[خالد رجب]

يا جرح تستاهل إن العين تبكي لك
لكن يا جرح تستــاهل عيونـي تنـام
سهرتك اعوام ما طفيت قنديلك
ضويت لك خافقي وانا بعـز الظـلام
اعوام واعوام وانا ارجيك وادعي لك
واحسني مثل ما انا قبل عشرين عـام
اشرب كدر وانحني وانذل واصغي لك
واجحـدك واشيـل دونك لعنة الاتهــام
الناس يقلون وش بك ما انت في حيلك
وانا اقول إن مابي شـي وإنـي تمــــام
اكذب عليهم وانا في مملكة ويلك
إن صدقوني قهر وإن كذبوني حـــــرام
لكن يا جرح هذا من تها ويلك
اعيش في الحرب واربي طيـور السـلام
وإن قلت لي ما ابيه يجف منديلك
اقول ما عاد في عيني سحـاب وغمـام
لو إن عيني بتمطر سيل ويشيلك
ماكان لك في خفوقي فوق عشرين عام
واليوم يا جرح ما يمديني ابكي لك
انـا دخيلــك بحــق الله خلنــــي انــــــام

خالد رجب