موضوع خطير جدا ارجوا الدخول

[فوقري]

بسم الله الرحمن الرحيم

اعضاء ومشرفين وادارة المنتدى

السلام عليكم ورحمه الله وبركاته
اما بعد..
بعد غيبه طويله مني عن المنتدى حبيت اطرح عليكم موضوع خطير ومهم واتمنى من جميع الموجودين المشاركه والجديه لكي نصل الى حل وانا عندي امل كبير في تفاعلكم معي عندي سؤال يخطر في بالي دايم وهو لماذا الزهارين مايفزعون لبعض في وقت الشدايد ؟

انا الصراحه ينحررق قلبي لما يكون مصيري تحت واحد زهراني وفي النهايه ما يفزع لي او لغيري
مو المهم يكون يعرفني و اعرفه او اقرب له ولا من فخضه ولا من قريته المهم اني انا زيي زيه زهراني
ليه ما نكون الزهارين يد واحده في كل مكان زينا زي بعض القبائل من دون ذكر اسماء يفزعون لبعضهم يعرفه والا ما يعرفه؟

انا احكي لكم احد المواقف اللي حصلت لي

انا من سكان جده في يوم من الايام دق عليه اخي الصغير وقال تعال انا مسكوني في التفتيش اللي في طريق الملك عشان السرعه حلو الكلام قلت اللحين اجيك جيت لين نقطة التفتيش ونزلت لقيت اخي في الباص عشان كان مسرع انا مازعلت محد ضربه على يده وقله اسرع صح كلامي اتوقع وبعدين محد قله يسرع وهو عارف ان خط الملك مزروع فيه مرور سري يعني وين يروح مايمديه طيب نزلت من سيارتي وجيت عند النقطه ابغى اسال ليش وابغى اشوف مين اللي ماسك النقطه تفاهمت مع احد العساكر الموجودين في النقطه حصلت في النقطه واحد زهراني جندي اول قلت هذا ولد عمي وان شاء الله ما يقصر معي كلمته قلي ما اقدر والله بس كلم الرقيب حقنا يمكن يفكك قلت طيب نشوف الرقيب طلع برضوه زهراني المهم تكفى يا ابن الحلال من هنا ومن هنا قال والله مقدر المهم قال كلم الظابط حقنا حو اللي مسكه قلت يابن الناس انت ولد عمي وما يحتاج شفلي الموضوع قال كلم الظابط جيت عند الظابط والصراحه فرحت جدا جدا الظابط وش يرجع زهراني ورتبته مقدم يعني يقدر قلت لا انشاء الله اخي يخرج المهم عرفته بنفسي وشرحتله الوضع قال والله يا ولدي ما اقدر اسوي لك شي انا قلت يمكن الجندي مايقدر مسكين فيه اللي اعلى منه في النقطه والرقيب برضه ما يقدر فهل اللي في يده الموضوع كله يعني اللي هو ماسك النقطه مايقدر مو معقول المهم قلت يا ابن الحلال كلنا زهارين والمفروض توقف معي مو ضدي قال ما اقدر مع العلم انه هو المسؤؤل فهل انا غلطان في وجهة نظري ام الظابط هو الصح؟
لا والمشكله ان اخي متبلين عليه في السرعه كان ماشي 120كتبوا له في القسيمه 165 عشان يدخل الحجز ومسكو بعده واحد مطوع يحلف اني ماشي 120 وما اتعديتها وانا عارف انو هذي المنطقه فيها تفتيش وكل يوم امر من هنا يعني عارف لو سرعت بيمسكوني النقطه قام المطوع يحلف بالله في النهاية اعطوه قسيمه ماشي 140 وخلوه يمشي طيب كلمت الظابط يا حبيبي طيب المطوع مشي ليه اخي ما يمشي قال لا اخوك ماشي 165 لازم يروح الحجز!!! فمادري ليه عدم الانصاف من قبله!!!! وليه مايكون المطوع زي اخي مايخش الحجز مو كلهم مسرعين ؟
انا ما قلت يخالف الظابط النظام بس هو لو فكه محد درى عن احد ولو موقفي هذا حصل مع القبيله التي انا اقصدها كان يفزع مع ولد عمه ولا من شاف ولا من دري فهل مايستطيع الظابط اللي قابلته يفك اخي من دون لا من شاف ولا من دري ؟

هذا موقف من المواقف وانا لا اقصد شي في موضوعي هذا الا عشان نلقى حل للمشكلة وليس ان اغلط على شخصية معينه او قبيله او افضل قبايل عن قبايل
نحن زهران غنيون عن التعريف
بس عندنا مشكلة ولازم نلاقي حل لها
وارجو من الجميع اخذ الموضوع عن طريق الجد وان شاء الله مع تفاعلكم نكون يد واحده....

المعذره على الأطاله
وتقبلوا تحياتي

ارجوا التثبيت

[مخاوي النهار]

يااخي الزهارين لابغوا يفزعون فزعوا موحكاية ان كل مشكلة نغدي عندها زي الملاقيف ولا تفهمنا غلط

وشكرا

[فوقري]

شكرا مخاوي الليل على المرور
بس ما اتوقع هذا الحل للمشكله لابغوا يفزعون فزعوا

[saudi1arabia2]

انا معاك لازم نوقف مع بعض بس لازم نعرف ان النظام يمشي على الكل

[ابو عرب]

طبيت في واحد الله المستعان وشنقول عليه بس في رائيي لو خليت الظابط يبتسم مره وقت اللي صار صدقني تروح وكان مافي شي صار يعني مسايسه مع ولد عمك تكون شوي حلوه

[الحازم-]

والله اخوك ما احد ضرب على يده يسرع ويسبب لنفسه وللناس مشاكل والحجز احسن له من ان يسوي حادث من السرعه والتهور ويبقى معوق في المستشفيات اوتفقده نتيجة وفاه وسببها السرعه اما النظام فياليت يطبق على كل انسان حتى يرتدع كل متهور وبقوه ويضربون على كل مخالف بيد من حديد حتى لايضر خلق الله في الشوراع ويسببب لهم مشاكل اما بالنسبة لك انت اخي فالمفروض انك تناصح اخوك ولا تتوسط له في مثل هذي المواضيع لا من قريب ولا من بعيد وتكون مثال لغيرك اما اذا دخلت الواسطة هذا ابن عمي وهذا رفيقي فكيف تبغى النظام يمشي على مثل كل متهور في الشارع ولايحترم القوانين فالنظام نظام لايقبل المجادلة والمجاملة حتى لو كان اخي او ولدي هذا هو الصح

[فوقري]

اخوي SAUDI1 ARABAI2 يعطيك الف عافيه على المرور
واقدر شعورك اتجاه النظام وانا معاك ما قلت لا احنا لازم نخالف النظام بس في النظام تحصل واسطات فلماذا لا نفزع لبعض ؟

المهم ان زهران يكونون يد واحده
وشكرا

[فوقري]

يعطيك العافيه ابو عرب على المرور الرائع

[alm7b]

نفس المشكله اللس نعاني منها وخصوصا في المدن لكن صدق القايل
((لاخير في شجرة ماتغطي عروقها)) واللي ماله خير في ربعه وجماعته ماله خير في الناس

[الحازم-]

لوكنت محل الظا بط بتفك الي تعرفه ولي ما تعرف بتخليه في الحجز هذي خيانه