[سالم الدوسي]

محاورة بين الشاعرين : ( حسن الدوسي ، علي القرني ) 15-4-1429هـ جدة

[poem=font="Arial,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
بدع / حسن الدوسي :=
يالله لانشبتني في مِتلِفات الدّروب القاصِفات =
قصدي اتصدّر المجلِس وادير المثل واعلام حُمّد=
وان شالله مااقصر الخُطوه عن الدّرب واسيدِل بشرّ=
ما حداني الزّمان على طريق الخطر ولقاصِفاته =
ودروب الخِيانه صُفت عنها ومِنها اجنّبي=
--=
رد / علي القرني : =
الله ياكم لي اوصِّف نبي الهُدى والقى صِفات =
الصِّفات التي تِفرِض علينا الصّلاة على محمد =
وفّق الله مِن صلّى وسلّم على سِيد البشر =
واعتِقِد يا بِلاد الغرب لو فالكُتُب تلقى صِفاته =
انْها تلغي براثِنها وتمشي بمِنهاج النّبي =
--=
بدع / حسن الدوسي :=
انا لي عن طريق الكُره صدّه وردّه وإنتهات =
مانا مِثل الذي جنّب دروب الصّداقه وانتقى الصّد =
والخلايق دروا عمّن تكلّم سبُع وإلاّ عُشُر =
ما دام الصِّدق واضِح في بداية كلامي وانتهاته =
يا يميني على صفحات الامجاد مُدِّي واشتبي=
--=
رد / علي القرني : =
انا باازوِّدك مِن كُلّ عِلمٍ يجمِّل وانت هات =
القصايِد يجمِّل نظمها وانا اقصِّد وانت قصِّد =
ما حسبنا مضامين المثايِل سَبُع وإلاّ عَشُر=
خُذ مِن العِلم ذا يجلا عِراض الخواطِر وانت هاته =
هذا ما يسّر الرحمن وإنكان مدري وِش تبي !!=
--=
بدع / حسن الدوسي :=
مرحبا يا علي واسمع لنظم الحِكم والليلفات=
انت وِنعِم وانا عن مِثلكم فالعرب ياما اتنشّد =
لين جاهم خبر مِخطار صاحِبك ودروا بالخطر =
والليله جابك الله تستمع للمثل ولليلفاته =
جابك الله لنا مِن غير مرسول وإلاّ مندبي =
--=
رد / علي القرني : =
مرحباً هيل يا ضيفٍ طلبت العشاء والليل فات =
وآنحم بدو نقّالة عمود إن صبرنا فاتنا الشّد =
وإن سرينا بغير اصحاب نعرض على دروب الخطر=
لا تسامِر غُلامٍ عذّبته الحِيَل والليل فاته =
رُح وخُذ مطلبك مِن قصر دسمان وإلاّ مِن دبي=
--=

بدع / حسن الدوسي :=
الرسايل يابو حاتم لفت واقتريت البرقيات=
كِنّ وِدّك تقُل : في ذالزّمن يابو احمد ما تمن حدّ=
وانا اقول : احسِن النِّيَّه بربعك وبِرّ ولاة امُر=
واللي مِثلك له التّقدير ونجاوِبُه في برقياته =
وإن تعثّرت فالمرسول.. ليته تعود العثره بي =
--=
رد / علي القرني : =
ابو حاتم يقول : يوم افتقدنا الرّعد والبرقيات=
مات مِن عاقِبة جور الضّمأ حِسبة اللي مات مِن حد=
وهل المزرعه ما عد يفيدون بُرّ ولا تمُر =
واختفى العُود الاخضر ما عد النّاس تِعرِف برقِياته=
ما بقي في رِحاب الدّيره إلاّ العُشُر والعثربي =
--=
بدع / حسن الدوسي :=
آبو احمد يقول : دروبنا واضِحات وسمحيات =
وانت يا صاحبي عدّه برِجلك مع ادروب الونس عد=
وانصحك قرِّر النِّيه على سيرتك والمح تِقِر =
وانا لي نِيّةٌ وحده ودربي توضّح سّمحياته =
ما تقصّرت بالمجهود مرّه ولا ذاب احتبي =
--=
رد / علي القرني :=
يابو احمد تراني تِهت بين العتب والسّمحيات =
ليت شِعري متى نرتاح مِن تعبة الدُّنيا ونسعد =
ونقيم البيارِق بين راعي الجفا والمُتحقِر =
يا سند راسي اللي معرف إلاّ رِضاه وسمحياته =
ما تعرّضت وجهي بالنّوافِع ولا ذابحت ابي =
--=
بدع / حسن الدوسي : =
ابشر بالدِّرع ذا فيه السلاسِل مباهِم حولقات =
ما شراه الذّليل ولو يهِلّ الدّراهِم وبعد ابعد =
دِرع قاسي ولو تعصره جور الليالي ما انعصر =
هذا دِرع الصّداقه والوفا محتكِم من حولقاته =
انا عِندك وسعدك حزّت الضِّيق يا مِن صاااح بي=
--=
رد / علي القرني :=
يابو احمد إذا ريت اهل صنعاء توالوا حول قات =
شُدّ حيلك ودوِّر لك ماكنٍ بعيدٍ وابعد ابعد =
واعلم انهم غِياب عقول مِن صُبح وإلاّ مِن عصر =
وانا وانته على عهد الشّرف واليماني حول قاته =
يا عسى الله يأمنِّي بفضله ويأمن صاحبي =
--=
بدع / حسن الدوسي :=
يا علي كل شيٌّ له نهايه ترى مِن عاش مات =
واحمد الله تجمّلنا وقُلنا وبان المزح والجد =
والنهايه صعيبه تشبه الموت يوم الموت مُرّ =
عِلمنا يحيي الغندور بين العرب واللاش ماته=
تمّت الخاتمه بالخير لا صوت ولا شيغبي=
--=
رد / حسن الدوسي =
إن شالله إنّا ناجي عِند هقواتكم والعشْمات =
والذي مِثلكُم يبنى به الجاه ما يوسم ويلجد =
يا مِن ايوجِّهون الشّور ويروِّسون المؤتمر=
والكلام الذي قُلناه ما فيه غدر ولا شماته =
ما سِوى لمحةٍ مِن نُور نقرى عليها شي غبي=[/poem].
.
.
.
.