تغيرت نبرات صوتك عليه

[ألمحيط]

تغيرت نبرات صوتك عليه = وحسيت فيها منك قسوه وتغيير
وانا الذي ما يوم بخلت يديه = قدمت فيها الطيب وقت المعاسير
يوم المشاعر منك فالقلب حيه = والقى بها حشمه وشيمه وتقدير
ويشهد علي الله رب البريه = اني معك ماجيت حد المحاذير
مكانتك مثل الجبال العليه = اللي على روس الخلايق مظاهير
واليوم جتني من جنابك قويه = مايفيدني فيها الأسف والمعاذير
انا خوي اللي يصافي خويه = ماني من اللي يحسبون المخاسير
اشيم عن درب الردى والخطيه = واصغر كبار المهمات تصغير


راشد الجمعان ( المحيط )

[ضي العين]

صح لسانك أجمل الكلام والمعاني
والله يعطيك العافية
تشكرااااات

[ألمحيط]

اقتباس: المشاركة الأصلية كتبت بواسطة ضي العين      صح لسانك أجمل الكلام والمعاني والله يعطيك العافية تشكرااااات

صح بدنك وشكرا لك على تواجدك العطر الذي يسعد الخاطر
تحياتي