تم افتتاح مجالس نسيم الشعبية تفضلوا ....

[ابن الفقهاء]

اقتباس: المشاركة الأصلية كتبت بواسطة ابن الفقهاء      مشكورة يا نسيم على هذا لنقل الرائع [frame="1 80"] وماسبه حميدة انشاء الله تعالى وانتى تستاهلين وحقيقه صورك رائعه جداااا ولكن هناك صورة حقيقه اعجبتنى مرررررررة وهى صورة السفل..وانا افكر فيها واستعيد ذكريات مرت بمخيلتى واثناء مرورى من جنب السفل شميت ريحه فكت راسى ومن باب الفضول اتجهت جهه السفل والا بذيك الخبزة الله لا يوريك اثرها خبزت(طوق الياسمسن)الله يعطيها العافيه .. وصراحه سال لعابى لها وبغيت اقلط..وخفت الناس يقولون ماهو صاحى ..ويوم قربت والا العكاك السمن والعسل وزادت بى الهمه وقررت فى نفسى انى اقلط واكل ونشدت عن العكاك قالو لى هذى عكاك (قالب من ذهب)الله يعطيها العافيه واحترت اقلط ولا ما اقلط ولكن تذكرت ان زهران هم اهل الكرم الحاتمى وانا اعتبر نفسى فى بيتنا.. وجلست وكلت ويازين ذيك المقناة ((الله يعطكم العافيه)) [/frame]

[نسيم السروات]

اقتباس: المشاركة الأصلية كتبت بواسطة هدفي للحياه طلع تسلل      صباح الخير والورد .. كيفكم ...اخباركم ... منيحين .. طيبين ... الحمد لله شفتكم مجتمعياً قلت اجي اجلس معاكم واسولف ها ياصاحبة الدار نتفضل ولا نروح..

مرحبا ياهدفك للحياة طلع تسللل

تفضل حياك الله ولكن بعدما ينفك رباطك أشوفك محبوس

مدري وش سويت وش هببت الله يهديك

وصاحبة الدار ترحب بالجميع

فحياك الله والجميع .

[نسيم السروات]

اقتباس: المشاركة الأصلية كتبت بواسطة الســرف      السلام عليكم وش امسيتم وعليكم السلام والله يمسيك بالهنا والعافية يالسرف حياك الله عد عد في مجلس الرجال لا تلفت يمين عشان مجلس النسوان مفتوحن عد قيسك على مجلس الرجال . اول شي ابغى اعتذر من نسيم اللي وعدتها قبل سنتين اني انزل صور تراثيه قبلت عذرك بعدما يئست أنك تخرط عليه والصورة اللي قلت عليها كلتها البسه باحت وهذي طبخه بن ومعها خمسين ريال من عند الوالده لك تقول اعطها نسيم وهذي طريقه تستخدمها الكهيل في زياراتهن يايبه أشوف اللي في الكيس هيلاً ماهو قهوه هيا الهيل بعد أحسن من القهوة يازين تاك الخمسين فوقه مابفك كيسك يالسرف باخليه زينه في مجلسنا . سبحان الله العظيم كيف ألهم هذا لعصفور بناء هذا العش بهذا الشكل الهندسي ومافيه من مشقه وتعب حيث يحمل في منقاره عود واحد بعد كل هالتعب كم واجه من عبث الاطفال ويخربون بيته..!! تماما مثلما يحدث في حياتنا شكلك يالسرف ماخليت في صغرك ولا عش إلا وكعشته وأخذت الفروخ منه باقي قلبك حب العششه . هذي المطحنه لقيتها في البيت القديم ياسبحان الله مطحنتكم تختلف عن مطنة أهلي . مطحنة أهلي رحى مدورة . هذا نوع من الازهار يسمى " السكب " له رائحه زكيه الله أحس أني في برنامج العالم الفطري عصافير وزهور وطبيعة تسلم ياسروف . سبحان الله كان هذا الزرفال كافي للاحساس بالأمان ...اليوم ابواب الكترونيه وارقام سريه ومع ذلك يستبد بنا الخوف تغير الزمان كثر الرزق وكثر الطمع أيام زمان الحال مستور والأمان موجود وكان الناس سواسية وكانوا يساعدون بعض الغني منهم يساعد الفقير عشان كذا قلت السرقه ولكن هذا الزمن ياكافي كثر الحرامية لأن الأغنياء مستبدين بالأموال مما يجعل الحرامية تطمع فيهم وتأخذ أموالهم بالسرقة . شوفوا وش سووا صفة 14 على قولة عمي ماقطعوا الخبزه نتفوها نتف ...يوم دخل عليهم قال لهم حرام ماعاد باقي لكم غير ذيل لكل واحد فيكم ...وش بكم ماتقطعوا الخبزه أخاف أنك واحد منهم يالسرف هيا أعترف هو يايبه تتنهشون الخبزة تيه الضيعة مافيكم من أخذ سكين وقطعها والله صحيح صفة 14 ماعليهم غرة في حاجة . عليه عن تاك الخبزة صار فيها كارثه ياتعب راعيتها اللي جالسة تسويها من الصبح شكله يوم العيد يالسرف أشوف شي حلاويات وبغيت أسألك وشنهو ذا معك اللي كنه قوالب زبده أصفر فوق السفرة تعقدت أبغى أعرف وشنهوه العيش والسمن أممممممممممم الله ما أحلاه باروح أجيب لي ملعقه وأمد أيدي . ونلقاكم في صور اخرى << حاس نسيم تقول بعد سنتين

عز الله أنك صادق يمكن بعد سنة تجيب شي من تراث لنا هويه يالسرف مالك من أسمك نصيب ؟؟؟

أسرف أسرف علينا خابرينك خابرينك عوائدك الجميل ماغير نمزح معك .


الله يعطيك ألف عافية وأسفه على التأخر في الرد ود بسبب تعطل المنتدى وتعطلي في شغل البيت .

تشكرررررررررررررراتي يالسرف تسلم يمنيك .

[نسيم السروات]

اقتباس: المشاركة الأصلية كتبت بواسطة **بن سعدي**      السلام عليكم،، وش امسيتم الليله،، جيت اقول لكم سلام ونتعهدكم ،، والله اعجبتنيه سوالفكم جهدا ،، هيا وداعت الله،،

حيا الله شاعرنا بن سعدى

أقول يابن سعدي مامعك لنا قصيدة تقولها في مجلس الرجال

والله أن قصايدك حلاه أعب لنا من من اللي معبية مو لازم تجيب وحدة جديدة


تراني أمزح والله مانبي نكلف عليك الله يعطيك العافية

تشرف مجلسنا بحضورك . ولك الف شكر .

[نسيم السروات]

اقتباس: المشاركة الأصلية كتبت بواسطة بنت الغمد      [justify] [justify] [justify]يابه يابه والله اني مادريت عن مجلسك يانسيم الامن اختى يوم افلحت عند ابي وامي احيي عليهم جو من الديرة , والا ونتهرج وتقول اختي شوق ما دريتي اهي نسيم فتحت لها مجلس ؟؟؟ قلت ياحسفي والله اني مادريت الا ذلحينه اني كل يوم ادخل في منتديات زهران واتدرج فيها وما لمحته قالت ها باركيلها عسب ما تضيق عليك ؟ يانفدا من بدأ حيا الله بنت الغمد يامرحبا وأهلا وسهلا عند عمانك الزهارين كلنا بيت واحد يايخته الغمد والزهارين عساني دفعك عدي يايخته زارتنا البركه باروح أجيب لك قهوة وعشاك والله أنه عنديه في مجلس الحريم ها قلي تم بغيدي أجيب قهوتيه وأقول لواحد من العيال يذبح لك واحد من الطليان السمان تدرين أن الزهارين كرمهم زائد وهذه قهوتك يايخته تقهوي حيا الله بنت غامد يامرحبا : عجل ياعثمان بالذبيحه الله مافيك من الكسل ياذا السوداني ألمحي كيف يجر الخروف أمداه ذبح له عسيل وخبشه وهو باقي يجرجر فوق الخروف الله يعين عليه مالقيت أحد من العيال يذبح قدرك عودت أدعي العطوي حقنا جبناه من السودان يرعى لنا الغنم ويسوق البلاد ونشب جوف حلوقنا كسلان وخامل(ن) ذبحنا ضيعته كلها صامطه . قلت اخاف تقول و ش جاب بنت الغمد في مجلسي لايكون تبغى تسوي كماه اخاف ان معها جكرة, لكن والله يانسيم اني ماجيت الا ابارك واقول وش تا الهياله في مجلسك كل شي فيه يهول عجبتني هروجكم وسمراتكم وذيك الفرش والمواعين وقلت ياغبني محلى عيشة الاولين ما هاب كما تالعيشة ذالحين اكوه عليها كلها قطيعة وحسد وتكبر وما عاد واحد يعرف الثاني والله اني يانسيم تدرجت في كل مجلسك وضحكت من قلبي الله يسعدك , وقلت يابه والله ان تالبنت معها هروج واخفني كل يوم باجي عندها اتعذر بالقهوة واتهرج لين ظهيرة واعود عند الغمد ,,,,,هههههههههههه يووووووووووووه ياخيبتيه خيبتاه وش تالهروج معك الله يحيك يايخته لا جكرة فيك ولا حبه حياك الله تعالي أنتي وبوك أن كان وده يروح مجلس الرجال ويشوف التراث والعلوم الزينه في مجلس الرجال هيا أبشرك عشاك صار جاهز قومي غسلي وتعالي نتعش الله يحييك على قدرك وتستاهلين سمي وكلي يامرحبا : بالهنا والعافية يابنت الغمد عسى عجبك عشانا تراني طبخته في البيت لحالي وبغيت أسوي معه خبزة مقناة لكن ودي أقعد معك وأتهرج : المهم خليني اشكرك براحتي شكر عميق لصاحبة الفكرة نسيم السروات مجهود رائع ومميز في اظهار ما عفى عليه الزمان , استحضار للماضي وكل ما يحويه من ذكريات ترسبت في اعماقنا , تلك الايام الخوالي وما جمعته بين جنباتها من ملامح طفولتنا البريئة صحيح اننا لم نعيش كل تفاصيل الماضي ولكننا ادركنا بعضا من ملامحة ولا زلنا نحتفظ بها , سرقتنا المدن بتقدمها وحضارتها حتى نسينا تفاصيل اصولنا وحياة اجدادنا اين نحن من تلك الايام لم اشعر بحنين لها كحنيني اليوم بعد جولتي الممتعة في مجلس نسيم جعله الله مجلس عامر ودائم,,, تقبلي شكري وتقدير (( بنت الغمد)) [/justify] [/justify] [/justify]

الله يسلمك ويسعدك ويعطيك ألف عافية في إطراءك ومدحك وهذا والله من ذوقك وطيب أصلك

زورينا كل ماحب خاطرك يالغالية ولا تحملين هم الكلفه مابين الأجاويد كلافه .

والله أنك صادقه أن أيام زمان متعوض لكن خلينا نستلهم بعض من عاداتهم وتقاليدهم ونسلي أنفسنا

بالحديث عنها . يقول المثل العشش ولا العمى .

ألف شكر لمرورك وزيارتك لمجلسنا شرفتينا بزيارتك حياك الله .

[نسيم السروات]

حيا الله أبن الفقهاء كلهم يالله حيه

عد ياخويه وأبشر بسعدك أن كان تبغى الخبز المقنا والسمن والعسل

أو العصيدة والمرق أو الذبائح والرز كل شي عندنا في مجلسنا

تعال أحضر كل ليله في مجلس الرجال وتلاقي مايرضيك

تشرفنا والله بقدومك في مجلسنا على الرحب والسعة

والحمد لله أنك أكلت من خبزة طوق وجربت سمن قلب من ذهب

سوته أمه تعرف سمن كهيل بني بشير يهول يخرق اللسان من حلاته

الله ياهب لهن عافيه والسامعين .


وأن كان باقي تبغى خبزة فتفضل شفها باقي فوق السفرة مع المرق والسمن والعسل

كل حدها باقي حرة وبالهناء والعافية .





تشرفنا بحضورك يابن الفقهاء لمجلسنا


وحياك الله في اي وقت وألف شكر على زيارتك .

[الجنوبى11]

السلام عليكم
اعلامنا خيريالله فالخير
الديره والسيره واحده لاشارده ولاوارده
قاره ساره فى وادينا والله هادينا
ماعد شى زراعه ونعلمكم عنها ماينا بالوايت
وزادنا من الدكان والله يرحمنا ويرحمكم برحمته
عندى اليوم ريحان وضريبه والله يفسع بالسيل
الارض واحده من هنا الى منى هاذمن بد الاعلام
اما غيرها سمعنا عن مجلس بنت الرجال نسيم وقلنا نشوفكم وناخذ علومك ونقول لكم الله يجعله مجلس عامر والله يعطيكم العافيه وبيض الله وجيهكم والله يقويكم
ونحن معكم فى السراء والضراء
ون بغيتم فزعه فبشرو
هاذ ماعندنا وسلامتكم

[عطر الكون]

الاخت طوق الياسمين - عليك ذكرآ من الله - ما خليتي شي ما جبتي صورته الله يعطيك العافيه - بعد
عليك المصنف - اعجبني مجلس الرجال عندنا في ديرتنا مثله تمام باالزفر والبيبان والظبه حقت الباب
الله يعطيك العافيه استمري واذا فيه شي ما تعرفين اسمه القديم فقليلي أذا اعرف اعلمك به -

هيا الله يستر عليك ويتفضل عليك

[صديق الاحرار]

((عشان

بعدما تفطر وتعين خير تعبا لنا روية من رواياك أو حكاية من حكاويك الزينة))
ــــــــــــــــــــــــــــــــــــــــــــــــــ ـ
اسمحو لي بالمشاركه
يمكن استبدال عشان بــ (بقوف ) بقوف بعدما تفطر
يمكن استبدال الزينه بـــ ( الهيله) او ( الحلاه ) من رواياك الهيله او الحلاه
تحياتي

[روعه]

نسومه جايبه لك كم صوره من الديره من عند وحده تحب الحاجات التراثيه
ومخصصه لها ركن بالبيت كله اشياء قديمه

الصوره الاولى حاجه يسمونها القفه




وهذي زي العلم مدري وش استخدامها





والثالثه يقولون ستاره مش حقت شبابيك للزينه بس





وبس