مصافحة اولى ارجو ان تنال اعجابكم
خليتني للزمن
الحاجه الي على لقياك تحدانــــي
واجيك والدمع في عيني من الحاجه
لو كنت باتعب والآقيها معى ثانــي
ماجيت ادور لضيقي عندك افراجــه
ولو هي قليله ترى ماجيت لك عاني
واحرجت قلبي معك واعود بحراجه
وشلون تقدر لها وتقول مامدانـــي
وتردنـي يوم ضاق الكون وافجاجه
ليت الزمن ماحدانـــي لك ووداني
وارجع وفيني صدى بابك ومزلآجه
والله مااحسبك تقدر بيوم تجفانــي
وتشوف دمعي ولآ يبكيك مخراجه
لوكنت اعرف ان بلقى فيك حرمانـي
ماجيت للحب ومشاكله وازعاجه
لكن حسافــه بعد ماكنت تفداني
ارخصت حبي بعد لبستني تاجـــه
وخليتني للزمن هايم ووحدانــي
ابكي لجرحي ندم وادور علآجــه
كذا بلآ ذنب تهجني وتنسانـــي
من غير مــاتذكر الاسباب وتواجه
يعني تمللتنـي ؟؟مــاعاد تبغاني ؟؟
والحب مــاعاد تسهر له وتحتاجه ؟
ب لله ماكنت تتعنا على شانـــي
وبحرك بشاطـئ غرامي تصفق امواجه
وب لله ماكنت من بادر ووصانــي
نبني لنا قصر ونحافظ على سياجه
وب لله لآ صاح صوتك لي وناداني
ما اعز شانك وارد لصوتك اغناجه
وب لله لآ احتجتني ما كنت تلقانــي
والليل ما كنت لجلك موقد اسراجه
واليوم انا احتجت لك وتقول مامداني
لآ بــارك الله بـالدنيا ولآ الحاجه ..