السلام عليكم ورحمة الله وبركاته
طريقة حلى لازم تجربونها وتقولون لي رايكم
هالحلى مشهور جدا بالانستقرام ويبيعونه التاجرات المختصات فية او اللي يحبون الحلى
حلى الروكي رود
Rocky Road Sweet
طريقة حلو الروكي روود
دورت عن طريقته بمواقع الطبخ الاجنبية ولقيت عده طرق ماضبطوا معاي وطحت اخيرا على الطريقه الصح
اللي نتيجتها نفس شغل محلات الحلو
الطريقه اخذتها من موقع انجليزي و ترجمتها لكم
المقادير
( 200 جم كاكاو اسود (استخدمت جالكسي الدارك الاسود
(200 جم كاكاو عادي (جالكسي بالحليب
(100 جم زبده (قالب واحد
100 جم مارشملو. (كوب) يتم وضعه بالفريزر قبل الاستعمال عشان مايذوب
(100 جم بسكوت دايجستف مكسر( كوب << ممكن تضيفين حسب الرغبة مكسرات مثل الجوز او البندق او الفول السوداني وممكن تضيفين حلويات ام اند امز الملونة او زبيب وفواكة مجففة)
(3 ملاعق عسل او زبده فول سوداني او شراب القيقب ( اختياري
انا شخصيا استخدمت الفول السوداني = بنات بيتر )
( ملاحظه: ممكن اضافه كاكاو المالتيزر بالوصفه مع البسكوت او المكسرات او الكورن فليكس او اي شي ثاني تحبونه )
الطريقة
يذوب الكاكاو بحمام مائي مع الزبده بعدين العسل ونتركه يبرد شوي
نحط فوقه البسكويت و المارشملو
بعدين نخلطههم و نرصهم بصينيه مستطيله او مربعه يفضل الصواني اللي تنفتح من الجوانب علشان يسهل التقطيع و نتركها بالثلاجه ساعتين و بعدين نقطعها
مع مراعاه وضع ورق الزبده بالصينية عشان يسهل نقله و تقطيعه
والنتيجه رووعه
جربوها وعطونا رايكم
واللي تضبطة وحابة تشوف افكار تقديمة بالعيد والجمعات والمناسبات والرحلات والطلعات تستفيد من هالافكار
ممكن تقدمينة في اوراق الحلى
ممكن تحطينة في بوكسات التقديم
ممكن تقدمينة في ورق السولفان الشفاف
هنا روكي رود بالشوكولا البيضا
هنا قدمته في كوب كبير زي الطبق متوفر بمحلات الاواني المنزلية بعدة الوان واشكال
وممكن تحطينة في فازة للتقديم
طبقوها وروني شغلكم وتقديمكم وممكن تستفيدون منها كمشروع مربح وتعملون لكم حساب بالانستقرام للبيع هالنوع من الحلى اللذيذ
