[عابرسرير]

هل حياة العزوبيه افضل من الزواج ام الزواج افضل؟؟

اكييييييد العزوبيه,,أخخخخخ بس

لو خيروك بين الاثنين ايهما ستختار ؟؟

بختار العزوبيه تدري ليش؟؟

ياخي عالاقل تقدر تنام على سريرك على كيفك ,,تاخذ وضع الطيارة ,,ولا تفرش كرشتك ولا تطول على صوت التلفزيون محد يزعجك ويتقلب جنبك وكل شوي قايلة لك أفففففف ....


محد يقول لك انا خايفه من الظلمه ,,ولا اسمع صوت بالغرفه ,,وكل ماغفيت لقيتها اللي تهزك تقولك قوووووم شوف شو هالصوت.. وهي أصلا تخوف ديره...


تطلع الصبح وقت ماتحب,, وترجع وقت ماتحب,, وتقعد مع ربعك كثر ماتحب ,,وتقابل التلفزيون واللابتوب كثر ماتحب بدون ما احد يقلق راحتك ....


جيعاااان!!؟؟ روح اي مطعم خذ لك وجبة سريعة,, او حتى نام خفيف متى مابغيت مافي احد يقولك انا حق منو اطبخ؟!! أجل ليش ماتتغدى وياي؟ متى بتاكل؟ وطبعا السؤال الشهير اللي الرجال واجدد يحبونه شو تبي غدا بكرى!!؟؟؟؟

أو تسوي لك زي كذا وترتاح>>>>>>[img]http://solidsnake2006.********************************************/fcae77782f.jpg[/img]



ماتلقى احد يقلق راحتك كل ماتسبحت وتعطرت كأنك مسوي جريمه وتطالعك بعيون الاتهام حتى وانت برئ...


ترمي تلفونك في اي مكان انشالله بالحمام مافي احد يتليقف و ينبش فيه ويحفظ ارقام اصدقائك وصديقـ... ربعك .


اذا رحت للسينما ماتضطر كل شوي تشرح شو اللي يصير بالفلم وليش وعشان ايش وشلووووون... .



ماتضطر كل يومين تروح الصووبر ماركط وتشتري مقاضي حقت قبيله وماتاكل نصها .


هل حياة العزوبيه متعه ام عذاب ؟؟,,
كل هالمميزات اللي حطيتها وماتبيني اقول متعه ؟؟
حيااااات العزووووبيه أحلى بكثييييييير...




في النهايه لايسعني الا أن أتقدم بجزيل الشكر والعرفان للأخ فتىالسعبرة لأتاحته لنا الفرصه للتحدث بدون احراج,,,
وأحب أقول لكل متزوجه(( امسكي قردك لايجيك أقرد منه))


ملاحظه : أنا لست متزوجاً,,بس نسمع قصص واااجد من المنكوبين<<<<اقصد المتزوجين,,

أخوكم //عابرأحمدمطلق دوت كوم,,