بـــاب ماجـــاء فــي قـــولهــم ( شيـــن ) !!

[ملف ضآيع]

[align=CENTER][tabletext="width:70%;"][cell="filter:;"][align=center]

دآيمن آًصحى الصبح وارتب فراشي و حط هذاك وشسمة تحت الفراش ,, وحط مخداتي القطن بطريقة
منظمة جدا ,, واعطرها بــ اجمل العطورات وشغل اللمبة الوردية وقفل الباب وطلع من غرفتي وكلي
أدب
وشفيكم تطالعوني يعني ماقد شفتم واحد مرتب ,, بس انو الشغالة تخش من بعدي ترتب مرتن ثانية مدري
وشهو له اكتشفت بعدين اني أعفس الغرفة أكثر من أول

ومن قوة هذاك وشسمة اني انظف حوش بيتنا وسيارة سايقنا واصفق اخواني لشفتهم يغازلون
الخدامه ويقزقزون فيها مع انها شينه .. بس وش يسوون الصنف الحريمي معدوم من
حياتهم (( يزعم انه مهوب اللي علمهم هالحركات )).. وصرت من اول ما اشوف ابوي اصبح
عليه وامسي واحب راسه وخشمه .. ولا من اول كنت امر من جنبه وانا رافع طرف ثوبي وادربك يزعم راكب حصان .. وابوي مبسوط مني ودايم يقولي عساك على هالحال واردى يعني احسن ويثبتك على عقلك والمصيبة ما يدري اني مهوب فيه وهالذرابه مهيب مني ولا انا امعصي انا اصير تسذا مالك امل








^
^
^

وشرائيكم بالمقدمة عساها ذربة بس مع اني ماقد طلعت في إذاعة المدرسة الا مرة وحدة قريت فيها قرآن
ولخبطت وش ابتدي فيه ( البسملة ) ولا ( التعويذة ) المهم من الوهقة قريت ولا قلت ولا وحدة من
الثنتين


كل اللي كتب فوق اسفطوهـ تروني اسمع بمقدمة للموضوع




سمعتم المتنبي يوم يقول " الخيل والليل والبيداء تعرفني وذاك وذاك وذاك وذاك والقلمُ"
ومثل ما قالت ام كلثوم ياللي ظلمتو ذاك وئلتو عليه ذاك ترا العيب في ذاك وذاك وذاك


( 1 )


من يوم ماوعيت على هالدنيا وهذا هو شعوري مضطهد ومقرود لدرجة ان لحظة ولادتي الدكتور لما
شافني لاعت تسبده وتفل بوجه امي حتى انه اول كلمه حنونه سمعتها من امي هي وعععععععع وردت تفلت
بوجه الدكتور (( من جد حسيت ان شكلي متكون في سيفون )).. حتى لما حطوني بالحضانه قطوني في غرفة بالحالي يحسبون فيني مرض معدي واكتبو على سريري تحمدو ربكم لا يجيكم عيال مثله
(( وش اكثر من تسذا قراده طالع للدنيا بتحطيمه ))


( 2 )


مضت السنين والايام والحال كل ماله دمار فكبرت معاناتي مع عمري وكبر خشمي مع همي وكبرت
حسرتي من حرتي واللي زاد علي اكثر يوم بلغت مرحلة المراهقه وطلعت الحبوب في وجهي وجبهتي
(( ياربي وش انا مسوي في دنيتي )).. لدرجة انه خطر في بالي اعرف انا وشلون جيت لهالدنيا
لاوقفت قدام مراية وشفت وجهي من القهر والقرف اطيح ذب بشكلي واحيان اتفل عالمرايه واقول
قدر الله وماشاء فعل اصبر فمالك الا الصبر (( العب على نفسي قلت يمكن الله يفرجها علي ويزين شكلي ))..
الين ماوصلت الى حاله نفسيه صعبه صرت مااطيق اشوف فيها وجهي فقطعت عهد على نفسي اني اقاطعه
وابدا معه مرحلة الخصام وماعاد اسمح لنفسي ان تسول لي بشوفته .. فقمت وقشعت كل المرايات اللي بغرفتي
واذا مريت على مكان وفيه مرايات احاول قد ماقدر اني اصد عنها ومااناظر فيها واستمريت على ذا الحال شهور
وايام الين ما جا يوم صحيت من النوم مفجوع وحسيت ان وجهي يعورني (( بلا والله ذا من زود الشين اللي فيك )).. فقمت ورحت الحمام عشان في مرايه ويوم وقفت قدامها واناظر الا والله شكلي متغير ماهو مثل ماخبرته آخر مره وقلت بخاطري ايه الناس اشكالها تزيد حلاه الا انا مالت كل ماله واخيس


( 3 )

سمع صوت يقولي تخسي .. وانا من دون وعي قلت والله مايخسي الا انت شوي الا واللخم على وجهي تسنه واحد رش علي ماي بارد واقول وش السالفة تسني سمعت احد كلمني تسان اقوم وافرك عيوني واناظر حولي واناظر بالمراية مره ثانية واقول الظاهر اني متوهم مع هالوجه اللي تسنه عجوز املط الا ويتكلم وجهي من المراية ويقول وانت عاجبك شكلك اللي تسنه باب مقلط

وماوعيت الا وجهي اللي بالمراية يظهر لي وقال لاتخاف ما عرفتني ؟؟ وانا يوم شفته طالع ويقرب مني توهقت ورفعت عيوني فوق مسوي نفسي اعمى عشان يمكن يوخر عني (( يلعن ام الخوف اللي يخليك غبي )).. وقلت له وشلون اعرفك هو انت انس ولا جن .. قال لا جن .. وانا ليما الحين ماشي بدور الاعمى وقلت اشوى والنعم فيك والله لو انك انس تسان لعنة ابوجدك .. قال اعرفك بنفسي انا شوشو .. قلت وش شوشو ذي رقاصة بدبي ولا شو .. قال ماتنفع ذب زي الناس ولا انطم انت وهالخشم اللي تسنه فخذ .. قلت اقول روقنا انت ووجهك اللي تسنه عرس مافيه احد .. قال ياخوي وراك زهقان ومتكدر وضايق خلقك ؟؟ قلت يااخي وشلون مااتكدر وانا شايف وجهك (( يووهـ انفضحنا ))..قال اجل اعمى خخخ بس بعذرك منقهر عشاني مو شين مثلك
ناظرته ورديت عليه مع موسيقى حزينه وقلت هذاك قلتها شين وشلون ماتبيني انقهر وانا مكتوب على وجهي قهر وزهق .. كله هم .. وحزن .. وضيقه .. وقلق

( 4 )

صرت أشتكي للجني تبعي من يوم ماولدت الى ماوصلنا عند المراية
قلت له اللي مضايقني هو اني ماعرف بنات ودي اتعرف على بنت قبل مااموت
(( ياشين القراوه مايعرفون يتمنون .. لو متمني يصير حلو تنبلع بس يتعرف على بنت بهالشكل مستحيل ))..
قال ياخي وش هالامنيةالصعبه خصوصن ان وجهك مثل ماقلت ما يساعد بس ماطلبت الا رخيص وتراها
عند خشمك .. قلت وشي الليعند خشمي ..
قال يعني انا بضبط وضعك واعرفك على بنات .. قلت روقنا بس .. قال ليه وش جاك ؟؟
قلت وشلون يالنصاب بتضبط وضعي وانت وجهك تسنه وجه قرد معه امساك .. قال يا درج انا من الجن واقدر
اتشكل بأي شكل ابيه .. تسان اقوم واقرب منه واعطيه نظرة خبيثه واقوله اجل تقدر تاخذ شكل
بنت الحين (( الحين منهو ابليس فيكم انت ولا هو )).. قال على تبن ياحمار وقم معاي عشان
اعلمك وش تسوي يالشين (( نعن ابو من جمعكم يالحمير ))..


^
^
^

ترون اللي قلته فوق والله انه حلم تحلمته وكتبته أحد عنده تفسير لــ هالحلم
لايكون مثلا اني بصير شين مثــلأا
ترون ماصحيت الا أمي تصحيني ونا فكرها الجني اللي في الحلم وقز فيها اقول وخر
عني ياشوشو مانيب بفاضي لك ,, فما كان مني غير اني قمت ادغدغه في بطنه واقول له وش فيك ماتضحك يالخبل (( باقي ماسك فيني الحلم )).. وما كان من ميمتي الا ولختني بهذاك الكف على وجهي خلتني
الف مكاني سبع لفات احداهن بالتراب وانا افتر راسي ودارت الدنيا فيني


عساكم فهمتوا شيء ,, يالله ياشوشو انك تجي اليوم ابي اشوف وش بتسويلي
مع البنات



ملف ضايـــع - حلم لم يكتمل



[/align][/cell][/tabletext][/align]

[ķάяёžмħ..14]

تفسير حلمك والعلم عند الله انـك الحظ التعيس وبهيئه انسان
فلاذالك روح الاحوال المدنيه وغير من طالب الي انسان
وروح المستشفى يغيرون جميع اجزاء جسمك لانها مولك
وخلهم يعطونك موديل 2010 وخلهم يشترونها من تايوتا
وبعد راجعني اذا ماطلعت انسان بموصفات حيوان
وصلك العلم
نشوفك

[شذى الريحان]

اصطبحنا واصطبح الملك لله


يا ملف لو قمت من النوم وتفلت عن يسارك وقلت اللهم اعطينا خير هذا الحلم واكفينا شره ورجعت كملت نومك
على الجنب اللي يريحك
خير اللهم اجعله خير
ما نحن بتأويل الأحلام بعالمين

لاتحط في بالك هذي اضغاث احلام قبل ماتنام ايش كنت تتفرج كنت تلعب سوني 3
ولافيلم رعب

تصدق اني قرأت مرة واثنين وماعرفت الزبدة غير انك كفخت امك ياكبرها عند الله
تبغى توصل لنا معلومة وماانت عارف كيف صح
مرة ثانية اقرأ المعوذات واية الكرسي قبل ماتنام ولاتكثر عشاء
نوم العوافي ياملف

[றiss ķŝα ~]

هههههههههههههههههههههههههههه

كلامك واسلوبك روعه ....ربنا يسعدك ..

بس في مشكله ...






انو مافهمتش منو ولا حاقه .....


ع العموم ...

اتمنى انو يزورك شوشو دائما ...ويحقق لك حلمك ..

هابي دريمز ....أند Go to hell

[نور الجنوب]

ياملف ضايع .موضوعك غريب ولم نفهم انت ايش تبغى منه
لاكن نقولك الموضوع محذوف وذالك لانه مادخل مزاجي
احذفو موضوع ملف ياناس بردو قلبي
ههههههههههههههههه
اقول حلمك انا فسرته معناتها والله اعلم انك تروح شهار

[ملف ضآيع]

[ALIGN=CENTER][TABLETEXT="width:70%;"][CELL="filter:;"][ALIGN=center]
اللحين كاتبن لك حلم وش طوله وش عرضه يالهيس وطالع لي بالاستنتاجات البايخة
تسنها وجهه حسن كراني توهـ صاحي من النوم ..

اقتباس: تفسير حلمك والعلم عند الله انـك الحظ التعيس وبهيئه انسان فلاذالك روح الاحوال المدنيه وغير من طالب الي انسان

ونت مفروض تغيير معي اجل من طالب الى انسان يــ فندام
وش شاربن ونا اخوك ونت تكتب هالرد ,, هو صحيح اني بعض الاحيان
ماحس اني بــ أدمي بس اني عايش انسان

اقتباس: وروح المستشفى يغيرون جميع اجزاء جسمك لانها مولك

اجل حقت مين ماسمعت هذاك اللي يقول
جسدك لك وعقلك لك وهذاك لك ينعن ام تفكيركم الخايس
اهم ثلاثة اعضاء بالجسم اهي ( الجسم - العقل - العقل )

اقتباس: وخلهم يعطونك موديل 2010 وخلهم يشترونها من تايوتا

كل شغلهم تايواني ماااش عيوني مشخطة تسن من حط خط بدفتر
احلى مافيها الشعر ناعم ,, بس منتفخ وقززم اطلع قربة موية بشكل ادمي

اقتباس: وبعد راجعني اذا ماطلعت انسان بموصفات حيوان وصلك العلم

احد قال كيف الحال

[/ALIGN][/CELL][/TABLETEXT][/ALIGN]

[ملف ضآيع]

[ALIGN=CENTER][TABLETEXT="width:70%;"][CELL="filter:;"][ALIGN=center]

اقتباس: اصطبحنا واصطبح الملك لله

خابرها أصبحنا و أصبح الملك لله
ولا انا مغشوش طول حياتي

اقتباس: يا ملف لو قمت من النوم وتفلت عن يسارك وقلت اللهم اعطينا خير هذا الحلم واكفينا شره ورجعت كملت نومك على الجنب اللي يريحك خير اللهم اجعله خير ما نحن بتأويل الأحلام بعالمين

عاد هو مب الحلم الحقيقي ,, لاني ماتذكر وش تحلمت بالضبط بس اني تذكرت شيء بسيط من الحلم
وقلت خلني اكتبه بموضوع

اقتباس: تصدق اني قرأت مرة واثنين وماعرفت الزبدة غير انك كفخت امك ياكبرها عند الله

اللحين من جدتس قريتي مرة و مرتين ,, وين ياهوهـ تبين تنافقين بيني وبين ميمتي
وين أصفق ميمتي ,, مدرعة ماشاء الله تبارك الله تسنها دبابة تقصف في الحوثيين (( امك يالاهبل ))
بس عشان اخليك بالصورة ,,, اللحين صرتي بالصورة يعني تدوسني وتخليني معفوس ومادرت
عني

اقتباس: تبغى توصل لنا معلومة وماانت عارف كيف صح

للمرة الثانية انتي قريتي ,,, اعترفي
هماهـ كاتبن انا ( هاه، فهمتوا شيء ) ,,, يعني حتى انا مثلكم مدري وش هذرت
بوه

اقتباس: مرة ثانية اقرأ المعوذات واية الكرسي قبل ماتنام ولاتكثر عشاء

بالله اللحين ذا فيس ولا صورة متحركة
آآآخ اللي يبي يموت يقول يـــ ملف لا تتعشاء


[/ALIGN][/CELL][/TABLETEXT][/ALIGN]

[نفرتيتي]

احلى شيء قي حلمك خشمك اللي كنه فخذ هههههههههههههههههههههههههههههه ياخي احس انها قصه خياليه مو حلم

[&طيف&]

بالله تبغى تفسير

حلمك مفسر نفسه بنفسه



شوف يا أخ ملف الحلم نابع من تضارب في الحالة النفسية

انته في الحقيقة شين لأبعد درجات الشيونة بس قاعد تحاول تقنع نفسك بالعكس


المهم وانت نايم اشتغل عقلك الباطن عشان يقولك الحقيقة المره


كل الحلم له دلاله وحده


انته شين وما في أمل انك تتعدل وعليك تغيير اسمك إلى شاكوش مواكبة لشكلك


بس كما قيل الدعاء يرفع البلاء

وانت أخ عزيز وأنا عن نفسي بدعيلك عشان تصير زي ذا


وعشان لا تجيك كوابيس مره ثانيه تعوذ من ابليس قبل لا تنام واتفل على وجهك

أحلام سعيدة

[الراقية]

اقتباس: ترون اللي قلته فوق والله انه حلم تحلمته وكتبته أحد عنده تفسير لــ هالحلم لايكون مثلا اني بصير شين مثــلأا

للأسف يا اخ طارق
اقولها بكل حزن
تفسير الحلم يقول انك بتصير اشين من قبل
ولاراح يطالع فيك لابنات ولا غيره
الا في حاله وحده اذا رحت الصومااال
هناك يمكن يكون في امل بنسبة 20%
غير كيذا قول على نفسك السلام
هذا تفسير الحلم انا مالي دخل
بس الصبر زين واهم شيء الاخلالالالالالالالالالالالالالالالالالاق وحب الوطن