[~~سحر انثـى~~]

ياللي وراك ظلوع ومن دونك ظلوع

متمركزٍ فـالصّدر كنّك ... وداعـهـ

ودّي اناقش مع سعادتك .. موضوع

وابغاك تعطيني فقط " نص " ساعـهـ

صار اتصالك في من اسبوع لاسبوع

حرّمت وصلك .. وإستبحت القطاعهـ

وتغيّرت فيك إنطباعات .. وطبـوع

وتجدّدت في نظرتك لي ... قناعـهـ

عيّشتني في كل مرغـوب ممنـوع

وحرمتني من كل .. سمعاً وطاعـهـ

وعلّمتني إن الجفا لـه كـذا نـوع

وإن الهجر بالـذّات اكثـر بشاعـهـ

اوّل تجي يمّي من الشّـوق مدفـوع

ومَ احلى من المشتاق غير إندفاعـهـ

إن غبت عنك تصيح ودموعك دموع

مافيك لـالصّبر الجميل .. إستطاعهـ

مجنون فيني و " القلم " عنك مرفوع

همّك رضاي ومجتهد .. فـإتباعــهـ


واليوم .. لا حبل الرجى فيك مقطوع

مشيـت درب اللّفلفـه واللّكـاعـهـ

واللّي تسبّب في تغيّرك .. مجمـوع

عدم ثقه فينـي .. وبـث الإذاعـهـ

خل الكلام اللّي من الكذب .. مصنوع

وإخذ الكلام اللّـي تـذوق إنتفاعـهـ

ماكل هرج يمر " اذانيك " .. مسموع

اربع اربـاع اللّـي يمـرّك إشاعـهـ

لو الحكي بفلوس او شيك .. مدفوع

يمديك ضامي لـالكلام .. وسماعـهـ

ياشينها لاجاتك " همومك ".. جموع

ولاعاد عندك لـالمواجه .. شجاعهـ

وياشينها لو كان لك حق مشـروع

واقربهم لـقلبك سعى في ضياعـهـ

هذا الكلام الليّ من القلب .. مطبوع

إقرا كلام القلب وشـوف إنطباعـهـ

وإسمع ترى الجوّال ماهوب مقطوع

شغّال له أربـع وعشريـن ساعهـ




أعجبنـــــــي وحبيت أخــذ رأيكــمــ ..