ليه المساء

[أم وجد]

ليه المساء ,,للشاعر محمد بن فطيس


بصوت العذب

[flash=http://www.m5zn.com/uploads2/2011/8/9/embed/080911130830qo84nlf9zsobju08i97.swf]WIDTH=1 HEIGHT=1[/flash]

ليه المسا عوق الشقـاوي وطبّـه؟ ...... وليه الهبوب تصحي القلب لا بـات؟

وليه القمر يدعي جريـح المحبّـه؟ ...... ويقول له يا هيه..ما فات ..ما مات

جرحك ظهر لو قلـت للوجـه خبّـه ...... وللحزن في ضحكك رسوم وعلامات

وليه المطر بالذات ريحـه.. وصبّـه ...... كنّه رسول بيـن الاحبـاب بالـذات؟

اشتـاق فيـه لشوفتـك واتنـبّـه ...... للي نسيته مـن مواقـف ونظـرات

لا استانس الخافق ذكر مـن يحبّـه ...... ورجع يراجع فالوناسات مـا فـات

يا مرتـع القلـب الحزيـن ومربّـه ...... يزيين بك مثل الذهب صدر الابيـات

هيهات ينسى القلب شخـص ٍ لعبّـه ...... وهيات يدله خاطري منـك هيهـات

سبك مديح ومـدح غيـرك مسبّـه ...... تقول واذني صوتها تقول لـك هـات

ونبع الغلا عنـدك وعنـدي مصبّـه ...... ومن الولا .. في خافقي لك ..ولاياات

وطيفك حطب عيني..وعيني مشبّـه ...... والشوق برد ٍ ما انقطع لو للحظـات

ومكانك الصدر ولـك القلـب شبّـه ...... بين الظلوع اللـي فردهـا التنهـات

ولك بيـرق ٍ فالقلـب حبـك يهبّـه ...... شامخ ولا هزه من العـذل غـارات

محبتـك فالوقـت ذا مـا تشـبّـه ...... الا بخيمـة بـدو بيـن العـمـارات

ان شفتني ضايق واهوجس واسبّـه ...... اخاف غدر الوقت.. والوقـت دورات

لا تحسب ان دمعي نـزل دون سبّـه ...... ابكي من الفرقا وهي مابعـد جـات

الـيـوم كــل امورنا..مستتـبّـه ...... وبكره ماندري وش معه من مسرّات

اربّ قلبـك مثـل قلـبـي اربّــه ...... ما يخلفه شور العـرب والمسافـات

[ابن روزه]

رائعه يا ام وجد واختيار موفق لشاعر كبير

موضوع مميز

[أم وجد]

اقتباس: المشاركة الأصلية كتبت بواسطة ابن روزه      رائعه يا ام وجد واختيار موفق لشاعر كبير موضوع مميز

شاكره لك هالتواجد الرائع مرورك اضاف للصفحه

يعافيك ربي

[أبوعدي]

كلمات رائعه

وإنتقاء رائع

سلمت يداك

[ابو احمد العدواني]

مشكور والله يعطيك الف عافيه

[احمد صعمود]

سلمت الانامل والذائقه

تقديري

[عبدالله العلي]

تميز في الطرح ..

وقصيدة ذات معاني جميلة ..

شكرا