الفية

[حسين المعنى]

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
الفن اببدى بسم خالق عبيده=اللي بيدنا الشر والخير بيده
الواحد اللي كل طاغي يبيده=اللي بموره تمشي الانس والجان
والباء بعيد العين وسع خيالك=لا تترك اهل الشين تصبح خيالك
واللي ردي لا تحسبه راس مالك=حتى لو انه كان من بين الاخوان
والتاء ترى اهل الدين والعرف والطول=ذولا حزامك وانتبه من هل الطول
ماحد خذ الدنياء من العرض لطول=النفس شينه ردها قدر ماكان
والثاء ثمين الوقت في كل ليله=تركع وتسجد واعتبرها قليله
وغيرها تترك حياتك عليله=وعرف وراك الموت لو طال الازمان
والجاء جحود الطيب لو راح ياتي=جنب عنه لو كان يسوى الحياتي
هدي وقري واركدي ياحياتي=تلحقي الدنيا قبل فوت الاوان
والحاء حلات الامر لاصار بيدك=اما يسر الروح والا يبيدك
يالله يامعبود ترحم عبيدك=واكتب لنا في صفحة الخير عنوان
والخاء خساره لو تقدر معاديك=ولا تحط الصقر لاجاء معاديك
ولا تخلي إيد الاوادم معاديك=في المعصيه واحذ من الوقت لازان
والدا دوى قلبك يفكر بعيده=واذا تعثر مايهمه يعيده
يقرب لك الفرحه ولو هي بعيد=يكون لك دايم محب وشفقان
والذا ذلول الوقت لو قرت العين=في احبابها وان فارقوها الملاعين
والغطرسه روض القلوب المولعين=والهرج يجذب لا بدى فيه ميزان
والرا ربيع العمر بنت الحلالي=اللي تغطي قدرها والحلالي
ماجت بها العوجه ولا الانحلالي=اللي بها العادات والطيب سكان
والزا زول الليل روحه وجيه=معا كتاب الله وليلة نجيه
خيرن من الشيخان والقهوجيه=وخير من مصياف لندن ولبنان
والسين سور الارض وصف الهوايه=هذا هوى قلبك وهذا هوايه
رغم انت وانا مامشيت بهوايه=الوقت سير له جهوله وشيبان
والشين شمس الطيب في كل تقديد=من حكم نفس الادمي بي تقدير
واللي نجح لاعاد ينضر لتقدير=لا مر حب الحنضله فالبلح زان
والصاء صدور والوقت حزة وفاتك=والا غبون الوقت من شي فاتك
لا تتركك الشينه بحفة شفاتك=ولا تقول انسان لو كان ماكان
والضاء ضهور الوقت دايم قريبه=وش هو القريب ان ماوفا مع قريبه
حسن حياتك دام علمك قريبه=ولا ترخص عالي القدر والشان
والطا طويل الدرب بالصبر طاوي=فلا تبحبح لا غدا الجار طاوي
واعط العطاء يامستمع للعطاوي=ولا تسوق الكفو من فوق نيشان
والضاء ضلمت النفس لا من تعديت=على حدود الله لو منت عديت
من باب ويل الله خطيت وتعديت=ان عشت منهان وذا مت منهان
والعين عايش كل واحد يهلي=ان جيت له وان رحت طرفه يهلي
وبيت القرابه عززه لا يهلي=اعدل وكمل لا بدى فيه نقصان
والغين غض الطرف واعرف نصيبك=لو تبتعد والا تجنب يصيبك
وان معجبك لتقول ربي يصيبك=واللي كتب لك مايرده ولا انسان
والفاء فروق الناس لو هي محيره=فالامر للمعبود رده وحيره
واللي سبح في البحر يسبح بحيره=اكبر مصيبه لو قضى العمر حيران
والقاف قرب من دروب الجماله=والحمل لامن جار يبرك جماله
وش هي حلات الوقت وش هو جماله=لامن ذكر بالطيب لفلان وافلان
والكا كرامت كل واحد بالاسلام=لهل الحروب احروب للمسلم اسلام
والنار تاكل كآنها عشر واسلام=والدايم الله غير خلاقنا فان
واللام لولا الحلم ماراح يشفيك=طب العرب والوقت كنه كلش فيك
الله يالمرضان فالوقت يشفيك=الوقت يقطع واقطعه قطع شامان
والما مودك خل قره كما نيس=وللفايده خذ من جميع الاجانيس
وغير صحب الخير لا تحسب اونيس=واللي يعيب النفس لايعلن اعلان
والنون ناوي الليل براق ساده=بين علومه واوقضه من وساده
وانا انصح المفسد يخلي فساده=الدين لا يطلبه ويصير مندان
والهاء هوان الناس لا ترتجيها=تغبنك تكسر خاطرك ولو تجيها
خلك مع العربان عادل وجيها=وابدع على زين الطوارق والالحان
والوا وصينا والوصاياء وصافي=من قلب شاعر طول الايام صافي
ندمان يامن هوى على النصح صافي=الرشد بان وغي الايام قد بان
والياء يدوم اللي على الزين قامي=الصاحب اللي للمواجيب قامي
اللي رقومه حطمة لرقامي=وختامها صلو على نسل عدنان[/poem]

[ابو عاصم القرشي]

صح لسانك وبيض الله وجهك وننتظر جديدك

[سعيد الكناني]

الفيه
تستحتق الشكر
والتقدير والمتابعه
شاعرنا القدير/حسين المعنى
ابدعت وامتعت وذائقتي اشبعت
صح الله لسانك مدد لا عدد وعلاشانك
أتمنى لك التوفيق والسداد
واصل ابداعاتك الرائعه
ونحن متواصلين ومعجبين
بكل ماتخطه أناملك
تحياتي وتقديري
ابونادر

[توم كرووز]

لاجديد تميز ابداع سلمت اناملك
مع اعجبي



ابولبدان

[الفقير الي ربه]

اقتباس: المشاركة الأصلية كتبت بواسطة ابو عاصم القرشي      صح لسانك وبيض الله وجهك وننتظر جديدك

[ألمحيط]

الغالي والشاعر الكبير حسين المعنى الرائع
صح لسانك ملااااايييين ولا يسدون على هذه الرائعة التي تضاف الى روائعك
الله يوفقك ويرحم والديك
دمت بخير

[عبدالرحمن الخزمري]

صــــــــح لسانــــــــــــــــــك .

بيض الله وجهك ولاهنـت .
يعطيـــــك الف عافيـــــــة .
ابداع مستمر من شاعرنا .
دمت ودامت قصــــــائدك .

تحياتــــــي وتقديــــــري ,,,

[حسين المعنى]

اقتباس: المشاركة الأصلية كتبت بواسطة ابو عاصم القرشي      صح لسانك وبيض الله وجهك وننتظر جديدك

ابو عاصم
صح الله بدنك وبيض الله وجهك

تحياتي واحترامي

[حسين المعنى]

اقتباس: المشاركة الأصلية كتبت بواسطة سعيد الكناني      الفيه تستحتق الشكر والتقدير والمتابعه شاعرنا القدير/حسين المعنى ابدعت وامتعت وذائقتي اشبعت صح الله لسانك مدد لا عدد وعلاشانك أتمنى لك التوفيق والسداد واصل ابداعاتك الرائعه ونحن متواصلين ومعجبين بكل ماتخطه أناملك تحياتي وتقديري ابونادر

صح بدنك ياسعيد

تشرفت بمرورك واشاتك

تحياتي