جرحي القديم اللي نزف من سواياك = لليوم ناره بين الأضلاع حيه
حسبتها لك واحده من خطاياك = كأنها بين المعاليق كيه
بليتني فيها وانا اسعى على رضاك = واقدم المعروف لك في يديه
ما صنت عهد الود خنته بمبداك = وامسيت مالك بالموده هويه
هانت عليك سنين ودك وذكراك = ولا احسنت لي رد الجزا والعطيه
عزي لمن مثلك مشى مثل ممشاك = ماله بشرع الود صفحه نقيه
طاوعت فيني هرج هذا وهذاك = واهديتني جرح المشاعر هديه
راشد الجمعان ( المحيط )