[راشد الصهيبي]

اما انا الله يطول اعماركم في سنه من السنين وانا في الجامعة داومت ذاك اليوم مواصل سهران والحالة حالة كانت اول محاضره ادارة والدكتور الله لا يوريكم ممل بشكل غير طبيعي ويجب لك النوم لو انك توك صاحي المهم مالكم بالطويله من عادة الدكتور اول ما يدخل يحضر بالأرقام بدأ التحضير واحد حاضر اثنين حاضر ثلاثة حاضر اربعه ( هذا رقمي ) رفعت ايدي حاضر قال الدكتور مشاء الله الشباب كلهم متواجدين المهم خلص التحضر وخش في المحاضره الله يعين على ثقالة الدم والملل طبعاً خويكم بس بدت المحاضر ه حط راسه وما فيه الا قوت نوم الشاهد من الموضوع في نص المحاضر كان الدكتور يتكلم عن شي ما ادري وشهو وكان يذكر نقاط وحد كذا وكذا اثنين كذا وكذا المهم وصل رقم اربعه طبعاً رقمي انا كأني في غيبوبه يوم اسمع رقم اربعه جا على بالي انه تحضير فزيت من النوم بشكل لاحظه الجميع وارفع ايدي واقول حاضر على بالي ما كنت نايم بس قلت حاضر من هنا انفرط الشباب بالضحك واقسم بالله كنت في موقف لا احسد عليه
تحياتي للجميع ،،،