شوفو موقفي مع الاردنيه

[نور الجنوب]

بسم الله الرحمن الرحيم
السلام عليكم ورحمة الله وبركاته
كيفكم يا حلوين .امس كلمتني عمتي ام زوجي عطيه قالت هيا نفلح بيت عمك دعونا .قلنا هيا .واتلبست ولبست السفان وافلحنا .ولقيت عالم قدامي مافي احد الى عزموه .حتى الاجانب عزموهم .اتمنيت الارض تنشق وتبلعني .بغيت ارجع
ايش الناس لابسين .وانا مسويه نفسي مؤدبه تنوره وبلوزه عاديه جدا وشعري كعكع .المهم سلمنى وقعدنا والناس في ازدياد .واكلم عمتي ليش ماقلتيلي على العزيمه .قالت ما ادري احسب اهليتنى قلتلها شوفي لبسي ؟قالت لا مافيكي شي حلو لبسك .المهم طفشت وولدي ماريحني فين بابا؟ابغى بابا وترني .وكرهت القعده .
طولت عليكم معليش .وانا قاعده مع الحريم والله اول مره اقعد في مجلس من كل جنس
مصاريه .وسودانيه .وسوريه .ويمنيه .اردنيه .مشكل المجلس لاكن جماعت زوجي اشكل وكلنا فاغرين في لهجتهم .لاكن ناس شياكه وجمال .ويش ذهب
وانا والله حاطه عقد في رقبتي بريالين .ما فكرت اخذ شي مره حلو لاننا اهليه عادي .شوي الى العقد يطيح قدامهم .قلت اعوذ بالله انقطع شكله عين قويه.المهم .اكلنا وشربنا من كل نوع حطته راعية البيت .ايش اكل والله مافي شي مو حلو ماشاء الله عليها ميز والله .المهم قامت بنت عم زوجي تسال المسريه قالتلها كيف سويتي ذيه المحشي مدرجات ؟قلت الله لدقارادي متعرفيش .ئومي قتلك نيله في ستين منيله .قامو الله انتي تعرفي تتكلمي .قلت امال وعجبهم هروجي خضرا وشرقيه قالو ماشاء الله عليك احناى مانعرف .يحسبوني شاطره لدقرادي هههههههههههه
الحريم يتكلمو واحنا فاغرات ماندري ايش نقول قامت جدت زوجي تضحك قلت اشبك .قالت ليش ماتتهرجون .قلت هم خلونا ماشاء الله عليهم .
بعدين الاجانب قامو يباركو للاردنيه على زواج ولدها ؟قالت الله يبارك فيكم ؟قالو من فين ؟قالت امريكيه ؟قالو مسلمه ؟قالت لا والله وجاب منها ولد الزنمي .لاكن يحاول فيها
قمت قلتلها كيف ياخذ مشركه وهو مسلم ؟قالت حبها .
قلت مايجوز ؟قالت لا يجوز ؟قلتلها والله مايجوز ؟قالت ليش تحلفي .
قامت المصريه ..رفعت ادها وئالت .يا اخت .ماتحكميش من عندك .قال فان هو مسلم فيقوز يتقوز من مشركه .
وقامو قالولي اسالي ديه اليمنيه حتقوبك لانها حافزه للقران
قالت الا يجوز .لانه في القران يقول المؤمنين للمؤمنات والمسلمين للمسلمات ...الخ
خلتني افغر .قلت في نفسي ايش دخل هذي الايه
وعارضوني حتى السودانيه .قالت انتي بتستفتي من عندك ؟
قلت لا ما افتي من عندي لاكن الرسول اللهم صلي وسلم عليه قال
لابنته زينب لايحل لكي . هو أبو العاص بن الربيع .انك تكوني معاه وهو مشرك .معنا القصه . معناها الي فهمتو ا

قالو لا المرئه اذا هي مسلمه لا يجوز تتزوج من مشرك.لاكن الرجل مسلم وهي مشركه يجوز ؟عشان يهديها للاسلام؟
وكلهم ضدي ؟واقول للبنات المغزلات الي حوليه شريفه وسعديه وشرقيه قلتلهم انتو ايش رايكم بيني وبينهم ؟قالو والله مانعلم امكن يجوز نخاف نفتي من عندنا وندخل النار ؟قلت وانتم معلمات دين ماتعلمون ؟قالو لا والله .قلت كسرو لحيكم ؟ونضرات هذولي الاجانب حسيتهم اني انا معرفش حاقه ومبفهمش اي شي في الدين واني بخرف .حسيت من نضراتهم .اما الاردنيه .حسيتها زعلت .كمان هيا فرحانه بولدها انه اخذ مشركه .انا نفسي اعرف كيف ينام معاها وهي ريحتها تنتف من مسافه .

المهم سؤالي في النقاش ؟انتم تشوفو يجوز انه يتجوز وحده مشركه .نفسي اعرف لاني حلفت انه مايجوز .ابغاكم تشوفو وتسالولي .؟
وشكرا لكم زوجت عطيه
نور الجنوب

[يحيى محمد الزهراني]

حياك الله يانوره الخزمريه
كان المفروض تمسكين في حلق عمتك اللي ورطتك وخلتك تروحين الحفل بتنوره وبلوزه وعقد من ابو ريالين الظاهر عمتك ما تحبك وتبغاك تظهرين بالفشيله قدام المصريات والاردنيات وبله الديره
اما زواج المسلم من المشركه فيجور لانه ربما تكون هدايتها على يده والله اعلم
اخوك ابو محمد

[ابو جوري_1]

سلام عليكم
الحقيقه موضوعك رائع ومضحك لكن دعيني ابدأ من سؤالك. لاني قبل يومين جاني فلاش عن زوجات الحبيب صلى الله عليه وسلم وذكر ان الرسول صلى الله عليه وسلم تزوج امنا صفيه وكانت رضي الله عنها يهوديه وامنا ماريه وكانت رضي الله عنها نصرانيه ويمكن اهل الاختصاص يفيدوك في هذه النقطه. وهنا جواب كافي لسوالك
http://www.islamqa.com/ar/ref/33656

بالنسبه لزواج النصراني من مسلمه قوقل اعطاني هذا الرابط
http://www.saaid.net/Doat/Zugail/2.htm
--------------------------------


بعدين شوفي وبصي كويس انا شفت من خلال وصفك شكل اسرنا مع الاسر التانيه من البلاد العربيه. وخده بال حضرتك. دنتي ضحكتيني ياشيخه لما بتنكدي على الاردنيه. انتي بتنكدي عليها ليه ؟ ماهي فرحانه . دي ياختي عزماكي.
بس انت زعلتيني خالص من مدراسات الدين دول خالص ميح يا ساتر
وكمان انتي قلتي " .قلت كسرو لحيكم ؟" دا فيه قول فقهي خطير فمتكرريش الحاجه دي مره سانيه.
بالنسبه للريحه المنتنه دا احنا كنا نقول لواحد صاحبنا خريج ام القرئ ماستر في الشريعه قول الله : "انما المشركون نجس " الايه فكان يقول لنا انها نجاسة معنوية وليست بدنيه
يعني معرفش اساليه
اخيرا مادام انتي فرفوشه كدا طيرتي نفوح حبيبنا عطيه ليه؟

[نور الجنوب]

ههههههههههههههههههههههههههههههههههههههه والله ضحكتوني
مشكور ياالزلزال على جوابك
وابو جوري مشكور اخي على المعلومه .
هههههههههههههه

[أحمد العدواني]

زواج المسلم من ( كتااابية ) جائز والكتابية هي من كانت على دين اليهود والنصاري

بالنسبة لزوجَتَيّ رسول الله صلى الله عليه وسلم صفية بنت حيي بن أخطب وهي انبت أحد من زعماء يهود بني النظير بالمدينة ومن مارية القبطية التي أهداها المقوقس حاكم مصر وأختها سيرين للرسول صلى الله عليه وسلم وكانت نصرانية فقد أسلمتا قبل زواج رسول الله عليه الصلاة والسلام منهما

بينما زواج المسلمة من كتابي أو غيره ممن لا يدين بدين الإسلام لا يجوز

تحياتي

[آمـيرهـ بآح ــساسي]

انا ماقهرني الا لبسك يافاغره
وانا مع رأي احمدالعدواني

[&طيف&]

شو هاظ يا نور ما بتعرفي الحكم


اسمعي يا قمر والله اني أحبك جهدا جدا

بس والله الموضوع رفع ضغطي


ليش تفتين وانتي مو متأكده لا وبعد تحلفين ترى يا ويل اللي يفتي بدون علم

يمكن انتي قستي على القصه بس كان المفروض تتأكدين


والكارثه في موضوعك انو معلمتين دين ومو عارفين الحكم يا عيني على مربيات الأجيال


شوفي مع اني ماني عالمه بالدين بس هذا الموضوع درسناه بالثنوي وموجوده آيه واضحه بالقرآن بس ما تحضرني حاليا



اتنرفزت صراحه لأني ألاحظ حريمنا يفتون على كيفهم ويحلفون بعد ترى مو بس انتي كثير من اللي اجتمع فيهم وفي المنتديات أشوف منهم العجب العجاب


زي اللي تقول الملك عبدالله زي أبونا يجوز نصافحه

استغفر الله العظيم الله يهدي الجميع


يلله توووووووووووبه من دي النوووووووووبه لا عاد تفتين ولا عاد تروحين لأحد بدون ما تعرفين نوعية العزومة عشان لا تتفاجئين

نصيحه أخرى ولدك خليه عند أبوه لا رحتوا مكان



دمتي في حفظ الرحمن

[روعه]

نور والله انك رهيبه

اما السؤال مقدر افتيك فيه اترك الجواب لشيوخ المنتدى

وبقول لك عندي وعندك خير انا اشوف
السعوديين اللي هنا يتزوجون من الخواجات شئ حمر وشئ بيض ولاهم مسلمات ولا فكرت فيهم الله لايردهم

[ابو مشعل الحريري]

لك التقدير والاحترام يانور 0

[نور الجنوب]

اميره ههههههههههههههههههههه والله ضحكتيني على فاغره
يا اخ احمد اشكرك على ردك لي
ويا اخت طيف انا مو من النوع الي افتي من عندي اي شئ بس زي ما قال احمد انه الرسول تزوج من النصرانية واسلمت قبل جوازها منه..عشان كدا قلت انه مايجوز .بس يلا توبه ما راح اعيدها .
روعه ومشعل مشكورين على مروركم