[خالد ابو راس]

السلام عليكم ورحمة الله وبركاته

هذه قصيدة رثاء كتبها الشاعر مسفر ابوراس في وفاة ابن عمه خضران ابو راس الذي كان رحمه الله اخآ وسندآ لجميع افراد العائلة ، كل الشكر والتقدير لشاعر المواقف وشاعر الواجب على هذه اللفتة ونسأل الله العلي العظيم أن يسكن الفقيد فسيح جناته اللهم آمين .

[poem=font="Simplified Arabic,5,#000000,bold,normal" bkcolor="" bkimage="" border="none,6,#0061FF" type=0 line=0 align=center use=ex num="0,#400000"]
يا لله يا من كلنا تحت ظله = يا واحد كل الملا دوم ترجيه
تكف دمعآ فوق خد يهله = وتصبر المحزون كثرة بلاويه
منهو كريم غيرك ومنهو يحله = كبرالمصايب والجلل والمجابيه
صاب الفقير يالله هم وعله = من للضعيف غيرك بجرحه يداويه
لاضاقت الدنيا على العبد من له = غيرك عظيم وتزيل حزني وتنهيه
ضيعت دربي ماعد اليوم أدله = على الذي فارق وراحت لياليه
من بعد خضران الليالي ممله = ما غير أجر الصوت وابكي واناديه
وين الذي ما قد بدا منه زله = وين الرفيق اللي ب لرواح نفديه
خذه ملاك الموت واخلا محله = والله يعوضنا وعايض يخليه
لاشفت انا أحمد يظلم الكون كله = لا وا عذابي كيف ينسا ونلهيه
ياتركي اصبر وادع ربك وصله = هذا ترى المكتوب لابد نمشيه
ارضى بذا المكتوب والهم خله = واصبر ترى حزني بحزنك ولا أبديه
ماشد من طعن السيوف المسله = أجروحها عالقلب تذبح وتدميه
الا غياب النور بين الأهله = ولا غياب خضران ع هله وغاليه
يا صبرنا عالوقت جوره وذله = إلى متى ياعين وانتي بتبكيه[/poem]