الموضوع: ماعاد افكر
عرض مشاركة واحدة
  #1  
قديم 20-04-2012, 02:13 PM
الصورة الرمزية حسين المعنى
حسين المعنى حسين المعنى غير متواجد حالياً

شاعر
 






حسين المعنى is on a distinguished road
افتراضي ماعاد افكر

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ياصاحبـي مانـي بـوالله مرتـاح=ضايـق ومتكـدر وكلـي جراحـي
ماعاد افكر في خسـاره ولا اربـاح=ولا همـاج المـاء ولا فالقـراحـي
مادام ماتـدري بحزنـي والافـراح=ومن وين تاجي ضحكتي وانشراحي
ماهـو رفيقـي حـق والله ياصـاح=من مايحـس ابضيقتـي وارتياحـي
انا الحزين اللي فقـد كـل الارواح=يقبل علي الصبـح نايـم وصاحـي
ماقد شكى قلبـي بوقتـه ولا صـاح=الا بعد ماصار ضمـن الاضاحـي
ضحيت به من دون مشعر ولانـاح=الا بحبـك كـان منتـه بـواحـي
سلمتـه انـا لـك بقفلـن ومفتـاح=ولا انت عـارف قفلتـي وانفتاحـي
عذرت بالدنيـا وبامـال واطمـاح=وتركت من شانك جميـع الملاحـي
كم واحده تشكي لي الشـوق ذبـاح=وانا اتصينـق فالنشـب والبراحـي
لو ماعرفت الحب قبلك مـن ارواح=كاني كرهته منك وان قـام طاحـي
كم عطر لي من غير مايلمس فـاح=ساعت نضرت فـك قبلـي وفاحـي
هذي الحقايق صارت ادروبي اشباح=اسيـر خايـف مالسرايـر تباحـي
صوبتني بسيوف واحراب وارمـاح=منته بمجنـون ولا انتـه بصاحـي
انته معاك اسلاح وانا معي اسـلاح=رمـاح لكـن ماتشابـه رمـاحـي
لرميك مره رحت من ضمن من راح=ماعد ابد بعـده تشـوف الفلاحـي
صبـرت مافيـه الكفايـه ولا راح=اتحمـل الطعنـه وبيـدي سلاحـي
ان كان مالي فيـك باقـي ولا بـاح=لا عاد تجرح دامت الصبـر باحـي
هذي علومي كنهـا البـرق لا لاح=وسط المناشي من جميـع النواحـي
افهم كلامي زين واعرفـه مصبـاح=اليل الاضلم منـه يغـدي صباحـي [/poem]

ـــــــــــــــــــــــــــــــــــــ
التوقيع
قال المعنى اجترعت المر والحالي

والقلب والفكر محكم له ولا اديره

وان جيت تنشد عن احوالي فذا حالي

الجسم فالشرق واما العقل فالديره
أخر مواضيعي
رد مع اقتباس