العودة إلى مطبخ نسيم للأكلات الشعبية الجزء الثاني ......

[نسيم السروات]

اقتباس: المشاركة الأصلية كتبت بواسطة عبدالرحمن بن مساعد      الخبزة المقناة يقال عنها ( أكبر رغيف في العالم ) البعض قد لا يعرفها إلا في الأعياد والمناسبات فيعتقد إنها لا تقدم إلا فيهما , بينما هي موجودة على مدار العام وتعتبر وجبة معتادة تقدم لأفراد الأسرة كل يومين أو ثلاثة . المشكلة إن أغصان الشث غير موجودة في كل مكان ولا أدري هل يمكن استبدالها بأغصان العرعر مثلاً ؟ نعم أخي عبد الرحمن لايمكن أن نستغني عن الخبزة ودائم نسويها ولكن بالفرن أما المقناة فهي التي تصعب شوي على قولك لعدم توفر الشث لكن الناس صارت تزرع الشث في أحواشها وحول بيوتها من أجل الخبزة أما إذا تعذر الشث فهناك سعف النخل بالمرة ممتاز يقني الخبزة والمشاريق أشوف أمي في الرياض إذا تعذر الشث جابت سعف نخيل وقنت به صحيح أن ماله رائحة زينة مثل الشث لكنه طيب ويفي بالغرض . أما العرعر فما أدري يمكن يصلح لأنه رائحته طيبه مثل الشث . سلمت يداك أختي الكريمة وبارك الله فيك وكثّر من أمثالك فأنت مثال للأصالة وليس أدل على ذلك من اهتمامك بالتراث والعادات والتقاليد , ولم تنجرفي كغيرك خلف المدنية الحديثة ومطاعم الوجبات السريعة . ألف شكر على الإطراء أخي عبد الرحمن كثر الله خيرك وعلى قول المثل اللي ماله أول ماله تالي وتراثنا متوجب علينا الحفاظ عليه وصيانته من الأندثار مع تيار الحضارة . ننتظر منك طريقة عمل العصيدة والدهاليس ( الدغابيس ) والقراص والصقله والعيش البلدي . ابشر بسعدك والمشاهدين باللي أقدر عليه وأغلب الأكلات التي ذكرتها تراها موجودة في موضوعي الجزء الأول . المثبت في اعلى الصفحة . تحياتي وتقديري ,,,

تقبل شكري وأحترامي على مرورك ومداخلتك الجميلة .

[أم وجد]

ماشاء الله عليك اختي نسيم

بس ممكن تنعمل بالفرن ؟

والصور حلوين تسلم ديااتك حبوبه ننتظر الطبخه الجايه

[نسيم السروات]

اقتباس: المشاركة الأصلية كتبت بواسطة العتمه      ما شاء الله تبارك الله والله انهاا تفتح النفسسس الواحد تووه صاحي يفطر على خبززه وحليب هههههههه سلمتي يا نسيم والله يعططيك العافيه

تسلم أخي العتمة وتفضل خذ لك خفستين في المرقة الله يحييك

ولك الشكر الجزيل عالمرور .

[نسيم السروات]

اقتباس: المشاركة الأصلية كتبت بواسطة جمرة غضى      مشاء الله تبارك الرحمن سفرة دائمة وبيت عامر بإذن الله والله ياختي ماقد سوينا الخبزة المقناة واكتشفت ان الشث عندنا بحوش البيت بالرياض وكنت استغرب وش له ينزرع لكن بما إن عندنا صاج ومكان للخبزة بسويها هههههههههههههههه قريبا سترين خبزتي حقت العيد عيني عليها باردة تهول هوله هههههههههههههه تسلم دياتك وإيدين كل من شاركن معك ومن رحتي لهم البيت

يامرحبا جمورة وعسى الله يعمر أيامك بالسعادة والإيمان والتقوى .

وطالما عندك شث يايخته عليك بالخبزة وخاصة في إجازة نهاية الأسبوع غبشي بدري قبل ما تقوم الناس وتشوف

الدخان وتبلغ عليك الدفاع المدني يجون يطفون النار يحسبونها حريقة هههههههههههههه

صارت عندنا قصة هذه السنة في العيد واحدة من الجماعة نزلت من الدور الثاني للحوش هي وزوجها وأشعلوا الحطب

تحت صلاتهم من أجل أن تسوي خبزة العيد ثم طلعت للبيت وبعد حوالي ساعة نزلت بالعجينة تبي تخبزها لقت النار

طافية ومكبوب عليها جالون ماء تدرين من اللي سواها سووها بزران العائلة اللي جايين من المدن قالوا أيش حريقه

وطفيناها ما يدرون وش السالفة ههههههههههه رجعت مسكينة تشب من جديد وتسوي خبزتها الله يصلحهم .


هذا وعسى الله يسلمك يالغالية والغلائم اللي كانوا معي يسوون الخبزة يسلمون عليك منهم طوق الياسمين

وبنت السروات وريم السروات كانوا معنا عضوات في المنتدى زمان .

وتراني أنتظر خبزتك حقت العيد لا تنسين جيبيها فديتك .

[نسيم السروات]

اقتباس: المشاركة الأصلية كتبت بواسطة السلطانة      فديتـ هالموضوع وراعيتهـ نسومتي الغلهـ أسمع بالخبزهـ المقناهـ وماقد شفتوها..ربي يسلم يدين الأربع اللي تعاونوا عليها.. بأقولكـ حاجهـ يوم تقولينـ نجيبـ القنا ونشبهـ فوقها<<قلتـ حليلها نسيم نسيتـ المكبـ أثارني أنا حليلي ماأعرفـ حبهـ كلـ يوم بأجي أتلمح فيكـ وفي ضيعتكـ أتعلم منكـ يعطيكـ ألفـ عافيهـ

فداك الللاش يالغالية .

صدق يايخته زهرانية ولا قد شفتي الخبزة المقناه لا تكون الوالدة ماهي زهرانية ؟

ربي يسلمك يالغالية عني وعن الأربع اللي معي وترى طوق الياسمين من ضمنهم

هي التي صبت الرمادة فوق الخبزة بغت تعمينا خربت ملابسنا حقت العيد وكعشنا صارت كلها رمادة هههههههههههه

نسيت المكب هاه الله يصلح قلبك خبزة المكب شئ ثاني جابها ياسر الزهراني في موضوع أخر ولو أن المشهد الأخير

ماشفناه قعدنا بحسرتنا من حبنا للخبزة .

والله يحييك تعالي وتلمحي وطبقي عشان بكرة إذا نكحتي واحد زهراني ينبسط من ضيعتك .

تصدقين عاد زوجي مو زهراني ومع ذلك أدمن على الأكلات الشعبية حقت الزهارين تقولين زهراني قاعد

تشكراتي ومحباتي وقبلاتي لك يالغالية .

لا تقاطيعن فديتك .

[نسيم السروات]

اقتباس: المشاركة الأصلية كتبت بواسطة الدوسـي      هذه تسمى مسامير الركب ... يعطيك العافية على مجهودك في إعداد هذه الخبزة ... الأحد 13 شوال 1432

ويعافيك أيضاً أخي الدوسي

ومشكور عالمرور بارك الله فيك .

[نسيم السروات]

اقتباس: المشاركة الأصلية كتبت بواسطة أبوعدي      أكلات رائعه ... سلمت يداك

ويداك سالمة أبا عدي

مشكور عالمرور بارك الله فيك .

[نسيم السروات]

اقتباس: المشاركة الأصلية كتبت بواسطة عبدالله بن احمد العدواني

ويعافيك أيضاً أخي عبد الله العدواني .

ومشكور عالمرور بارك الله فيك .

[نسيم السروات]

اقتباس: المشاركة الأصلية كتبت بواسطة أم وجد      ماشاء الله عليك اختي نسيم بس ممكن تنعمل بالفرن ؟ والصور حلوين تسلم ديااتك حبوبه ننتظر الطبخه الجايه

ويداك سالمة يالغالية حياك الله


ومثل ما تفضلتي والأخت مناهل تنعمل بالفرن في الوقت الحالي

أنما خبزة الأباء والأجداد تنعمل عالنار ولها طعم ثاني .

ألف شكر وتقدير عزيزتي عالمرور .

[شتآتـ]

عليك ذكر الله يانسيم وعلى خبزتك
والله انها تفتح النفس .. يكفي ان انتي الي مسويتها
يعطيك العافيه انتي والصبايا الي ساعدوك في المشروع الجبار

نفسي فيها ذلحين وش الصرفه