[علي السبيّه]

[align=center]
العقول المستعـاره كـل ابوهـا باطلـه
كل ابوها باطله ترتـاب مثـل اصحابهـا
.
لو قرون الوعل تنفع مـا تظلـي جافلـه
ما حمت راسه ولو طول المدى يزهى بها
.
علّم اللي علّق اسمه لجل ماحـد ياصلـه
بعد ماسلّم حياته في ايد من يلعـب بهـا
.
واهموه انه عصامي وانه سيـد القافلـه
مادرى ان ابليس روحه باعها واشرى بها
.
كل منهو خيـر منـه يحاربـه ويقاتلـه
لجـل غاياتـه يكابـر والعبـاد يسبهـا
.
ما بيوصلني ولو يبصر نجـوم القايلـه
والرجاله والشهامـه مـا لفـا لدروبهـا
.
عنجهي روحه خبيثه للضغايـن شايلـه
حد عينه للبعيـد ولا انتبـه لا اقرابهـا
.
يمكن انه من بقايا الجاليـات الحاصلـه
يابا الله ماهو من اعروق الوفا وانسابهـا
.
منعمي حسّه تبلّـد منـه روحـه غافلـه
يطرد طرد الهايمي والفايده مـا جابهـا
.
كيف توثق في المخادع ماالبشر وتواصله
هرقلت روحه وعابـت واستلـذ ابعيبهـا
.
اتركه لبليـس يرعـى غايتـه ويحايلـه
والنهايه لـه جهنـم نارهـا والهيبهـا
[/align]