رد : هل تريد التأكد من وزن قصيدتك ؟ الجواب هنا .
اخي علي الحسني
اطرح بين يديك هذا النص والذي نظمته حديثاً
واتمنى ان تبرز كل معالم النقد فيه من جميع النواحي
وتأكد ان صدر اخوك مثل البحر
ولك تحياتي
يالصاحب اللي تجازينا بهجرانك=وين انت عنا ترى باقي محبينك
ياليت ترجع لنا وتجدد ازمانك=وتعيد فرحه قتلها الوقت من حينك
العين ما تبغي الا شوفة اغصانك=والاذن ماتطرب الا من تلاحينك
واللوحه اللي تداعب ظل جدرانك=ما تكمل الا بفرشه من تلاوينك
والنبته اللي سقاها دم شريانك=جاها الضما بعد ما جفت شرايينك
ارجع وخل الحياه تعود لاوطانك=وتعود بسمه فقدها كل مغلينك
بالحيل مشتاق لك ولدافي احضانك=بالحيل مشتاق لك يا صاحبي فينك
القلب محتاج لك والله ما شانك=ارجوك لا تطعنه من حد سكينك
تبغيني احلف على صفحات قرآنك=واقول يازين لك وش سر تكوينك
وحياة من كملك وحياة من زانك=ما شفت بين البشر واحد علا زينك
|