هل تحب القيادة في خط السفر أم تحب أن تكون راكب ؟
إذا مع أم علي سائق وإذا مع مجموعة ما حب السياقة نهائيا يعني راكب (أمير )وإذا معاون لابأس
من تحب ان يكون دائما بجوارك وانت مسافر ؟
واحد يقدر الخوة و السفر ... لا للعبطاء
لو جعت بخط السفر ، هل تتوقف وتاكل أم تاكل بعد الوصول ؟
زمان أوقف ...اما في السنين الأخيرة أمشي الحال بشوية لغاغ من دكاكين المحطات أو أخذ لي كم كيلو فواكه مشكلة
كم سرعتك في خط السفر ؟
نظامي 122 - 144 كيلو متر
تشغل المسجل في الخط ؟
نعم
وش نوع السياره اللي تحب تقودها اثناء السفر ؟
أي سيارة بس تكون موديل جديد ... ما حنا فاضين للأعطال
هل تحب ان تكون لوحدك في الخط ؟
ليه وحدي .... مقطوع من شجرة
بس إذا حدتنا الظروف ... أبشر بولد
كم مرة توقف للراحه وانت مسافر ؟
حسب نوعية الركاب ، في الأونة الأخيرة صعقة وراء ذيب
مثل ما قلت ما عاد لي نفس على مطاعم وإستراحات الطرق ، شينة يا خوك
هل تفحص سيارتك قبل السفر ؟
إذا أمريكي أفحص و إذا ياباني دق سلف وعبي بنزين 95 ترى أصرف اي أحسن في الدراهم و الممشى من الأخضر 91 يا شباب
تحمّل معك عفش كثير بالسياره ولا يكون عفشك قليل ؟
إذا معك العائلة وأعطيتهم هواهم يبغى لك سلة وقلص ... ولكن في سفرتي الأخيرة شريت لكل فرد من أفراد العائلة حقيبة رياضية وقلت لا تزيد عن عبوة الشنطة > تقول فريق سلة أحد زمااان ،
وشنطة كبيرة خاصة خصوصية ،
كانت فكرة جيدة للجميع وحتى عندما ننزل شقق ،
لو انت مسافر وقلنا لك خذ معك عضو في خط السفر ، من تختار ؟
تبغون الصراحــة وإلا أختها
بأخذ شلة التراث و سوالف الأولين
وأثنين من الأستراحة حق الخدمة > تعرفون شايب ... والله يجزاهم بالخير
في خط السفر ، تحب تتسابق مع السيارات الأخرى ، أم لاتلقي لها أي اهتمام ؟
ليش غزلت
موقف لاتنساه حصل لك وانت مسافر ؟
مرة زمااان كنت مسافر مع واحد معه كرسيدا زرقاء وشفنا جمس في الشرقية يسمونه السوبر والديرة يقولون الصالون فيه عائلة ومسفطين وفاتحين الكبوت يعني سيارتهم خربانه
ونسفط ، نشاما ، وش تبغون قالوا بنزين
ونسحب لهم من تانكي كراع سعيدة ونعبي سيارتهم وتشتغل وجينا نودعهم وركبنا سيارتنا
وندق سلف وأبت تشتغل ... ياولد
نحاول .. ما عرفنا لها ... قالوا تدرون بنسحبكم ، هذا الكلام أول مأ افتتحوا خط الرياض الدمام الجديد ،وحنا مع المغرب ،
طيب عندكم حبل قلنا لا و أنتم قالوا لا
ونقعد نشر للسيارات و كل ما وقف واحد ما حصلنا عنده طلبنا
أخير شي وقف راعي (مرسدس لوري ذاك الأخضر ) أسمر على خفيف
قلنا عندك واير سحب ؟
قال ايوه موجود واحد منكم يطلع الصندوق ويأخذه
وهو ابو الشباب قاعد مكانه وراء الطارة ما تحرك
قمت أنا وخويي نتعازم على طلوع سيارة الجني ذية
كل واحد يقول اطلع انته
أخر شيء حلف رفيقي أنه ما يطلع لوكان ما تروح الحاطبة بعود
عند ذلك رضخت لمشعاب الأخوة
وصعدت الصندوق ، وفعلا كان الصندوق مليان حبال وقنانيب
وأخطف لي أول واحد نقزت فوقه
وجاك نازل مثل المجنون ،
وقلنا لراعي المرسيدس أنتظرنا عند اول محطة عشان نعطيك حبلك
قال روح يا واد فداك الحبل و اللي جابوه
المهم ونربط حبلنا في كراع سعيدة ونربطها في ذنب الجمس السوبر اللي وقفنا نسعفه
وخذلك من الضحك وهم يسحبونا مسافة 60 كيلو
حتى وصلنا اول محطة ونفك السكنية سيارتنا وقلنا لهم خلاص شكرا افلحوا
ورفضوا ولكننا أصرينا على ذهابهم وحلفنا عليهم ومشوا
وجينا عند اليماني قال هات 100 ريال و أصلاحها ... قلنا ابشر
تدرون وش طلع فيها البلاتين غيرها قيمته ما تجي 15 ريال و أظن بعد البواجي
احلى مره سافرت فيها ، متى كانت ومن معك بالخط ؟
كل سفراتي حلوة ولله الحمد
هل تحب تسافر في الليل ولا في النهار ؟
في الصيف ليلا و الشتاء نهارا
نصيحة توجهها للأعضاء بشأن خط السفر ؟
كل ما سبق أجتهدت فيه من باب المناصحة
لا تسرعون
انتبهوا للكفرات في أيام الصيف ركبوا جديدة
إذا جاك النوم لا تواصل السفر
الله يرضى عليكم لا تولعون النور الطويل ..خاصة إذا كنت في الخط المقابل لي
آخيرا ، اختر عضو بعدكـ .
أحمد العدواني