_ وش نوع سيارتك وماهو لونهاا ..؟؟
يوكون
_ تحب االتعديل اذا نعم وش عدلت في سيارتك ..؟؟
لا
_ هل صبغتهاا ..؟؟
لا
_ اخر مرة غسلتها ..؟؟
حسب الحاجه
_ من علمك السواقه .؟؟
لا احد
_ ماهي اول سيارهـ سقتها ..؟؟
ونيت 82
_ وش المكان الذي اول مره جربت فيها السواقه ..؟؟
الدار
_ اول سفريه لك بالسيارة ..؟؟
الى جدة
- من يساندك ( يشجعك) اذا كنت تفحط ..؟؟
شعاري لا للتدخين لا للتفحيط
_ اخر مرة فحطت ..؟؟
ولا مره,الا انه باحد المرات وبعد هطول زخات مطر,اصبحت قطعة الارض التي اعتدت الوقوف فيها لتناول الشاهي زلقه...فاعجبني الامر, فاخذت لي دورتين وفي الثالثة نشبت السياره بالطين والوحل 
_ اول مخالفه ..؟؟
تجاوز خاطئ بطريق الجنوب
(( وش تسوي اذا ))
_ قمت الصبح ولقيت القزاز مكسور والمسجل مسروق ..؟؟
احتمال ابلغ الشرطة..ولكني حتما سادعي على الفاعل
_ صدمك واحد وانحاش ..؟؟
اخذ رقم الوحه وابلغ واتابع الين اتمكن من لقاءه..وعندها غالبا سأعفو((حصلت لي بقلوة مع بعض الاخوة العمريين نقز بلوفي وشرد 
فصممت اجيبه,وانا مليان غضب وحقد واتخيله محشش مفتول الشوارب فيزيد حقدي وغضبي...ولما قابلته طلع شاب جامعي مملوح وحبوب فسامحنا والاجر عالى الله
))
_ اذا واحد ركب معك السيارة وغثيث ونزل وردع باب السيارة ..؟؟
اذا اول مره..اسكت وامشيها
واذا شخص امون عليه..اقول له بالله بشويش لاتتعبك ايدك
_ ركب معك واحد وانت توك مغسل السيارة وقعد يفصفص حب ..؟؟
اكيد اوريه وين يرمي (الفقاش) ويمكن اهب له قرطاسن يفصفص فيه
_ وين توقف سيارتكـ فيه ..؟؟
اذا داخل البيت كل هذا خوفاً عليهاا ولا مافيه مكان جنب بيتكم..؟؟
داخل الحوش, لان بالشارع انصدمت مرتين؟؟؟..ومره لقيت الصدمة خرقتها وكانها طعنة رمح؟؟
_ شخص ودك دايم يركب معك قدام ..؟؟
الوالده اكيد...وناستي وراحتي بوجودها..وايضا المدام طبعا
_ لو جا احد وطلب سيارتك بيروح فيهاا مشوار صغير تعطيه ولا لا ..؟؟
اذا يستاهل وموثوق لامانع..
_ وديت سيارتك للصيانه وتاخرت .. وش تسوي ونت عايش بدونهاا ..؟؟
ربك يدبرها
_ بتروح رحله بسيارتكـ من تختار من الاعضاء يركبون معك ..؟؟
اي واحد جاهز وفاضي..نكسب معرفته..عموما احب ايصال اي شخص اجده على قارعة الطريق حتى لو لم اعرفه
_ من رفيقك وونيسك في مسك الخطوط ..؟؟
المقرئ الشيخ محمدنور..وايضا اذاعة مونتوكالو ثم الجزيرة
_ سياره تتمناها .. وسياره ماتحبها ..؟؟
بنز..كورلا
_ كلمه توصف فيها سيارتك ..؟؟
الله يعطينا خيرها ويكفينا شرها
- اذا ممكن صورة لسيارتك 
تشبه تيه:
