ابغى الهدوء وراحت البال بالبيت = حتى التماشي شفها راح مني
عن كل ما يشغل قنعت وتخليت = ولا عاد افكر في امر يمتحني
تعبت من كثر الكلام وتعنيت = وفقدت لحظات الفرح والتهني
ماغير اهوجس كل ماقبلت واقفيت = ولا لد في بروق الأمل والتمني
وانا الذي ياكم وديت واعطيت = مير الليالي بالعطا يبخلني
واليوم عن كل المشاوير قفيت = ماعاد شجعت القدم يتعبني
مرتاح بالي بعد مقفيت وانحيت = وقطعت خط المشغله والتجني
راشد الجمعان ( المحيط )