[جندب المالكي]

خارج التغطية





[poem=font="Simplified Arabic,6,#000000,bold,normal" bkcolor="#0097FF" bkimage="" border="double,4,#FF0F00" type=0 line=0 align=center use=ex num="0,#400000"]
يا هل العرف عندي قصتن شاب منها الراس شاب=





قصتن واقعية صدق ما هي بشيـن مـن خيالـي=





قصتـن بذنـي اتوحيتهـا مـن فتاتـن مبتـلاه=





واول القصة اني كنت يالربـع بالسـوق اتسـوق=





الا وانا انظر البنتن تروح وتجـي وبـلا حجـاب=





واستمرت قرابة ربع ساعة وهـي تمشـي تدلـع=





وتكسـر وتتبختـر وتعـرض مفاتـن حسنـهـا=





قلت يا بنت هذا الفعل فـي ديننـا شيـن محـرم=





وان مـا تفعلينـه مـا يليـق ابفتاتـن مسلمـة=





غير يابنت من ذ الساعة استغفري ربـك وتوبـي=





قبل تنزل من المولـى عليكـي عقوبـة عاجلـة=





لن ما تفعليـن ايعـد بلـوى لخلـق الله وفتنـة=





وانتي الفاتنة والفتنة اكبـر واشـد امـن القتـال=





قالت انا ضحية لنشغـالات ابـوي وغفلـة امـي=





مع وجـود الامـور المغريـة وانعـدام التربيـة=





غير ابا اعلمك ياشيخ واقص لـك قصـة حياتـي=





لاكن ارجوك تصغي لي وتنصت وتسمـع بهتمـام=





من وانا طفلتـن وانـا بيديـن خدامـة وسايـق=





وانته اكيد ما يخفـاك خبـث الخـدم والسايقيـن=





اما ابويه فعايش بيـن لبنـان وامريكـا واروبـا=





بين صفقات الاستيراد وايجـاد بعـض المنتجـات=





مرة امقيم في بيروت واحيان في لنـدن مصيـف=





وافضل ايام عمره لا قضاها بجـزر المـا لديـف=





وامي امولعه بالفـن ومواكبـة صيحـات الازيـا=





وانشغالن بحفـلات التعـارف وحفـلات الزفـاف=





شغلها الشاغل الصاق التهم بالدعـاة وبالمشايـخ=





والتطاول على كـل القيـم والثوابـت والاصـول=





لوثو فكرها اصحاب الضـلالات ودعـاة التفسـخ=





زمرة الغي والتضليل والفسـق واهـل الانفـلات=





واصبحت تدعي العالم بدعوى التحضـر والتحـرر=





والهدف ياوسيع العـرف بـث التميـع والسفـور=





واخوتي ياوسيع المعرفة كل واحـد فـي مدينـة=





ما نشا هد بعضنا غير فـي عيـد ولا فـي زواج=





والحقيقة ان الاسرة كلها غارقة في بحـر الاهـوا=





والسبب كله الاعراض عن منهج الديـن الحنيـف=





وانا في ضل كـل اللـي ذكرتـه وبينتـه وقلتـه=





صرت ياشيخ لا اميز ولا اعرف حلالن من حـرام=





واصبح الجو للسايق وللخادمـة صافـي ورايـق=





لين قامو بتعويدي علـى كـل اساليـب الضيـاع=





انشئوني على الجـوال والنـت والبـث المباشـر=





والتقاط المشاهد عبـر شيـن يسمـى البالتـوث=





واهتويت التكشـف والتعـري وتخصيـر العبايـة=





والتسكع في الاسـواق واللعـب بقلـوب الرجـال=





واجبروني على الوشم المحرم وتنميص الحواجب=





والتعود على لبـس القصيـر ولبـس البنطلـون=





صرت ما انام ولا استيقظ الا على صوت الموسيقى=





وانجرافن ورى بعض التفاهات والـوان المجـون=





دوم اشجع زميلاتي على الغـي وادعـو للتبـرج=





وانتقاص الحجاب وكل من هي تمسـك بالحجـاب=





غير ياشيخ من ذالحين ابا اتوب انا توبة نصوحة=





واسأل الواحد اللي يقبـل التـوب يقبـل توبتـي=





لاكن ابغى تحذر مجتمعنـا السعـودي والخليجـي=





بل والاسلامي امن امخططات النصـارى واليهـود=





وانذر المجتمع ياشيخ من بعض كتـاب الصحافـة=





واجتهد واجتهد في نصح الاباء ونصـح الامهـات=





وانتهى العلم والموضوع يالربـع قصـة واقعيـة=





قصتـن واقعيـة صـدق واليـوم هـاذا نصهـا=





[/poem]
جندب المالكي (القادم)