العفو لوغبت بعض الوقت عن ربعي

[ألمحيط]

العفو لوغبت بعض الوقت عن ربعي = لو غبت لظروف يبقى خاطري صافي
انا جفا الناس ماهو شي من طبعي = من عادتي بالمواقف ما اقطع اولافي
لكن ظروفي حدتني واختلف وضعي = ولابد ما يرجع اصل المنبع الصافي
انا الوفا والمحبه مصدر لنبعي = اجازي اهل الوفا بالمذهب الوافي
ان كان بي خير يوصلهم مدى نفعي = ونشيلهم بالمواقف والقدم حافي
واشوفهم كلهم واصغي لهم سمعي = واسعى لهم في طلبهم بين وخافي
هذول في وصلهم عند القوي شفعي = وصل القرابه بها الدنيا من اهدافي



راشد الجمعان

[الشغموم]

صح لسانك و اعتلا شانك و مرحبا بك بعد طول الغياب

[الشغموم]

اجازي اهل الوفا بالمذهب الوافي .

ما معنى كلمة المذهب في هذا الشطر ً

[الشغموم]

هذي مجاراة بسيطة مني لابياتك

يا مرحبا بك عدد ما بالدجا يدعي
رجلٍ تقي ٍ يبي تحقيق الاهدافي
وصل القرايب سحايب تقدح اللمعي
تسقي هشيم اشتياقك و المطر صافي
شاعر لك الراعبي فوق الشجر يلعي
غنّا معك و الحزن في لحنه إنشافي

[ألمحيط]

صح بدنك يالغالي
اهل الوفا لابد نجازيهم بحسن التعامل بأدب واخلاق ورد الجميل للاوفياء
شكرا لك اخي على مجاراتك وصح لسانك
ربي يسعدك ويرحم والديك

[ابن روزه]

صحت ألسنتكم جميع ابدعتم أيما إبداع

تحياتي وتقديري

[ألمحيط]

اقتباس: المشاركة الأصلية كتبت بواسطة ابن روزه      صحت ألسنتكم جميع ابدعتم أيما إبداع تحياتي وتقديري

صح بدنك يالغالي وشكرا لك على مرورك الكريم ودعمك للجميع
الله يبارك فيك ويرحم والديك

[الشغموم]

اقتباس: المشاركة الأصلية كتبت بواسطة ألمحيط      صح بدنك يالغالي اهل الوفا لابد نجازيهم بحسن التعامل بأدب واخلاق ورد الجميل للاوفياء شكرا لك اخي على مجاراتك وصح لسانك ربي يسعدك ويرحم والديك

العفو و صح بدنك و بارك الله فيك 🌹

[الشغموم]

اقتباس: المشاركة الأصلية كتبت بواسطة ابن روزه      صحت ألسنتكم جميع ابدعتم أيما إبداع تحياتي وتقديري

صح بدنك و ما عليك زود