(( يا سارق الديك على راسك ريش ))

[عذبة الاوصاف]

السلام عليكم يميع ..~

وشحالكم ايه التراثيين والتراثيات كلن بحاله ؟؟

ربكم اللا بخير ؟؟



يقول كانوا في قريه من القرا يربون الدياي و كل بيت لازم تكون فيه دياية عالاقل ..~

المهم مره من المرات انصرق ديج عن شخص في القرية وسار هالشخص عند القاضي عشان يشتكي :

القاضي يمع الناس كلهم وبدا يسالهم وفي نص الاسئله قال :

يا صارق الديج على راسك ريش ..~

وـحط واحد من الماجودين يده على راسه ومن هذي الحركه عرفه القاضي وقالّ : انته اللي صرقت الديج لانك حطيت يدك على راسك ..~

كانت هذي السالفه منتشره بين الناس وكلمه القاضي سرت بينهم كـمثل متداول ..~

وهذا المثل يشبه المثل المصري >ظنيه< اللي يقول : اللي على راسه بطحا يحسس عليها ..~

والحكمة ماجوده في هالقصه لان الشخص اللي مسوّي غلط ويعرف انه غلط يكون شاك في عمره دوم ولا يكون فيه اتزان في الافعال ولازم انه يكشف عمره بـاي حركه وهذا شي صحيح ..~




وهذا هوه المثل وسالفته ..~

يعلنا توفجنا في طرح القصه بشكل واضح ووافي ..~

سمحولنا عالقصور ..~

[محمد الساهر]

الف شكر بارك الله فيك على موضوعك نتمنى منك المزيد