,
إهمالي لك .. خلّى برودك .. ينتظرني ؟!
والفراغ ؟!
الفراغ اللي ورى صوتك ..
بعد كلمة أحبّك ؟!
لحظة انّي ..
كنت اصبّك !
في عروقي , و ارتوي ..
وانتي تزيدين العناد !
آتقهواني معك .. وانتي البعاد !!
وآتصبّر ..
آتصبّر لي متى ؟!
يا قوّ قلبك !
و انتي من بعد الفراغ اللي صنعتيه ببرودك ..
باردة !
:
قِل فراغ !
والفراغ أشْيَن من انّه يحتريني ..
قل تعب !
و التعب عمره طويل , أرْبَك سنيني !
ايش طيّب ..
شعر ؟!
غصب و الا طيب .. شاعر
ما كفاني الوقت شرّه ..
قلت يا حظّي .. " بَلَشْنِي " !
كيف اقلّب عين ما شافت عيونك .. ؟
وافـ/ رفوف الذاكرة :
ذاكرة شابت .. بذكرى عاهرة !
قلت ادوّرني بـ/ فراغك ..
واشتعلتك ليل .. بارد !
ليل .. يا عزّ الخوي ..
عطني سيجارة :
للهدوء .. اللي سكن كلّ الفراغات بـ / كياني
............. للسما , للون الأزرق في الشوارع و البيوت !
فلسفة ! و اكتب مزاجيّة فراغ و شخص ثاني
............. اِنحدارات و صعود , و تيه في صحراء موت !
اِيْ مزاجي .. ما افتكرني غير انا و الا زماني
............ راح للرف البعيد , اوزيت همّي بطن حوت !
و قبل لـَ / الفرصة تفوت ..
قلت أموت ..
قلت أموت ..
يمكن القاني بدونك !!!!
لـ ...
سرحان الزهراني