قصيدة مدح في سعادة اللواء يحيى الزهراني لـــ نايف بن حكمان

سلام يا قمة جبل شامخ ويا راس العلم
يا افضل لواء واطلق لواء حاز المناصب والرتب
يحيى صليب الرأس طوع للعلا روس الهمم
واجتاز صعبات الليالي ما وقف قبله صعب
احفظ لأبو عبدالله واكتب ف الصحايف يا قلم
انه مقدر عند ربعه والحكومة والشعب
من يوم ما جانا خبر نقله من القوة وتم
مكه بكت ورجال مكة والعساكر والصحب
اللي مثل يحيى علم واللي مثل يحيي شهم
واللي مثل يحيى بطل ماقد من الهيا هرب
بعض الرتب تشتال ناقلها وهو ماهو مهم
لكن يحيى شالها واسمه مع المجد انكتب
واليوم يا نجران جاك الفارس الفذ العلم
قاد المسيرة والمسيرة ما تقف رغم التعب
قومي افرشي له ورد في دربه ولمّي الناس لم
قولي لهم يحيى مسجل رمز في كل الكتب
زهران تفختر به وهو قرم ن ومن بيت الكرم
يخلص لوجه الله ما يحسب خسر والا كسب
واليا نصيته في مهمه ثق ولا تشتال هم
عنده بعد رب البشر تنزاح غمات الكرب
علم واسم وافعال وامجاد ن تسطر للأمم
ما غاب عن ربعه ولا قصر وهو تحت الطلب
هذاك أبو عبدالله نار تشتعل راس العلم
واسمه يضّل وينحفظ وسط الصحايف والكتب

صح لسانك ويستاهل اللواء يحبي كل خير

تقديري

بيض الله وجهك وصح لسانك ..

صح لسانك ويستاهل أبا عبدالله كل خير

تقديري

اقتباس: المشاركة الأصلية كتبت بواسطة احمد صعمود      صح لسانك ويستاهل اللواء يحبي كل خير تقديري

يستاهل
وانت ما قصرت