منتديات زهران  

العودة   منتديات زهران > المنتديات المتخصصة > المجالس الخاصة بالقبائل > مجلس بني حرير

كيف تصبح شيخ قبيلة ؟؟


مجلس بني حرير

إضافة ردإنشاء موضوع جديد
 
أدوات الموضوع
  #1  
قديم 07-08-2008, 12:48 AM
الصورة الرمزية الثعبان الذهبي
الثعبان الذهبي الثعبان الذهبي غير متواجد حالياً
 






الثعبان الذهبي is on a distinguished road
افتراضي كيف تصبح شيخ قبيلة ؟؟

________________________________________
هذي قصه قريتها وحييت انقلها لكم للترفيه وإضافة شيء من الأ ابتسامه على محياكم يمكن يكون بعضكم يعرفها واعذروني عل طول القصة .

يقول كان يا ما كان كان هناك شخص يدعى فتيخ بن محماس

المهم فتيخ بن محماس هذا كان كل امنياته في الحياه انه يصير شيخ قبيله

لكن ما فيه مقومات وما احد بيعطيه مجال لان الشيخه لها ناس واخرهم فتيخ بن محماس

بعد ما يأس من الشيخه في قبيلته قال يا ولد انا بافصل لي جنبيه زي حقت الشيوخ واكتب عليها

الشيخ فتيخ بن محماس

المشكله ما فيه دراهم قام باع الغنم كلها علشان يفصل الجنبيه(الحلم)

فصل الجنبيه وكتب عليها:

الشيخ فتيخ بن محماس قاتل ميه ومعتق ميه

علشان الشيخه تكون على اصولها

المهم طق في الارض بعد ما باع كل شي علشان هذي الجنبيه

هائم على وجهه لا فرس ولا حتى حمار ولا قليل ولا كثير

ومشى وابعد عن ديرته بعيييييييييييد

المهم من كثر التعب جلس تحت شجره ونام
خ
خ
خ
خ
خ
وهو نايم الا ويشوفونه مجموعه رجال جوا قربوا منه وبدون ما يحس

طالعوا فيه طالعوا في الجنبيه:

الشيخ فتيخ بن محماس قاتل ميه ومعتق ميه

الله يكفينا شره هذا ماهو بسيط هذا مطلوبنا هذا اللي بيحل مشاكلنا

المهم صحوه برفق ولين شيخ وقاتل ميه يعني العفاشه ما تنفع معه

المهم قام الشيخ علي خير وش فيه

(من الخوف طبعا)

هم :

لالا ابدا بس قلنا تتفضل عندنا هنا يا شيخ فتيخ

هو:

هاااه الشيخ علي طيب طيب

(اول مره يسمعها في حياته)

هم :

تفضل تفضل

المهم راح معهم قهووه وغدوه وريح وقيل عندهم

وقالوا له روس القبيله عازمينك الليله على العشاء

وطلبينك ان تقول تم

قال:

تم تم

المهم اجتمعوا وتشاوروا قبل ما يجي الشيخ المزعوم

ويوم جا وتعشى واللي عليه بالخير
قالوا له العلم سلامتك

حن قبيله ضعوف ما عندنا فارس ولا عندنا شيخ

وقطاع الطرق ذبحونا ما يمر يومين الا وهم

داخلين عندنا ياخذون اللي يبغون من حلا لنا

وحن لا حيله ولا بصيره

لمعت عيون الشيخ فتيخ من الفرح

قالوا له اسمع حن بنحطك شيخ لنا كلنا طبعا الشيخ فتيخ على طول قال انا موافق

(حلمه القديم)

قالوا بس فيه شروط

الشيخ فتيخ يتمتم :انا لله وش شروطه؟

طيب وش شروطكم

قالوا فيه ثلاثه اختبارات ان نجحت فيها تاخذ الشياخه

وان ما نجحت فما لك عندنا الا ضيافه ثلاثه ايام

الشرط الاول :

اختبار الفروسيه والقتال

الشرط الثاني :

اختبار الشجاعه

الشرط الثالث :

اختبار الذكاء

المهم فكر الشيخ فتيخ شوي وهو عارف ان ما فيه ولا شرط ينطبق عليه

قال يا ولد خلني استفيد قدر المستطاع على الاقل اذا جاء اختبار الفروسيه اخذ من عندهم فرس واحط رجلي

قال لهم انا موافق

قالوا اختبار الفروسيه بكره جهز نفسك
جاء اليوم الثاني

قال انا جاهز قالوا له نبغاك تقاتل قطاع الطرق وترهبهم علشان ما عاد يرجعون لنا

قال طيب بس ابغى فرس متعوده على الكر والفر قالوا جاهزه والسلاح جاهز

طبعا الرجال عمره ما ركب خيل

قال ابغاكم تربطوني على الفرس ربطه ما تنفك

ركب الفرس وربطوه ربطة الشر اخذ سلاحه

قال:

وينهم قال في الجهه الشماليه قال طيب وراح يوم ابعد وهو يفرك جهه الجنوب

ومشى الا والله ان قطاع الطرق قدامه

ويوم تشوفهم الفرس وتقول بسم الله

وعليهم والشيخ فتيخ يحاول ينزل يمين شمال يحاول يوقف الفرس

ما فيه فايده رايحه لهم رايحه وهو مربوط ربطه شينه

وهو يطالع الا شجره قدامه

ويوم وصل جنبها وهو يتمسك بها مضبوط لكن الربطه كانت اقوى

وهو يقتلع غصن كبيييييير

ويوم شافوه قطاع الطرق وبيده الغصن الكبير هذا وطريقته في اقتلاع الغصن

خافوا منه وسلوموا واستسلموا قالوا هذا الداهيه عزا الله بيذبحنا كلنا

اللي قلع ذاك الغصن وراعي هذا الهجوم الخاطف ما لنا الا نستسلم

يوم شافهم الشيخ فتيخ مستسلمين

قال :

يالله يا كلاب واحد منكم يربط البقيه والا والله لاذبحكم ذبح الشاه

المهم ربطهم كلهم وسحبهم

وراح للقبيله وهم قدامه مربوطين زي الغنم

ويوم شافوا القبيله قطاع الطرق مربطين

قالوا :

عزا الله شيخ ولد شيخ

ويفكون الرباط اللي مربوط فيه على الفرس ويهنونه ويكرمونه

ويريح الشيخ فتيخ
وهو يقول:

في نفسه راحت الفرس ورحت انا فيها

جا اختبار الشجاعه

قالوا له :

فيه اسد دايم ياكل حلالنا ونبغاك تقتله

قال:

هااااااه اسد عدلوا بدلوا

قالوا :

اسد

قال :

طيب اتركوني عليه بس ابغى فرس

بس غير الفرس هذي

ما تنفع له يبغى وحده حبيبه

( ما هي حقت مشاكل )


قالوا :

طب وتخير يا شيخ فتيخ

المهم لقي وحده هناك شكلها ضعيفه مالها في المشاكل
قال :

هذي

قالوا:

يا شيخ فتيخ هذي تعبانه ما هي حقت كر وفر وانت بتقابل اسد

قال :

انتوا تعلموني الكر والفر وبعدين من هو اللي بيقابل الاسد انا والا انتوا

قالوا :

خلاص يا شيخ فتيخ انت ادرى

المهم اخذ الفرس التعبانه ويوم يبغون يربطونه قال :

لالالا

(خايف من الورطه القديمه)

كل معركه ولها طريقه

اخذ الفرس الحبيبه هذي وتوكل

قال لهم :

من وين الاسد هذا اللي يطلع لكم

قالوا :

من الشرق

قال :

طيب خلاص ازهلوه

ويوم ابعد وهو يروح غرب مشى

وهو يقول:

قالوا اسد مجنون انا؟

ومبسوط من الفرس تمشي على اقل من مهلها

مشى الرجال الى ان تعب وهو يشوف ذاك الشجره الكبيره

قال:

اريح هنا

المهم ربط الفرس وطلع هوه فوق الشجره ونام

شويه الا والاسد محضر

الله لا يوريكم الشجره هذي بالذات محل ما يتكي الاسد

أما الفرس من يوم ما شمت ريحة الاسد

وهي تحط رجولها وتعود لاهلها

والشيخ فتيخ نايم في سابع نومه

نام الاسد
والشيخ علي ينقلب ويطيح على ظهر الاسد

وينفر الاسد

لكن الشيخ فتيخ من كثر الخوف تمسك مضبوط

لانه عارف انه لوطاح انه بيروح فيها

ويحاول الاسد يطيحه يحاول

لكن الرجال متمسك مسكه خواف يعني متسمر فيه

ويحاول الاسد يطيحه يمين شمال

ما فيه فايده الرجال مسمر

ولا هو ناوي يفكه

المهم وبينما الصراع

(صراع من اجل البقاء)

قائم بين الشيخ فتيخ والاسد

القبيله هناك بعد ما رجعت الفرس

عرفوا ان الشيخ فتيخ تعرض لمكروه

وهم ينفرون كلهم ويلحقونه

ويجون الا والله الشيخ فتيخ متمسك بظهر الاسد

والا سد يحاول
يطيحه

ويجي واحد من القبيله ويقتل الاسد

ويطيح الاسد ويموت

والشيخ فتيخ متسمر فيه
ويجون عنده الا وهو زعلان مررررررررره

قالوا الحمد لله على السلامه يا شيخ فتيخ

قال :

الله لا يسلمكم


قالوا:

ليش


قال:

من اللي قتل الاسد


قام واحد وقال:

انا


قال:

الله لا يوفقك

قالوا لييييش
؟؟؟؟؟؟؟؟؟؟؟؟؟؟؟

قال:

انا كنت قاعد اروضه ابغاه ركوبه لي وتجي تقتله حسبي الله عليكم

المهم اعتذروا منه وتسامحوا منه

والرجال يسامحهم وياخذونه

ويرجعون على القبيله ويعشونه ويحتفلون به

الفارس العظيم مروض الاسود

المهم هو يفكر يقول :

راحت علي الفرس لانه عارف انه ما بينجح في اختبار الذكاء

لان ما فيه مجال للحظ في هذا الاختبار

جاء موعد الاختبار النهائي

اختبار الذكاء

المهم جابوا تنكه

وحطوا نصها عسل

والنص الثاني الله يكرمكم

( دمن غنم )

وغطوها وقالوا :

يالله يا شيخ فتيخ تقدر تقول لنا التنكه هذيك وش فيها

المهم الرجال قعد يفكر في وضعه لانه عارف انه ما راح يعرف

يفكر كيف الكرم اللي كان فيه والامجاد اللي عاشها اليومين

اللي راحت مع هذا القبيله اللي نادوه باغلى اسم عنده

وهو الشيخ فتيخ

فكر فكر وكيف بيكون وضعه بعد ما يروح من عندهم

وهو يتكلم مع نفسه

وهو يتزفر زفرات من قلبه

وبدون ما يحس طلع من لسانه

جزء من الشي اللي يفكر فيه

قال :

( اللي اوله عسل اخره ....... بعر )

تكرمون

كلهم صاحوا :

صح صح جبتها يا شيخ فتيخ

وهم يحتفلون به

وهو ما يدري وش السالفه

الا بعد ما فتحوا التنكه

واخيرا تحقق حلم الشيخ فتيخ

واصبح شيخ قبيله

وسلامتكم.
،،،،،،،،،،،،،،

ـــــــــــــــــــــــــــــــــــــ
التوقيع
أخر مواضيعي
رد مع اقتباس
قديم 07-08-2008, 01:43 AM   #2
مراد الحريري
 







 
مراد الحريري is on a distinguished road
افتراضي رد : كيف تصبح شيخ قبيلة ؟؟

هههههههههههههههههههههههههههههههههههههههههههههههههه ههههههههههههههههههههههههههههههههههههه

والله قصه ممتعه بصراحه

الله يعطيك العافيه يا الشيخ علوووش

ـــــــــــــــــــــــــــــــــــــ
التوقيع
تحيه حب ووفاء لزهران عامه .
ونسأل الله أن يوفقكم جميعاً .
وأعتذر لكم عن الغياب.
وثقوا أنكم لا تفارقون تفكيري .
فأسمي مرتبط بكم .
....مراد الزهراني ....
أخر مواضيعي
مراد الحريري غير متواجد حالياً   رد مع اقتباس
قديم 08-08-2008, 04:08 PM   #3
الثعبان الذهبي
 
الصورة الرمزية الثعبان الذهبي
 







 
الثعبان الذهبي is on a distinguished road
افتراضي رد : كيف تصبح شيخ قبيلة ؟؟

بارك الله فيك حبيب قلبي مراد
واسعدني وزادني شرف مرورك الرائع

ـــــــــــــــــــــــــــــــــــــ
التوقيع
أخر مواضيعي
الثعبان الذهبي غير متواجد حالياً   رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع

المواضيع المتشابهه للموضوع : كيف تصبح شيخ قبيلة ؟؟
الموضوع كاتب الموضوع المنتدى مشاركات آخر مشاركة
كيف تصبح محبوب عند الناس هايدي المنتدى العام 14 07-08-2008 05:17 AM
كيف تصبح مشهور فى ذا الراس الصغير الإستراحة 4 18-05-2008 12:26 PM
لكي تصبح محترفاً في قيادة السيارة سارق القلوب منتدى السيارات 8 24-04-2008 01:10 PM
ازرع فكرة تصبح سلوكا ملاذ الروح المنتدى العام 4 22-06-2007 01:51 AM


الساعة الآن 04:59 AM.


Powered by vBulletin
Copyright ©2000 - 2024, Jelsoft Enterprises Ltd.
جميع ما يطرح في المنتديات من مواضيع وردود تعبر عن رأي كاتبها ولا تعبر بالضرورة عن رأي الإدارة
Copyright © 2006-2016 Zahran.org - All rights reserved