[محمد السعدي]

[align=center]بسم اله الرحمن الرحيم
الحمد لله رب العالمين و الصلاة و السلام على خير خلق الله و على آله و صحبه وسلم......... و بعد

بمناسبة زيارة
صاحب السمو الملكي الأمير الدكتور
فيصل بن محمد بن سعود بن عبدالعزيز آل سعود
حفظه الله تعالى
إلى وادي رما و افتتاح مركز وادي رما بقرية الحوشة (( أبو خيام))
قام الأخ/ فلاح بن آدم بن صالح السعدي الزهراني
بإلقاء هذه القصيدة أمام سموه الكريم
و يقول فيها:[/align]

[poem=font="MS Dialog,5,#FCFCE4,bold,normal" bkcolor="" bkimage="images/toolbox/backgrounds/26.gif" border="double,9,#400000" type=1 line=1 align=center use=sp num="0,#400000"]


يالله ياللي في يديك التدابير = طالبك يارباً غفوراً ورحمن
عفوك إذا جارت علينا المقادير = على سراطك بين جنة ونيران
عد الخزاما و النفل و النواوير = يامرحبا يامير غامد و زهران
ترحيب ماسالت سفوح الاصادير = وماغرد القمري على روس الأغصان
بسمي و بسم أولاد سعدي المناعير = متنوعاً مابين كادي وريحان
قبيلتاً تفخر بجيتك يامير = و تعاهدك بان الوفا مثل ماكان
و انا على جنبك سيوفاً مشاهير = ارواحنا تفدا طلب عز الاوطان
بس ادعنا و ابشر ليا شبت الكير = ابشر بنا لاصار في الوقت ميلان
على امركم نمشي و ما قلتم يصير = في ظل ابو متعب و في ظل سلطان
تبصر جحافلنا فراد و طوابير = من هو يعادي دولة العز ينهان
نبقى على جنبك جنودا مغاوير = يانسل قوم الجد ذرب الايمام
جيتك توحي بالفرح و التباشير = شرفت ياراعي التواضع و الاحسان
بقدومكم خانت لساني التعابير = و احترت ما بين القوافي و الاوزان
يا قايدا يسبق كلامه بتفكير = يانسل صقر المملكة جزل الايمان
و ابوك بشرنا عسى حاله بخير = كلاً على شوفته ظامي و عطشان
الكبتن اللي عانق الغيم و الطير = و الفارس اللي يعرفه كل ميدان
يامجدنا يوم الليالي معاسير = بلغ سلام الله على صقر شيهان
و ياسيدي يامسطر المجد تسطير = من لا يرد منهل عطاياك خسران
اكرم جنودك يابن قوماً سعاطير = انظر لنا بعيون رحمه و تحنان
حنا عطاشا و الدوا داخل البير = نريد مشروعا يوصله الاسكان
و المركز الصحي يبي منك تطوير = قديمه اثاثه و مهدود الاركان
و امواتنا يبغون للقبر تسوير = اكسب عليهم اجر غافر و ديان
و اكرم عيالك و البنات المساتير = بالثانوية حلمهم طول الازمان
يسر علينا جعل دنياك تيسير = و الله يديمك للكرم ياكحيلان
لو منت ابونا ما طلبناك يامير = ياعيوننا اللي ساكنه بين الاجفان
و صلوا على المحبوب تلقوا التباشير = المصطفى المختار نسل عدنان[/poem]