يومك شهر والشهر عندك بعامين = توعد وتخلف بالوعود الطويله
طال انتظاري وانت رايح على وين = يانار قلبي منك واعزتي له
اهون عليه لو فرق بيننا البين = من موعد طول ولاشي مثيله
ما تدري ان اللي تسوي معي دين = في ساعة كلن يسدد عميله
كثر الهجر ماهو بشرع الهوى زين = ونهايته مافيه منها حصيله
اتعبتني بمعاملة طبعك الشين = و احس جوفي مثل جمر المليله
اتعبتني مابين بكره وبعدين = ومقاومة كثر الصبر مستحيله
من كثر مارقب جيتك تسهر العين = واشوف طيفك في بروق المخيله
خليتني من قسوتك بين نارين = واخاف ركب الود يعلن رحيله
راشد الجمعان ( المحيط )