انني اكتب هذا الموضوع لأقنع كل زوجه متضايقه من أمزوجها....
اخواتي أود ان أقسم لكم بالله العظيم بأن كل كلمه سوف أكتبها هي حقيقه حدثت لي في يوم من الأيام
اخواتي تزوجت وعمري عشرين سنه وكنت ماني داريه عن الدنيا ومقالب الحريم وحركاتهم
المهم كانت ام زوجي حرمه متسلطه سليطة اللسان يكرهها الجميع من اخوات زوجها وجيرانها واقاربها لأن لسانها متبري منها
عندما تزوجت تعلقت بزوجي كأي زوجه تحب زوجها...ولكن الحب يحتاج إلى تضحيات وأولها المواجهه مع أم زوجي... وكان الكل يحذرني منها...ولكنني قررت ان اكسب المعركه لصالحي
في البدايه أود أن اوضح ماهو أكثرشئ اعانني على المواجهه بعد إعانة الله سبحانه وتعالى
كنت دائماً اضع ببالي لو أنها كانت أمي فما الذي سوف افعله بهذا الموقف
الآن سوف ندخل اجواء المعركه وسأذكر لكم بعض المواقف البعض فقط لأنها لاتعد ولاتحصى
كانت تحرص ان تدخل غرفتي بدون اذن وتاخذ بعض اغراضي وتستخدمها أمامي لكي تغيضني وتجبرني على الكلام (ولكن اتخيلها امي) وأصمت
كنت احرصان لا اقفل الغرفه إذا كنت نائمه وزوجي غير موجود لأنها تحب ان تفتح الباب بين فتره والثانيه (ولكن اتخيلها أمي تود الإطمئنان علي) واصمت
كان يوجد داخل غرفتي حمام لم نركب له باب لأنه داخل الغرفه وضعنا عليه ستاره بشكل مرتب فقط كنت اود الإستحمام أحياناً وهي موجوده بالغرفه اخذ روب الحمام واغلق الستاره واتروش عادي جداً وبعدين البس داخل الحمام (ولكن اتخيلها أمي استحي اقولها اطلعي برى) المفروض هي تستحي
كنت انام الظهريه عندما يكون زوجي بالعمل واكتشف انها نامت معي بنفس السرير عندما كنت اغط بالنوم لاني اترك الباب مفتوح لها كما اسلفت سابقاً وكانت حجتها ان مكيفها حارومكيفنا ابرد ..
والبيت فيه خمس مكيفات ما اختارت إلا غرفتي(ولكن اتخيلها أمي) واصمت
كانت تقتحم غرفتي وتفتش بين ملابسي بحجه ان الشغاله مضيعه تنوره بنتها يمكن مدخلتها عندي ويشهد الله اني كنت اساعدها بعمليه التفتيش (لأني اتخيلهاأمي) واصمت
كانت تحاول إحراجي أمام الحريم عندما نجتمع ولكن اسكت لأني عارفه الناس تقول حتى لوعمتها غلطانه المفروض مايتهاوشون قدام الحريم يعني اطلع أنا الغلطانه وهذا مالا أرضاه لنفسي بعد هذا الصبر الطويل
اما وجبات الأكل هذي يبيلها مجلدات لحالها لأنها كل مره تغير مزاجها مره تبي الأكل مالح ومره باهت ومره تقول البهارات تسبب ليحرقان ومره الأكل ماصخ مافيه بهارات
وطبعا في كل مره اطبخ لها طبخه من جديد حسب المواصفات المطلوبه(وطبعاً اتخيلها أمي)ومشتهيه تاكل هالطبخه
لما ارجع من السوق اوريها اغراضي واحد واحد حتى الأشياء الخاصه (تذكرت موقف طريف بقوله لكم مره اشتريت لمعه الجسم وريتها على انها كريم عادي.. طبعاً هي كل كريماتي من املاكها الشخصيه وتستخدمها متى مابغت .. وتخيلوا شلون بيكون شكلها وهي رايحه عند ناس وهي مستخدمه لمعه الجسم...؟؟
وطبعاًلما جاني عيال ياسلام بدات تلقى إثاره أكثر .. عيالكم سوو وعيالكم فعلو..بذكر لكم موقف واحد ..مره ولدي كب بيبسي على الموكيت حق غرفتها..قالت انا حلفت ان البيبسي ماينمسح ولازم يتغير الموكيت كله(طبعاً تبغى تنرفزني وتشوف رده فعلي) المهم ولدهاعيا قال هذا جبروت مهو طلب معقول ورحت وغيرت موكيت الغرفه على حساب يالخاص..
المهميا اخوات ان هالمعارك دامت تقريباً خمس سنوات داحس والغبراء
وبعدها اعلنت أم زوجي إستسلامها
وصارت تفضلني على زوجات أولادها السته وصارت كل ماشافت شي جديد عند زوجات عيالها أوبناتها تشتريه لي وتقول شفتهم شروه اكيد انه شي دارج هالوقت وقلت باشتريه للغاليه
وصارت تستشيرني بكل شي يخصها حتى لو عيالها قالوا لها شي ماتثق فيهم لحد ماتاخذرأيي
وصارت تدعي لكل عجوز تشوفها ان الله يرزقها بحرمه ولد مثلي
طبعا كل الناس مستغربين بما فيهم زوجي واخوانه شلون قدرت اكسب أم زوجي
واقسم بالله تقريباً تسعين بالميه من المشاكل ماكان يدري عنها زوجي لأني كنت اقول في نفسي (طيب وإذا عرف بالمشكله يرمي امه بالشارع ولا يروح يهاوشها وتزيد المشكله ماتنقص وهذا اللي هي تبغاه)كان مايدري إلابالمشكله اللي يشوفها بعينه
والله اني اكتب قصتي مع أم زوجي لكي تستفيدمنها كل عروس توها بأول المشوار وماهي عارفه كيف تتصرف مع أم زوجها
م / ن