[عبدالرحمن العمري]

[align=center]بسمـ الله وحدهـ
السلامُ عليكمـ و رحمة الله
من جديد /:
نصوص خارجَ ــة ٌ عن المألوف !![/align]

قلت 000

[poem=font="Simplified Arabic,5,darkred,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
على الله يا هواي اللي رموك المرجفه بالزور= تعبت ابني واشوفك من عوابر حكيَهم تنهار
عرفتِك عاقل ٍ لا شاف شيّ ٍ ما يْسرّ يْدور = عطى ظهره وجيه الباطل المجنون واهل الزار
و لكنّي تركتك بعْد ما مِلت و بديت تمور = تبدّل طبعك اللي كنت من نفسي عليه آغار
نهارك و ابتدى لكن نهارك ما يجيب النور= مدامك تحسب اني ليل واحلامي بْوصلك نار!!
زرعت وْ ما حصدت الا عناك و خاطر ٍ مكسور= و لو كان العذر يجبر مُصابك ما ذخرت اعذار
مَلَكتك بالعدل و انت الذي لا من ملكت تجور = عطيتك و انت ما تحشم عطاي و لا تقدّر جار
تبيني بالخفا نزوة مشاعر وانت مالك سور = اجل وش في يدينك لا وقفت و عاتبتك انظار !!
خطا يا صاحبي يكبر طموحك في لبن عصفور= يجي لك يوم و يزول الطموح و هو بعَد ما صار
و انا مانيب لعبه في يدك ترمي بي المحظور= متى ما طاب لك دور البراءه جيتني بادوار !!
اسامح لنّي آحبك و لاني عَ الخطا مجبور = و ازيّن صورتك عند القريب و مبعدين الدار
تجي و همومك اثقل من طويق و منكبَك معذور= لو انه ما حمل عنك الهموم و حيّرَك و احتار
و لكن ما تروح الاّ بعزّك ما عليك قصور = تودعني و كني في نظر عينك مسحت غبار !!
كظمت و قلت من قلبي عسى باكر يجيك الدور= واشوفك تجزي المعروف بالمعروف لو قنطار
و اثاريني رجيت المجدبه تثمر ( جهل ) و البور = و سايَرت الظنون اللي بنت لك داخلي مقدار
رغم هذا و ذاك ارخيت لك ستر العتب مقهور = و حمّلت الوفا كلّ الخطايا و اجتنبت العار !!
طرى لي لو تخون و قمت لا غادر و لا مغدور = اسلّي خاطري بالموعد المقبل و المّ افكار
خساره ليتني طاوعت عقلي وقتها و الشور= و لكن قدّر الله اشتقي بك لآخر المشوار
و انا من كثر ما عدّيت غلطاتك حفظت الدور= و صرت اليا سألت شلون حبّك قلت لك تختار !!
تبي تلعب تبي تتعب تبي تجمع به المنثور= وش اللي خاطرك فيه و يجيك من الكرم لَ الثار
تدلّل لا يردك عن هواك الاّ زناد يثور= أهدّ الصعب لعيونك و قلبي تعرفه لا ثار
غدى بي حسن ظني لين ورّدني ورود العور = اشوفك كامل ٍ و النقص من زولك يسيل انهاار
خلاص اللي مضى يغني عن المقبل و انا مشكور =لأني كلّ ماجبت الخطايا جيت لك باعذار
على الله خلهاا.. مانيب اعاتب خاطر ٍ مكسور = لو انّك تحتِمل بعض العتب ما قلت لي وش صار [/poem]
[align=center]و سلامتكمـ[/align]