الأسبوع الثاني للمقهى زي كل مرة سويت بحث وقلت ذا المره انا اللي ببادر بس للأسف ما حصلتها حصلت اسماء بس ملكة القلوب مو معاهم زعلت شوي ورميت الجوال على الطاولة شوي جاني استلام رسالة من مين من أميرة البنات استقبلت طلعت هي ملكة القلوب
هي: ملاحظة(هااااي وحشتني انا ملكة القلوب مغيره اسمي)
أنا:ملاحظة(هاااااااايات وتوحشك العافية وين هالغيبة)
بدينا نتراسل المقاطع الصوتية بعد كذا ارسلت ملاحظة
هي:ملاحظة(ارسل صورتك لي)
بصراحة استغربت وش رايكم ارسل صورتي؟؟
طبعا لا ما ارسلتها مو حكاية ثقل بس انسان ما بينك وبينه ذيك العلاقة ترسل صورتك ليش طبعا ماارسلت كانت عندي صورة لواحد شيفه ارسلتها لها صورة تضحك طبعا مو معقول ارسل صورة لوحده ما بيني وبينها الا مراسلة بلوتوث بعد كذا طلبت مني اني اطلع فوق عند العوائل طبعا رفضت بصراحة مااحب اجيب لنفسي الشبهات حدي مراسله وبس من بعيد لبعيد بس البنت بحركاته هذاي كانت تسعى لشيء فهمته بعدين أنا راح اقولكم بس مو الحين وانتهى ذاك اليوم على كذا الاسبوع اللي بعده جيت ما حصلت احد الاسبوع الثاني ماجيت قلت يمكن مالاقي احد راحت الاسابيع بعد كذا جاء عيد الاضحى قبله باسبوع رحت برضوا ما حصلتها قلت يمكن سافروا والا شي بعد العيد بدت الاختبارات الفصل الدراسي الأول قلت اكيد ما راح يجون بحكم الاختبارات خلصت الاختبارات بعده باسبوع رحت قلت ذا المره لازم تكون فيه تقريبا شهر وشوي ماراسلتها في المقهى المهم جلست على الطاولة شغلت البلوتوث قلت ذا المره ما راح اسوي بحث اذا هي موجودة راح تراسلني انتظرت قرابة الربع ساعة شوي جاني استلام طلب رسالة اناظر النك الا مكتوب اميرة الورد استقبلت طلعت ملاحظة
هي:ملاحظة(هاي وحشتني انا ملكة القلوب مغيره اسمي ).
لاحول الله ذبحتنا ذي كل يوم مغيره نكها!!!
انا:ملاحظة(توحشك العافية ارسلي اخر المقاطع الصوتية اللي عندك لاني جوالي ما فيه شحن)
طلبت مني اني اسوي معها اقتران وارسلت مقاطع صوت وارسلت لي صور بس الصور لك عليها وبرضو البنت كانت تسعى لشيء كأنه اختبار طبعا انا من النوع اللي مايحب يتناقل الصور اللي لك عليها وانا مادري وش قصدها لانه اول مره ترسل لي كذا المهم قفل الشحن ومشيت وهم موجودين الاسبوع اللي بعده تواجهنا برضوا بالمقهى انا طبعاً ماعلقت على الصور ولا ارسلت زي ما هي ارسلت استمرينا على الوضع اسبوع اجي واسبوع ما اجي احيانا احصلها واحيانا لأ وفيه مره انقطت انا عن المقهى ثلاث اسابيع بعدها جيت كانت قبل الاختبارات النصف الثاني باسبوع وبدينا نتراسل بعد كذا كلن اشغل بالاختبارات والاجازة والارتباطات في الاجازة استمر الانقطاع هالمره اكثر من شهرين بعد كذا جيت للمقهى وحصلتها وبدينا المراسلة جاني اتصال ضروري واضطريت امشي من المقهى بدري ماكملت حتى نص ساعة الاسبوع اللي بعده جيت المقهى متأخر تقريبا (11:40)ما حصلتها مشيت على امل ان الاسبوع الجاي تكون موجودة رحت للبيت وهالمره قعدت افكر واقول في نفسي إلا متى وانا على الوضع بصراحه مليت من المراسلة شكلي مو رايح خلاص وش ذا الوردة اللي مو قادر تشمها ولا قادر تقطفها وفي الربوع اللي بعد كذا كنا طالعين للمزرعه بصراحه وقتها ما كان لي نفس اطلع قلت في نفسي بتأخر شوي راح أروح للكوفي واتسلى وبعد كذا ما راح أروح!؟ إنشاء الله نصدق!!!! ذا المره بس مع انه من جد اخر يوم اروحه لاني نويت اني خلاص هذا اخر مره اروح فيها المقهى ياناس أفهموني ثمانية شهور وانت تراسل وحده مو قادر تطلب منها انها تكلمك بعد ذاك الموقف السابق رحت حصلتها تراسلنا شوي بعد كذا طلبت صورتي وكانت مصررررررره وانا رافض بالمررررررررره طلبت انها تشوفني من بعيد لبعيد وانا رافض بعد كذا ارسلت لها ملاحظة:
انا:ملاحظة(انتي على أي اساس تطلبي مني صورتي ما بيني وبينك شيء)
هي:ملاحظة (ابي اشوفك)
انا:ملاحظة (مافيه شيء يستدعي اني ارسلك صورتي كل اللي بيننا مراسلة انا لي أكثر من ثمان اشهر وانا اراسلك نلتقي يوم الربوع ونراسل بعض وبعد كذا الكل يروح في حال سبيله ناسي كل شيء سواه ورماه ورى ظهره)
المهم رد وشد وجذب بعد كذا حاولت افهمها اني ابي اكلمها المهم ارسلت رقمي لها وكنت اقول في نفسي انه اخر مره راح اجي للمقهى الحاصل ارسلت هي ملاحظة تقول فيها:
هي:ملاحظة (راح ادق عليك وراح يجيك رقم اخره رقمين منه كذا وكذا)
رحت وكنت فاقد الأمل المهم انتظرت وشوي جاني رقم غريب بس اخر رقمين كانوا عكس اللي قالته قلت معقوله الصدفة يجيني رقم بس اخر رقمين عكس ما قالت راح ادق يمكن انها تستهبل علي هاه وش رايكم ادق والا لا يعني تتصورون بعد هالفترة راح يجي اليوم اللي فيه نتعمق انا وملكة القلوب ويصير اللي بيني وبينها اكثر من مراسله تكلمني واكلمها تسمع صوتي واسمع صوتها لو قلت الرقم مو لها ؟؟؟؟؟ وقلت ان الرقم غلطان والصدفة كانت مررررررره قويه بس ولا يهمكم لانها طلعت هي صاحبة الرقم.
أنا: ألو
هي: هلا
أنا: مين ملكة القلوب
هي: لا دلوعة بابا
وقتها نكها كان دلوعة بابا بس متعود على ملكة القلوب ولو حطت مليون نك ماراح اقولها الا ملكة القلوب.
انا: اوكيه دلوعة بابا تعبتينا معك
هي: ليش
أنا: اراسلك أكثر من ثمانية شهور على آمل أني اسمع صوتك وتسئلين ليش.
هي: وأنت متصور الموضع بهالبساطه انك مجرد ما ترسل رقمك ادق عليك.
أنا: لا بس كم لنا واحنا نتراسل.
هي: ليش ما خذتها أنها فترة تعارف وكنت اختبرك في بعض الأمور.
أنا: أها فهمت الحين على العموم عندي كلام كثير راح اقوله لك ممكن ادق عليك الساعة اثنين وقتها الساعة كانت الساعة (12:30) بالليل.
هي:أوكيه.
أنا: باي
المهم قفلت رحت وقتها اهلي طالعين للمزرعه رحت وانا مبسوط مرررررررررره بس السؤال اللي في بالي دايماً راح نستمر مع بعض وإلا فترة بسيطة كانت هي التحطيمة من جد مراسلة ثمان أشهر وبعد كذا مكالمة وحدة او ثنتين او معرفة يوم او يومين وبعد كذا كلن يروح في طريقه يمكن ما نصلح لبعض هذا اللي كان في بالي كنت اقول لو انها على المراسلة كان احسن وبنينا احلام المهم رحت لاهلي في المزرعه كان بالي مو معاهم سرحان طول الوقت وش اقولها ومن وين ابتدي معها في بالي كلام كثير والسؤال اللي في بالي هم ليش مبشكين كل يوم ربوع في المقهى ليش مو الخميس؟! سؤال غبببببببببي بجد المهم انه رجعنا للبيت الساعة اثنين دقيت عليها ماردت قلت يمكن البنت مسويه ثقل حركات البنات آه منهم المهم بعد شوي دقيت ردت
أنا: هلا ملكة القلوب عفواً دلوعة بابا.
هي: أهلين.
أنا: وين وصلنا أيه كنت تقولي كانت فترة تعارف واختبار أوكيه نجحت في الأختبار والا لا.
هي: يعني.
أنا: افا ليش.
هي: بصراحه يوم اقولك ارسل صورتك اعجبتني انك ما ارسلتها على طول على بالي انك راح ترسلها بعدين وزعلت انك ما ارسلتها بالمرررره.
أنا: طيب انتي بالبساطه هذاي متوقعه اني ارسلك صورتي وما بيني وبينك أي شي.
هي: برضوه اعجبتني بالكلام هذا. والشغله الثانية يوم طلبت منك أنك تطلع فوق وما طلعت عن جد اعجبتني والشغله الثالثة يوم ارسلتلك الصورانت ماارسلت زيها.
ذكروتها الصور اللي قلت لكم صور لكم عليها.
أنا: أوكيه الحمدالله.
هي: وبعد فيه شغله نسيت اقولها لك وهي أهم شيء أنك كنت تراسلني أنا وبس.
أنا: عن جد طيب وش دراك.
هي: كانوا معي خواتي كانوا يراسلونك وانت ما كنت تراسلهم.
أنا: أووووف يعني معك خواتك مسوين شله.
هي: ههههه تقريباً.
المهم كذا كفاية عليكم ماراح اقولكم التفاصيل اللي صارت بعد كذا وهي مصارحة بين أي اثنين توهم يتعرفوا على بعض اسمك كم عمرك .............إلخ
اختصر الموضوع انه كان كل واحد فينا بحياته شخص ما استمر معاه نفس ظروف بعض بس الفراق كان غير المهم كلمنا بعض بداية الامر ما كان فيه أي شيء اسمه حب كانت فترة تعارف.
تعمقت علاقتنا شوي بالنسبة لي بديت انسى أو اتناسى علاقتي الأوله او علاقاتي الفاشلة مع البنات مسوي حبيب الولد لا يهمكم أي كلمة قلتها من عرفت ملكة القلوب نسيتهم كلهم فرغت قلبي لها هي بس المهم مر الأسبوع الأول والثاني والثالث صارحنا بعض قلت لها ما كنت اتوقع التقي بوحده زيك بالعربي حبينا بعض وبدت هالوردة تكبر بينا لدرجة يوم من الأيام سمعت أغنية لماجد المهندس بالأف أم بالرادو أغنية حلوة مرررررره قلت لازم اسمعها ريومتي وادق عليها:
وليد: ألو حياتي مساء الورد.
ريما: هلا حبيبي مساء النور.
وليد: شخبارك مشاتق لك حييييييييييل.
ريما: تشتقالك العافية حبيبي شخبارك انت.
وليد: انا بخير دام سمعت صوتك حياتي حبيت اسمعك اغنية توها نازله لماجد المهندس شريت الشريط وأبي اسمعك.
ريما: والله طيب يالله سمعني.
وكانت الأغنية تقول(بين أيدي واحس انك بعيد ذوب بأحضاني مثل قطعت جليد علم العشاق كيف الحب يكون بلا حواجز أحلا طعم الحب أكيد)
وليد: وش رايك حبيبي.
ريما: مررررررره يادودي تجنن.
طبعاً دودي اسم الدلع حقي مووووت قهر فيه احد اتدلع زيي الله مين قدي.
أكيييييد بتسئلون عن المقهى وش صار فيه طيب.
بالنسبة للمقهى صرت ما اروح قلت ما أبي اسبب للبنت أي إحراج إلا اذا طلبت هالشيء وفي يوم من الأيام قالت حنا راحيين للمقهى بتجي قلت اوكيه اذا مايضايقك هالشيء وفعلا رحت للمقهى وطلب انها تشوفني من بعيد قلت الحين مو مشكلة تشوفيني يمكن اصير شيفة وما تبيني نكون على بينه قبل ما نتعلق ببعض أكثر وأكثر وبعد كذا احتفظ بكل شيء لنفسي لا تصيرون شفايين ما عليكم من اللي صار بعد كذا على فكرة سمينا المقهى تايتنكW♥۝♥R لانه جمع قلبي وقلب ريما حلو انه يصير عندنا مقهى اسمه تايتنك في الرياض المهم حبينا بعض ما يمر يوم والا ونكلم بعض مره مرتين وثلاث واحياناً أكثر واللي خلاني اكتب هالقصة انه في يوم من الايام دقت ريما علي
هي: مرحبا دودي شخبارك.
أنا: أهلين حبي الله يسلمك.
هي: دودي تكفا حط على قناةTXT فيه أغنية لبو نايف.
طبعاً عارفين وش قناة التكست قناة الأف ام على الستالايت.
أنا: وش الأغنية.
هي: اغنية وشلون ما أغليك.
أنا: عن جد.
أغنية مررره رايقه( وشلون ما أغليك وانت اللذي علمتني حبك)
هي: وش رايك فيها.
أنا: كنت احب هالأغنية وحبيتها زياده من جت منك تسلمين يا حياتي.
هي: دودي أحرجتني.دودي ودي اقول لك شيء.
أنا: قولي وش عندك.
هي: لما كنا نتراسل في المقهى في البداية.
أنا: ايوه.
هي: كنت اقول لخواتي ياويل وحده تراسله بس أنا.
أنا: يوه من جد ههههههههه.
هي: ليش تضحك.
أنا: للهدرجه كنت تغارين علي وما كان بيني وبينك الا مراسلة.
هي: كنت ابيك لي انا انا وبس.
أنا:يا بنت يا غيروه انتي.طيب وش اللي جابه على بالك الحين.
هي: يعني اقولك كني حاسه انه راح يصير شيء بيني وبينك بس ما تصورته كذا.
أنا: والله عن جد ليش وش كنتي متصورة.
هي: تبي الجد كنت خايفه لانه ببداية الامر ما كان في بالي هالشيء بس حسيت انك قريب مني قريب من افكاري اشياء تكوني في بالي تسبقني انت احياناً وتبادر فيها.
أنا: نفس شعوري عن جد قلبي.
هي: وخايفة افقدك.
أنا: حياتي حنا لبعض وماتصورت حياتي من دونك وماراح يفرقنا الا الموت وخلينا من الكلام الفاضي.
خلصت الأغنية قالت وليد ابي تحكي لي حكاية فجت على بالي اني اكتب قصتنا بعد قفلت مني قررت ابدى فيها وفعلا بديت فيها.....



معليش أنا راح اكمل القصة أنا فيصل أخو وليد راح اكملها لكم اللي صار انه وليد بعد ما كتب هالقصة طلع يفطر هذا الكلام كان يوم الجمعة وكان الكمبيوتر شغال يعني أنه وليد ما راح يطول بالطلعة بيرد بسرعة الحاصل انه وليد طلع ومارجع أتأخر ليش ما ندري جت صلاة الجمعة ووليد ما رجع المهم شوي يدق علي صاحب أخوي وليد
صاحب اخوي: الو. السلام عليكم.
فيصل: عليكم السلام.
صاحب اخوي: فيصل وينك.
فيصل:في البيت.
صاحب أخوي: ممكن امرك الحين.
بصراحه استغربت لهجته معي كأن فيه شيء.
فيصل:ليش وش فيه.
صاحب اخوي:بمرك واعلمك اوكيه.
فيصل: اوكيه انا بانتظارك.
المهم مرني وطلعت معه قال فيصل بصراحه ماادري من وين أبتدي بصراحه اخوك وليد سوى حادث قلت وليد سوى حادث طيب قلي وليد صارله شيء ومتى ووين وشلون دريت انت قال وليد بعد ما طلع من البيت دق علي أساس انه انا وياه نتواجه في الكوفي شوب جيت الكوفي تأخر وليد ادق على جواله محول على البريد الصوتي بعد ساعة جاني رقم غريب المستشفى دقوا على أخر رقم دق عليه وليد اللي هو أنا
المستشفى:ألو
صاحب وليد: نعم
المستشفى: تعرف صاحب الرقم هذا
صاحب وليد: نعم
المستشفى:ممكن تشرف عندنا لأن صاحب الرقم منوم عندنا.
صاحب وليد: أوكيه.
ورحت للمستشفى بعد ما عطوني العنوان دخلت الطوارئ رحت عند الاستقبال سئلت عن وليد قالوا انه حالته مره خطره اوكيه بخبر اخوه أول شيء وهذاني جيتك عشان نروح للمستشفى رحت انا وصاحب اخوي وليد دخلت لقيت وليد على السرير والاجهزة من كل جهه عليه انهرت مسكني صاحب وليد تعوذ من ابليس وليد ما فيه الا العافية وانا اقول لا لا ما فيني شيء لازم ارجع البيت ابلغ اهلي رجعت البيت قبل ما ارجع للبيت مريت اخذت اغراض وليد اللي في أمانات المستشفى من ضمنها الجوال هذا الكلام الساعة اثنين الظهر المهم علمت الأهل أكيد انهم انفجعوا رجعت للمستشفى اطمن على وليد الوضع ما تغيير للحين الحاله خطره المهم رجعت للبيت بالليل شيكت على جوال وليد فيه رسايل من ضمنهم رسالة تقول دودي الغي البريد الصوتي ابي اكلمك ما شفت من اللي ارسل الرسالة المهم كنسلت البريد وقفلت الجوال ومن بكره رحت لوليد ونفس الوضع ما تغيير دخلت عليه ما حاس بشيء رجعت للبيت فتحت جوال وليد قلت يمكن امه تدق لان وليد اخوي من الأب وطبعا ام وليد منفصله عن أبوي وماراح نبلغ امه حتى يتحسن وضعه واذا طول على الوضع راح نقولها المهم دق الجوال بعد ما فتحته بشوي الاسم غلا العمر..... توقعت أنها امه وكنت ناوي اقولها رديت
فيصل: نعم.
غلا العمر: دودي وينك دودي حرام عليك وش سويت فيني قولي فيك شيء حبيبي قولي ليش جوالك مغلق.
بصراحه استغربت الصوت مو ام وليد لأن الأسم له كماله غلا العمر وهواه.
فيصل: أنا مو وليد أنا أخو وليد انتي مين.
غلا العمر: وين وليد فيه شيء اكيد وليد فيه شيء قلبي كان حاس تكفى لاتخبي علي.
بصراحه خجلت أني أقول انتي مين للمره الثانية قلت اقولها وامري لله.
فيصل: وليد بصراحه مسوي حادث وبالمستشفى.
وياليتني ما قلت لأنه ما توقعت البنت تنصدم للهدرجه.
غلا العمر: وشلون اكيد مو معقول طيب قولي هو بخير طمني تكفى لا وليد حبيبي في المستشفى.
فيصل: قلت اكذب عليك بصراحه اذا قلت هو بخير من صار الحادث وهو في غيبوبه حتى الحين.تشجعت وحبيت أسئلها انتي مين لأني استغرب هالأهتمام؟!.
غلا العمر: انا حبيبت وليد واللي يعافيك طمني عنه.
فيصل: أجلي هالكلام بعدين وإذا استجد شيء راح أقولك.
غلا العمر: طيب مع السلامه وطمني.



أنا ريما حبيبت وليد راح اقولكم وش صار بعد كذا فيني قفلت وانا مصدقة ومو مصدقه وليد سوى حادث طيب كيف أستغفر الله العظيم ما ارتحت رجعت ودقيت على جوال وليد رد اخوه
فيصل: الو.
ريما: فيصل وليد بأي مستشفى وبأي قسم وأي غرفه.
فيصل: الزيارة ممنوعه الوقت الحالي وممكن بعد يغيرون الغرفة.
لاكن ممكن أقولك المستشفى وين.
ريما: طيب مشكور بس لا تنسى تطمني عن وليد قدر وضعي فيصل أرجوك.
فيصل: إنشاء الله ومع السلامة.
ماقدرت امسك نفسي حسيت اني انشليت طحت واستند على الحيط وبتنهيدة آآآآه حبيبي وليد على السرير الأبيض يارب رحمتك يارب نزلت دموعي على خدي كانها حمم حاولت اقوم ابي احد يحس فيني ابي ارمي حمل ثقيل هدني حبي في المستشفى قمت وبخطوات ثقيله ورحت لأختي وقلتها السالفة وأنه وليد في المستشفى وش اسوي قالت اختي وش بتسوين لا تكوني بتروحين له بعد قلت وانتي هذا اللي همك مو شايفه حالتي وهذا بدال ما تقولي وش فيه سلامات وليد سوى حادث وهو في غيبوبه للحين حرام عليك حسي فيني انت كل حياتك تريقه قالت أختي عن جد تتكلمين والا تمزحين قلت الامور هذاي فيه مزح قعدت على اعصابي اهلي مستغربين من تصرافاتي صايره مجنونه عصبيه دقيت على جوال وليد مقفل قلت يووووووه مو وقته هذا ارسلت رسالة لفيصل اول ما توصلك الرسالة دق علي ضروري انتظرت الرد ما رد علي إلا من بكره صحيت لقيت فيصل داق علي ومرسل رسالة برقم جواله انا فيصل اخو وليد وهذا رقم جوالي جاء في بالي ان وليد عن جد حالته خطره رحت لأختي قلت وليد حالته بالمره خطره ابي اروح للمستشفى قالت اختي هيه انتي وين عايش فيه قلت شوفي ياأنك تساعدين أو اني بتهور قالت عن جد انتي مجنونه طيب يا مجنونه راح اساعدك راحت اختي لامي وقالت يمه صاحبتي مسويه عمليه في المستشفى وابي اروح ازورها انا وريما قالت امي لها براحتكم استعديت انا واختي وبعد العصر كلمت فيصل
ريما: ألو فيصل كيف حالك.
فيصل: أهلين.
ريما: طمني عن وليد.
فيصل: مافيه جديد على وضعه.
ريما: وليد بأي قسم وبأي غرفة.
فيصل: مايحتاج تجين.
ريما: فيصل قدر موقفي حرام عليك بس أبي أشوفه.
فيصل: عن جد أنا خايف عليك وبعدين أهلي كلهم موجودين وام وليد عنده مو راضيه تروح ولا دقيقه.
ريما: فيصل أرجوك قدر موقفي بشوفه من بعد لبعيد علمني وين فيه منوم وليد.
فيصل: أوكيه راح اقولك وين بس قبل ما تدخلي المستشفى تعطيني خبر أوكيه.
طلعت انا واختي مع السواق دخلنا المستشفى اخذت ورد دخلت انا واختي.دقيت وكلمت فيصل .
ريما: هلا فيصل انا دخلت المستشفى.
فيصل: انتظري شوي وراح اكون عند باب القسم لأنه انا توني داخل المستشفى أوكيه.
رحت للقسم وعند الباب بس ما شفت فيصل شوي فيه صياح حرمه تصيح بأعلى صوتها يا حسرتي عليك ياوليد تجمدت في مكاني اختي تقول ريما وش فيك ريما صرخت وليييييييييييييد شوي أشوف شخص طالع من القسم هو أخو وليد فيه شبه منه فيصل ومعه حرمه ماسكها الحرمه تصيح وفيصل يصيح ويقول خلاص ام وليد وكل امرك لله هذا قدر ومكتوب عرفت انه وليد ووليد مــ..... ما قدرت امسك نفسي انهرت وطحت مسكتني اختي استحي على وجهك احنا في المستشفى قومي تكفين يا ريما لا تفشلينا وش راح نقول لو شافنا ابوه والا امه وحسوا فينا ريما ريما خلاص الله يرحمه قلت لا وليد مامات قولي لي تكفين وليد ما مات تكفين ريما تكفين اسكتي ريما يالله خلينا نمشي ابي اشوفه للمره الأخيره بس ريما ما يصير اهله كلهم فيه قومي خلينا نمشي جمعت كل قواي وطلعت انا واختي من المستشفى وانفجرت انهار من البكى شوي ويدق جوال اختي كانت النغمة بين ايدي لماجد المهندس التفت عليها قلت هذا وليد ردي عليه ردي وليد قالت أختث وش فيك هذا مو وليد امي تدق اسكتي خليني اعرف ارد عليها اوكيه ماراح ارد عليها ريما... قلت تدرين هالاغنية كان يحبها وليد اول ما نزلت دق علي وسمعنياها تدرين والا لا ريما امسكي نفسك ما يصير كذا وليد مات الله يرحمه وهذاي مو نهاية العالم رجعنا للبيت خشيت طلعت فوق والدنيا ضايقة فيني اختي تحت ماسكينها اهلي تحقيق وش في ريما دخلت تبكي قالت شافت صاحبتي مره تعبانه ما تحملت الموقف تعرفون ريما قلبها مره رهيف الحين صديقتك وسوت كذا اجل لو صديقتها وش بتسوي قالت عاد ووالله ما دري عنها أنا دخلت الغرفة ورميت نفسي على السرير مو حاسه بنفسي شوي يدق الجوال جاء في بالي انه وليد قمت على أمل انه وليد وليد ما مات وليد هو اللي يدق بدون شعور مسكت الجوال رديت
أنا: وليد حبيبي انت ما مت صح قول وليد رد وليد.
صديقتي: ريما وش فيك ريما انتي مو صاحية انا منال تراك صدمتيني.
أنا: منال تكفين اكذب علي قولي انك وليد منال وليد مات مات مات ماراح اشوفه بعد كذا ماراح اسمع صوته منال راح وليد وراح معه قلبي وعقلي وحياتي تكفين منال ساعدني.
صديقتي: ريما وش فيك شالسالفة مو فاهمه شيء ألو ألو ألو الو...
بعد ما كلمت منال ماحسيت بنفسي إلا وانا مفتحه عيوني وأشوف منال فوق راسي هي واختي.
منال !!!! مو مكلمتك من شوي قالت لي منال كلمتك وانت منهاره وبعد كذا انقطع صوتك كلمت اختك وقلت ريما وش فيها حكت السالفة وقلت لها كنت اكلم ريما وبعد كذا مادري وش صار لريما راحت لك اختك في الغرفة وحصلتك مغمى عليك سكرت من اختك وجيت.
منال وليد مات خلاص راح وليد وقعدت ابكي ضمتني منال وقالت والله حاسه فيك ياريما بس الله يرحمه وكلنا بنموت مقدر ومكتوب حرام عليك تسوين في نفسك كذا.
منال احبه احبه يامنال صدقيني احبه مو متصوره الدنيا بلاه كان يقولي وليد ريما انا وياك ماراح يفرقنا الا الموت وبعد كان يقول ريما مو متصور الدنيا من غيرك وهذا هو الموت فرقنا خذاه الموت مني يامنال.
ريما حرام عليك بس ارحمي نفسك اللي تسوينه هذا غلط ماراح يرجعه. ضمتنى منال وقعدت تبكي معي.
راحت ايام واسابيع آآآه اليوم كان عندي زي الشهر والشهر صار زي السنه آآآه ياقسوة الأيام وش الدنيا بلا وليد وليد ليش ماخذتني معك وليد ليش تركتني بالحالي ياربي استغفرالله ياربي ساحمني مو بيدي وبعد شهور من وفاة وليد دق جوالي.
أنا:ألو مين.
فيصل: ريما كيف حالك أنا فيصل أخو وليد.
خنقتني العبرة صوته فيه شبه من صوت وليد.
انا: اهلين فيصل آسفه ماكلمتك بعد وفاة وليد بس صدقني.
فيصل: لاتكملين ريما صدقيني عارف ومقدر وعارف وشكثر غلا وليد عندك لما شفتك بالمستشفى يوم وفاة وليد.
ريما: فيصل أبي اطلب منك طلب.
فيصل: قبل لاتطلبي فيه امانه لازم توصلك وممكن يكون هو طلبك.
ريما: ألف شكر لك يا فيصل.
أتوقع عرفتو الأمانه اللي هي الطلب اللي كنت أبي اطلبه من فيصل. اللي بيطلع على القصة راح يستنتج أيش هي الأمانة.
وبالنسبة للمقهى رحتله في يوم من الأيام وياليتني مارحت أول شيء شفته الطاولة اللي كان يجلس فيها وليد يوم كنت اطالعه من فوق لما نجي للمقهى والدرج اللي قابلت عنده وليد أول مره والباب اللي كان واقف وليد عنده يوم كان ينتظرني كل شيء في المقهى يذكرني بوليد كل شيء كل شيء آآآآآآآآه ياوليد وشوي سمعت أغنية الأماكن:
الاماكن كله مشتاقه لك.........
ما تصورت هالأغنية أنه في يوم من الأيام راح تحكي لواقع لي أنا واقع فراقي من وليد آه ياوليد الأماكن كله مشتاقه لك دمعت عيوني وما قدرت أبقى في المقهى كلمت اختي انه بخلي السواق يرجعني للبيت وانتم براحتكم اذا حب احد يرجع معي أوكيه قالت اختي هذا انتي تحبي تنكدي علينا طبيعي انه راح نرجع معك.
ركبت السيارة وطلبت من أختي تشغل أغنية الأماكن كلها مشتاقه والعيون اللي انرسم فيها خيالك والحنين اللي سرى بروحي وجالك ما هو بس انا حبيبي وليد حبيبي والله والله والله والله والله والله والله مشتاقه لك ........................

أولاً: اتمنى هالقصه تعجبكم لأنها من تأليفي.
ثانياً: القصه واقعيه في البدايه بس في النهاية كل واحد راح في حال سبيله بعد مرور سنه وشوي بينهم.
ثالثا: حبيت تعيشون النهاية الواقعية المره اللي حس فيها وليد يوم افترقو عن بعض في الواقع من خلال احساسكم بنهاية القصه..
رابعاً: ياليت تعرفون ايش هي الامانه وماراح يعرفها اللي يقرى القصه صح.
ولا تحرمونا من ردودكم سواء اعجبتكم القصه او لا لانه يهمني رايكم

[سارق القلوب]

ولا تحرمونا من ردودكم

[حفيد الصحابه والملوك]

اتمنى هالقصه تعجبكم لأنها من تأليفي.

اعذرني أخي سارق القلوب القصه موجوده في مواقع ومنتديات كثيره