[علي الحسني الزهراني]

جلسة نقاش حاميه الوطيس للشعراء وفي الخلفية فريق العمل يجهز لوكيشن التصوير.





*طبعا ضيعنا طريق الاستراحة وتاخرنا شوي وماشالله اخونا الشاعر علي الزهراني في المواعيد مايفاصل مخ بريطاني بالملي.. كان بيزعل علي بس بعدين رضي وتفهم الوضع... وهو الصراحه ضيعنا الطريق بسببي اخذتنا السوالف بحماس مع ابو احمد... وابو يوسف على نياته ماسك الخط واحنا سيده سيده.. اتفاجانا اننا طلعنا من حدود جدة...بس الحمدالله بعد مداولات ترضيه مع ابو يوسف وافق ورجعنا لين وصلنا الاستراحه... مع انه لو مسك خط وماوقف غير عند مقر القناة في الخفجي ماينلام صراحه... بس ابو يوسف دايم طيب وقلبه كبير.









* في الاستراحه... ماقصر نايف ابن النقيب شريف الزهراني يعطيه العافيه وصلنا للاستراحه... ووصلنا عند اخوانا علي الزهراني وعبدالعزيز المالكي كانوا ينتظرون عند عصيرات الامانة وتاخرنا عليهم... ومتاكد ان راعي العصيرات كان يدعي اننا نتاخر عليهم... لان ماقصروا الشباب شدوا حيلهم في العصيرات كاسه وراء كاسه عليهم بالعافيه.







* احلى شي في الاستراحه بعد السلام وكيف الحال... بدون مقدمات حمي الوطيس وكان الشعراء اربعه وعشرين ساعه مع بعض... نقاش جميل ورائع... انبرى الناقد الشرس على الحسني... بانتقاد الشعر الحر..

وبدفاع مستميت من الشاعر عبدالعزيز المالكي... ومداخلات من الشاعر سعيد ال منصور... والشاعر صالح بن فارس وعلي الزهراني يلطفون الاجواء اذا بدا الحماس يزيد... يقولون وفروا

هذا الحماس لالقاء القصايد والمقابلات.









رئيس لجنة الشعر الشعبي بجمعية الثقافه والفنون بجدة الشاعر والصحفي سعيد ال منصور









* الشاعر سعيد ال منصور رئيس لجنة الشعر الشعبي بجمعية الثقافة والفنون بجدة كان في مواجهة شعراءجدة... بتساؤلاتهم واستسفساراتهم حول اللجنة ودورها... في الجلسة قبل اجراء اللقاء والتصوير..

تقبل النقاش برحابة صدر... واجاب عن التساؤلات... كان نقاش مثري جدا... واصريت عليه ان يذكر ماذكره في اللقاء... حتى اني غيرت الاساله المعده من قبل على حسب ماجاء في هذه الجلسة والنقاش... نقاش جميل وشيق كنت اعتقد لو صور كان يغني عن اللقاء .





* وبصراحه كنت محضر نقد قاسي للجنة الشعر الشعبي بجدة ودورها في اللقاء مع الشاعر سعيد ال منصور.. لكن بعد تعامله الراقي ورحابه صدره وتوضيح كثير من الامور... خففت نبرت النقد في اللقاء واعطيته مساحه للتوضيح وكان صريح وجريء اثرء اللقاء بشكل جميل ووافي.





الاستاذ عبدالله العسيري و التوجيهات الاخيرة قبل اللقاء.









* لقاء ممتع وشيق... الشاعر على الزهراني كان هادي قبل اللقاء لكن اثناء اللقاء تغير 180 درجه طلع الوجه الثاني.. تصريحات ناريه ومثيره باسلوب ممتع وسلس... كان صريح بكل ماللصراحه من معنى... شاعر يقول انا هنا بس وينكم عني.





الشاعر عبدالعزيز المالكي يعجبك هدوءه وروقانه...بتصريحات ناريه رايقه... حتى لو ينتقدك نقد قاسي صعب تزعل منه... يعطيك انطباع خلال اللقاء في الوقت الي يتحول السوال للشاعر علي الزهراني انه ممكن يكتب قصيده في نفس الوقت... عايش دور الشاعر بكل تفاصيله يتكلم شعر.... ومتسامح مع نفسه لابعد الحدود وماوده يزعل احد...



والشي الاجمل اثناء القاء القصايد تفاعلهم مع قصايدهم باحساس ورقي جو ثاني... ابدعوا بقوه... وفي تناغم جميل بينهم... على مبدا ( شد لي واقطعلك)... تحس انك جالس في جلسه ودردشه اخويه ... مر اللقاء بسرعه بدون تقطيع والحمدالله رغم الوقت الطويل للحلقه.






الشاعر عبدالعزيز المالكي... الشاعر علي الزهراني... صالح الحامد... اثناء تصوير اللقاء
















يتبع.....[/quote]