احساس القصيد
[align=center]مشاركة متواضعة في هذا القسم وارجو العذر على التقصير
ــــــــــــــــــــــــــــــــــــــــــــــــــ ــــــــــــــــــــــــــــــــــــ
قال مره ليش بطلت القصيد
يوم تركته وش معك من منفعه
وانت قد كانت لك احروفه عبيد
تنثره مره ومره تجمعــــــــــــه
يوم بطلته ترى وش تستفيد
ليش تسكت بعد ذيك اللعلعه
قلت باجاوبك بالقول المفيد
الشعر في راس شاعر مصنعه
مانقص مره ولكنه يزيـــــد
مثل ينبوعا تدفق منبعــــــــه
والمواقف تصقله صقل الحديد
لين يكمل والمشاعــــر تدفعه
للقصيد احساس بالمعنى فريد
يشتعل في صدر شاعر يصنعه
الهوى والحب والخل البعيــــد
تخفضه مره ومره ترفعـــــــــه
ازدياد الشوق في قلب البعيد
واغتراب الروح تتسلى معه
كم كتبت الشعر فيك ولا يفيد
اكتبه لجلك وغيرك يسمعه
اعتقادي لو تكسر منه حيد
مالقي له في حياتك موقعه
ثم تسأل ليش بطلت القصيد
اكتبه لك ثم غيرك يسمعه
[/align]
|