نضحك من الواقع ونبكي على الصورة

علي بن الحبين :

يا سعيد بين اقشر الماضي وحلو اليوم ..
نضحك من الواقع ونبكي على الصورة ..

دورات الايام منها نستفيد علوم ..
والكل ماضي على نهجه ودستوره ..

تستحدث سلوم(ن) ويخفي الزمان سلوم ..
وراعي الشور تنقض فعلته شوره ..

لا عجب لا جاك من صلب الرجال رخوم ..
للعرق دور ولتطبيع الفتى دوره ..

ما نامن الحر لا خاوى فروخ البوم ..
الصحبه السيئة ما تستر العورة ..

والسلعه الفاسده ما تستحق السوم
اللاش مخبور وبضاعته مخبورة ..

من عاش في ظلمة الباطل حياته دوم
الحق يعمي عيونه لا بدا نوره ..

صحيح ما ينبغي جعل الخطاب عموم
لكن حالاته ايضا غير محصورة ..

ما يقطع البحر غير اللي يجيد العوم
ناسن تزله وناس تظل مغموره ..

اصاغر القوم تفرق عن كبار القوم
مثل العبارات منصوبه ومجرورة ..

للمجد قمة تطول وللرجال عزوم
كلن يحدد ثراه ويبني قصوره ..


وسلامتكم ..

رد الشاعر سعيد بن شربان الغامدي :
الا يابن الحبين ارحب وطار من العيون النوم
تصاريف الفلك تمشي وكلن يطلع بدوره

وانا خابرك ياباشا تشوم وتبتعد ع اللوم
وغيرك في هذي الدنيا حقيقه يشبه الكوره

يشوتونه على وجهه يشوتونه على الزلقوم
مدامه راخي ن راسه فلا يبدي معا شوره

سوالف من قديم الوقت للحاكم وللمحكوم
تخاوو وانقلب حكمه معا وقته على زوره

فلا تتعبك يا باشا خطوط العالم المعدوم
حقيقه والبعض نفسه ألين اليوم مكسوره

وصوره داخل البرواز تشكي للخلايق دوم
ولا ندري عن البرواز في شطره وف اكسوره

وانا صاحبت لي قومن ترد الفرس فوق الروم
فلا خابو ولا هابو ولا شافو هل الثوره

ف انا ماخبت م اصحابي ندوس اللي يعادي دوم
ولا شفنا ولا هبنا من اللي يفهم الصوره

نرد الصاع فوق الصاع وكلن جاله المقسوم
وغيري لاهي الدنيا م غير يساير الدوره

هذا ردي وانا سمحان بارك للحمل واقوم
سعيد الغامدي يعلى ولاهو خاب اخو نوره

وغيري شدده حمله بلا بركه ردي السوم
ولا هو عندنا ياذيب و العوران من عوره

ارسلت انا ردي على الوتساب هذا اليوم
ولا ندري عن الابراج منهيه و ماموره

صح لسانكم

صح بدنك ..