((البارت السادس والعشرون))
من تحداني في حبك أقبل تحديه
ولو فكر يشاركني فيك
والله ..
من الأرض لأمحيه"
بالمدينه
فراس: هاه يمه بشري عجبتك مشاعل
امه: أي والله مشاء الله تهبل ...اخلاق وجمال وتربيه
ابوه: الحمدلله على كل شيء بس جهز نفسك لازم تشد حيلك حنا قلنا الزواج بعد شهرين
فراس: من بكره بابداء بالترتيبات
امه: الله يوفقك ياوليدي
ببيت فارس
ابتهال: ايه وحددوا الزواج
فارس: الله يوفقه فراس يستاهل كل خير
ابتهال: وانت صادق ..الا تعال ماتدري عن ملاك ويش اخبارها
فارس: بخير الحمدلله امس قال لي عبدالله انها كلمتهم وهي الحين باسبانيا
ابتهال: مشتاقه لها
فارس: اجل لو تشوفين عبدالله وثامر ومضاوي ...متاثرين بغيابها مره
ابتهال: اكيد هم اللي معاها بالبيت
فارس: الا تعالي ...ويش رايك نروح عندهم هالحين تلاقين مضاوي ميته طفش
ابتهال: الحييييييييييييين
فارس: ايه الحين
ابتهال: اوكي يالله
بالرياض
ماجد: وحشتيني ياديه وينك منقطعه عني
فريده: والله منشغله ..
ماجد: ويش اللي شاغلك عني
فريده: لالا مني بقايله لك
ماجد: افاااااااااااااا ليه ...ويش مسوي لك
فريده: لالا بخليها لك مفاجئه اذا شفتني
ماجد: ياحسره متى اشوفك انتي قلتي ماتبين تشوفيني
فريده: مالك الا اللي تدق عليك وتقول لك تعال ابي اشوفك
ماجد بتامل: ومتى ان شاء الله
فريده: مالك خص
ماجد: شفتي شلون ..توك تقولين بتدقين ..ومدري شنو
فريده: مجوووووود خلاص قلت لك مفاجئه
ماجد: نشوف مفاجئاتك يابنت راشد
بالغرفه الثانيه
فاديا (( من جدي انا احبه ..وليش هو بالذات ...يمكن اعجاب لااكثر بس ماتوقع شاغل بالي من اول ماشفته آآآآآآآه والحل الحين هو بديره وانا بديره واكيد ماهو داري عن هواء داري ...تردد على اذنها
((كل الناس تحب الا انتي ...من اللي داعيه عليه امه ويحبك ))
((فاديا مستحيل تحب وتنحب اصلا ماهو لايق عليها الحب ...يخب عليها ))
((فاديا تكفين مو لايق عليك كلام الحب ..اسكتي بس ))
فاديا((ليش ..ليش انا اللي ما احب ..ليش مانعه نفسي اني احب ..آآآآآآه بس حتى لما حبيت حبيت واحد مافي امل انه يدري اني احبه ))
بالمدينه
كان منسدح على سريره وحاط يديه وراء راسه ...ويتذكر شكلها لما دخلت عليهم بالغرفه ..بنعومتها وجمالها
عبدالله(( اممممممممم فاااااااااااااااديا ...فديتها ياناس طيب كيف اوصل لها معقوله بترضى فيني وانا موظف بسيط مستحيل اعيشها مثل عيشتها ببيت اهلها بنت عز بترضى بواحد عادي اكيد بترفضني لا المستوى المستوى والفرق شاسع بيني وبينها انساها احسن ...لان حدي احلم فيها ..انقلب على الجهه الثانيه
عبدالله ((ليش الياس ..ملاك اخذت اللي تبي واللي تحبه لانها كان عندها امل ..وانا بعد اجرب ليش لا يمكن البنت مايهمها المستوى المادي ...مافي طريق الا ملاك هي اللي اقدر اوصل منها لفاديا ..)) دخل ثامر
ثامر: يابو الشباب انزل تحت ترى فارس تحت
عبدالله: غريبه ويش جايبه الحين
ثامر: انزل وتعرف
بالمجلس مضاوي وابتهال
مضاوي: حياكم الله
ابتهال: الله يحيك كيفك يا مضاوي ..وشلونك مع البيبي
مضاوي: الحمدلله زينه ..تشوفين والله اني اتعب شوي بس الحمدلله على كل حال
ابتهال: الله يكون بعونك ...ويقومك بالسلامه
مضاوي: اميييييييييين....الا ويش جايبكم هالحزه
ابتهال: ليش لايكون ضايقناكم
مضاوي: لا والله بالعكس ...كنت ميته طفش والله بعد ملاك البيت صاير كئيب
ابتهال: والله قال فارس خلينا نروح اكيد طفشانين ..وانا مع الخيل ياشقراء
مضاوي: هههههههههههههههه ...والله احسك انتي وزوجك مهبل
ابتهال تتخصر: باللــــــــــــــــــــــــــــــــــــــــــــــ ــه
مضاوي: احسكم بزارين ..حتى حركاتكم ماتقولين كبار
ابتهال: ياشيخه ...كذا مبسوطين وفالين ابوها
مضاوي: الله يتتم عليكم هالهبال
ابتهال: قولي انك حاسدتني ...
مضاوي: ياربي احسدك على ويش ياربي لك الحمد
ابتهال: ههههههههههههههههههههههههههههه على الهبال
مضاوي: اصحاب العقول براحه .
باسبانيا
ملاك: فيـــــــــــــــــــــــصل ..فيصل يالله قوم
فيصل : ابي انام ..اتركيني ....ترفع عنه البطانيه
ملاك: قوووووووووووم انا طفشانه
فيصل يلف عليها: حرام عليك ابي انام تعبان
ملاك تغطيه وتافف: طيب نام ...وطلعت من الغرفه زهقانه وطفشانه ..جلست تقلب بالقنوات كلها اجنبيه ..وماتدري ويش يقولون طفش من التلفزيون ..طلعت على البلكونه تتامل المدينه بالليل ..حركه الناس ..والهدوء وقطرات المطر اللي تلطف الجو والاضواء الرومنسيه ..
ملاك: الجو يجنن ... تحس بمشاعر غريبه مشاعر فرح وامل ..
اخير فيصل صار معاها وطول العمر احلوت الحياه بعينها ..شافت السعاده بين يديه تتمنى ماترمش عينها لحظة ويختفي عن نظرها في ذيك اللحظه هو الماضي والحاضر والمستقبل في حياتها هو النظر لعينها هو النبض لقلبها تشتاق له حتى وهو معاها
ملاك: أناالجـــنون بحد ذاته وصلته0
أصل الجـــنون هيام عاشق بمعشوق00
إحساس لك في داخلي لووصفته0
يعجز لساني مايعــبر بمنطوق00
وتبي الحقيــقه آخر الحب خفته0
خـوفي من الله لاأعبدك وأنت مخلوق.
كان واقف وراها بهدوء يطالعها بحب وهيام ..فرحته ماتسعها الدنيا كلها بوجودها بجنبه ومشاركتها له حياته مستعد يموت لجلها وحبها بقلبه يكبر كل ثانيه اكثر .....جاء وراها وحط راسه على كتفها ويده على خصرها
فيصل: مـن قـدك المـلـح خـالـك
والحـلا عـمـك ...
والحـاجـه اللـي عـلـى [ بـالـك ] تـسـويـهـا
والـزيـن كـاسـيـك مـن كـمـك اللـي كـمـك
هـبـلـت بـ / الـنـاس قـاصـيهـا ودانـيـهـا ... }
وانـا عـلى هـم وقـتـي شـايـلـن هـمـك
وازعـل الـنـاس لـ ’ عـيـونـك , ولا أرضـيهـا ..!
عجبها كلامه ..وابتسمت له
ملاك: من قدي وانت اللي بجنبي ..
فيصل: أي والله من قدك وفصووووول بجنبك
ملاك: بس لاتصدق نفسك ..وتخرب علىالرومنسيه
فيصل: ماني مخربها تعالي ندخل هنا برد ..دخلوا..للصاله وجلسوا على الكنب
ملاك: تبي كابتشينو
فيصل: ياليت والله
ملاك: لو تكرم عينك ..كم فصووووول عندي ..باستها على خده وراحت للمطبخ
فيصل ميت عليها وعلى دلعها : ياويلي انا اموووووت فيها ياناس ..اعشق التراب اللي تمشي عليه احبــــــــــــها ...احبهــــــا ..وسمعت ملاك كلامه ..وهي بالمطبخ
ملاك: هههههههههههه ..رفعت صوتها وتقلده ...ياويلي انا اموووووووووت فيه احبـــــــــــــــــــه
فيصل: اقول لاتخليني اجيكي الحين ..
ملاك: لالا خلاص توبه ...وكملت شغلها ..اخذت الكاستين ..وطلعت له بالصاله جلست بجنبه
ملاك: تفضل ياروحي
فيصل: تسلم يدك ..
ملاك : الله يسلمك ..مطرح مايسري يمري
فيصل يطالعها: ويش فيك اليوم شكلك رايق ..وعلامك محوله سوري
ملاك: سوري لبناني فنساوي ..لعيونك اصير بكستاني ...مات ضحك عليها
فيصل ياخذ له رشفه: والله ماني صاحيه فيك شيء بس الله العالم وشهو؟؟؟
ملاك: ليش ماتدري ويش السبب ؟؟
فيصل: لاوالله ...قولي ويشهو؟؟
ملاك تغمض عيونها وترجع على ورى : لانك معاي
فيصل: كل هذا بسبة اني معاك ..
ملاك: أي والله
فيصل: ياعسى مانحرم منك ابد
ملاك: ولا منك ...سكتوا شوي ..
فيصل: ملاك ..
ملاك : هلا عيوني
فيصل: غني لي ...
ملاك: طيب ...قامت تغني له ...بدلع وغنج
. . إنسِـِـِى العآلِـِم ?لہ إنت بين أحضآني
إنت بدنـِـِيا جميلہ إنت بعـِـِآلم [ ثآنـِـِي ]
عآلم كـِـِلہ مـِـِحبہ لـِـِونتہ [ . . بحـِـِنآني
غمـِـِض ع ‘يون? و آس ـِـِرح في عـِـِآلم / إح ‘سآسـِـِي. . }
فيصل يضمها لصدره: وه وه وه ياقلبي ..والله اني انسى الدنيا كلها
ملاك: فيصل ...تحبني
فيصل يمسك يدها: وعندك شك بحبي لك ..المفروض انتي ماتساليني ابد لاني اهواك يا ملوكتي اهواك
بعد ثلاث ايام ..سافروا لتركيا بعد جولتهم باسبانيا
ملاك: نتحمسه لتركيا مرررررره
فيصل: ويش معنى تركيا
ملاك: مدري احس جوها وطبيعتها احلى بكثيرررررر من اسبانيا
فيصل: مو شرط يمكن ماهي حلوه
ملاك: انت رحت لها من قبل ؟؟؟
فيصل: ايه لما كنت بثالث ثانوي
ملاك: اممممممم وكيف حلوووووه
فيصل: انتي بتشوفين
ملاك: عاد لا اوصيك ابي الفها لف ابروح كل المناطق مابي اخليها بقلبي
فيصل: ولا يهمك والله لا ادوخك اصلا ياكثر الاماكن السياحيه فيها ..والا الحدايق والاسواق الشعبيه خطيره
ملاك: وااااااااااااااااو حماااااااااااس احس اني بانسجم هناك
فيصل: طيب نشوف يا ملوكتي بتعجبك او لا
بالمدينه ..وتحديدا بالمستشفى
فراس: سامي الحقني على غرفه العمليات
سامي: الفريق كلها هناك بنتظرونك مع الدكتور سعد
فراس: اوكي اجل ..بروح ..وهو رايح لغرفه العمليات
مشاعل: فراس ..فراس
فراس: هلا
مشاعل: بغيتك شوي
فراس: الحين عندي عمليه مستعجله اول ما اخلص اكلمك اوكي
مشاعل: اوكي ...وراح فراس للعمليه
مشاعل: كل ماجي اكلمه يكون مشغول ويش ذا اوووووووف ..ورجعت لمكتبها
منال: شعوله ..شوشو
مشاعل: نعم
منال : وي وي وي ..ليش مكشره
مشاعل: ابي اكلم فراس ..وكل ما اجي اكلمه يكون مشغول
منال: من ذحين ..المفروض تكونين متفهمه هو دكتور ..راي طبيعه عمله
مشاعل: انا مقدره عمله ..وانه دايم يكون مشغول بس ودي اكلمه من متى ماكلمته من فتره طويله
منال: انتي اختاري اوقات مناسبه يمكن ماتفضين الا بالوقت اللي هو يكون مشغول فيه
مشاعل: يمكن ..على قولتك بحاول ادور لي وقت مناسب
ببيت ابو فراس
ام فراس: مبرووووك يا يمه مبروك
ابتهال: مبرووووك يا وصوفه
وصايف : بس انا ما ابي احمل الحين
امها: ويش ذا الكلام يا يمه اتقي ربك هذا رزق من رب العالمين
ابتهال: احمدي ربك ..فارس ميت واحمل ..وانتي وماتبين ..صدق دلع بنات
وصايف : بس مشاري صغير لسى
امها: ولو ..يابنتي في ناس محرومين من هذي النعمه
وصايف : الحمدلله
ابتهال: اتقي الله وعيب عليك تقولين ذا الكلام
بالرياض
فاديا: والله طفش يافريده
فريده: ماتحسين اني نحفانه
فاديا: والله لو انك مسويه ريجم سنه ماكان نحفتي بهالسرعه
ريده: بالله فدووووي قولي الصدق
فاديا: نحفانه بس مو كثير
فريده: يعني ماجد اذا قابلني بيلاحظ
فاديا: على حسب ملاحظته
فريده: مالت عليك وعلى اللي يستشيرك
فاديا : ماحد قال لك تاخذين رايئ
فريده : الشرهه علي اللي جايتك
فاديا: اقول تراني بحجز بحفلة حسين الجسمي واصاله
فريده: احجزي لي معاكي
فاديا : اوكي ..بروح احجز من النت
فريده: سيو ..وطلعت عنها ورجعت لغرفتها
بتركيا
ملاك: واااااااااااو يافيصل تجنن
فيصل: بعدك ماشفتي شيء
ملاك: احس المناظر رومنسيه
فيصل: اجل خلينا نتغداء ونرجع ننام كم ساعه واطلعك باليل عشان تشوفين الرومنسيه صح
ملاك: اوكي يالله ...راحوا اتغدوا ورجعوا ناموا
بالرياض
لمياء: ناصر حرام عليك تسوي فيه كذا
ناصر: يابنت الحلال العب معاه
لمياء: كذا تموته مو تلاعبه
ناصر : لهدرجه تخافين عليه
لمياء: ايه مو ولدي اكيد بخاف عليه
ناصر: طيب ..طيب لا ترجيني خليني اعيش الجو مع ولدي
لمياء: ياويلك لو يبكي ترى بخليك انت تسكته وتنومه
ناصر: ابشري على هذا الخسم ..بس خليني العب معاه
لمياء: مالت ..عليك ..بروح المطبخ جوعانه ....وراحت للمطبخ
ناصر: ههههههههههههه شفت ياعزوم ..كيف خليت امك تعصب ..حريم ماينفع معهم غير العين الحمراء ..وعزام يبتسم كانه فهم ابوه
ناصر: يازين اللي فهم ابوه وشاركه بالحش في امه ..خخخخخخخخخخخخخخخخ
اما ببيت ابو عبدالكريم
امال: اااااخ يالقهر ..اخ ...
هند: للحين مقهوره من زواج فيصل ...
امال: شيء يرفع الضغط
ديما: ترى فيصل له شهر متزوج وانتم للحين مقهورين
دانا: انتي اسكتي ما ابي اسمعك يالمصلحه الاجتماعيه
هند: قاهريني العايله كلها قاهرتني ...وعلى راسهم ذي فاديا ..
كوثر: خلاص تناسوهم الواحد ماياخذ غير نصيبه
اشواق : وانتي ياهند البنت صارت زوجه حماك ..يعني غصب والا طيب بتشوفينها
هند: بشوفها ..على الطبيعه بدون سمكره ...ايه اكيد ان الحلا مفارقها ..والمكياج عامل عمايله
الكل: يمكككككككككككككككككككن
ساميه: مصيرنا بنشوفها ...طال الزمان او قصر ...
دانا: اللي زايد قهري منها ان فيصل ميت عليها ويش فيها زود عنا
هند بحقد : الحــــــــــــب ..ياحبيبتي ..الحب ..يسوي اكثر من كذا
دانا: يعني ماحب غيرها
امال: يابنات غيروا هالسالفه لوعتوا كبدي ..ماصارت
كوثر: على قولت امال ماعندنا سيره غير فيصل وزوجته اللي ماندري عنها
اشواق : خلاص ..طلعوا سالفه ثانيه
بجده
جود: ملاك من اول ما اتزوجت ..ماسمعت صوتها
شذى: خليها ..مع حبيبها ..اللي عانت لين تزوجته
لوجين: ماتوقعت انها تتزوجه ولا خطر على بالي ابدا
جود: ولا انا بس اثبت انه يحبها
لوجين: الحمدلله حبهم ماصار ماضي
شذى:يالله مشتاقه لها ..
جود: ويش رايكم نكلمها الحين
لوجين: بس هي مسافره
شذى : ولو خلونا نكلم القاطعه ...ودقوا على جوالها ...كانت لابسه ومتجهزة بتطلع هي وفيصل يتمشون الساعه 8 ....
فيصل: يالله ياملاك
ملاك: لحظة بالف الطرحه ...((طبعا لانها خارج السعوديه تحجبت ..بعد طلب فيصل منها ))
فيصل: ماصارت ..يالله تاخرنا
ملاك: فيصل ويش فيك صبرك علي شوي ....خلاص خلصت ..ودق جوالها ..
فيصل: وقته الحين ..
ملاك: ياربي عليك ..فيك استعجال مو طبيعي ...سحبت الجوال من الكومدينه ..وشهقت ..: لــــــوجين
ملاك بلهفه: اهليــــــــــــــــــن وسهلين ...جـــوجــــــو
لوجين: اخبارك ..يا دووووووووووبه
ملاك: بخير ..اخبارك انتي ..ويش مسويه
لوجين: تمام ...نحمده على كل شيء
جود: كيفك ميمي
ملاك: هـــــــــــــــلا جودي ...شخبارك ..والله مشتاقه لكم مره
شذى: واحنا اكثرررررررر
ملاك: مجتمعيــــــــــــــن
الكل: يــــــــــــــــــــــــس
ملاك: يا بختكم ..لاتحسرون فيني ..
لوجين: ياعمي روحي اصلا مانتي سائله فينا
شذى: من لقى احبابه نسى اصحابه
ملاك: لا والله ما انساكم ابد
جود: اجل زورينا
ملاك: اكييييييييييد ..بس ارجع والله لا ازوركم
فيصل: ملوكه يالله ياحبي وربي تاخرنا
البنات: ههههههههههههههههههههههههههههههههه
ملاك: ويش يضحكم
لوجين: ملوكه ياحبي ...حركااااااااااات ..والله هالفيصل خطير
ملاك: ههههههههههههههههههه توك تدرين ..
جود: لسى تحبينه
ملاك: قصدك اعشقه مو احبه
فيصل طير عيونه فيها : مين اللي تعشقينه ؟؟؟!!
شذى: بليزز ملاك حطي سبيكر نبي نكلمه ...حطت سبيكر
شذى: يا اهبل في احد غيرك مهبل فيها
فيصل: هههههههههههههههههههه ...بهذي معاك حق
جود: يالله على الثقه ...
لوجين: واااااااثق بزياده فصووووووووول
فيصل: اكيد واثق ..
ملاك: بس يالله انتم وهو تراني اموت غيره
شذى: من حلاته عاد تغارين عليه
ملاك: شذاوي ..لاتخليني اطلع لك ..ترى ما اتردد بذبحك
جود: بس بس ..ماقالت شيء ..على ويشب تذبحينها
ملاك: طيب شغلكم عندي ..بس اقابلكم
فيصل: ترى اخرتونا ..يالله اقفلوا الخط
لوجين: زوجك مايستحي ..وبعد يطردنا
ملاك: هههههههههههههههههه تستاهلون
شذى: شكلكم بتطلعون
ملاك: أي بنطلع
جود: لا نوصيك بالهدايا
ملاك: مرررره بس ..حشوا فيني وبحبيبي ..واطلبوا هدايا ..قابلوني اذا شفتم مني ريال واحد
البنات: بخيــــــــــــــــــــــله
ملاك: عاد انتم الكريمات ...يالله عاد ..اسكتوا بس
لوجين: اقول ..اذلفي عند زوجك ..والله لو طولنا دقيقه بس ..راح يجينا لجده
ملاك: اوكي ..اذا رجعت ومانمت اكلمكم بااااااااااااااااااي
البنات: حلوه الطرده ...باااااااااااااياااااااااااااااااااات ................قفلت منهم
فيصل: صديقاتك
ملاك: ايه اللي كانوا معاي بجده
فيصل: وانا اشوفهم ماخذين وجه وبزياده
ملاك: يالله قلبي ..تاخرنا ..
فيصل يفتح لها الباب : تفضلي ..يا ملوكتي
ملاك: زاد فضلك ....وطلعوا يتمشون ..واتعشوا ..
بالمطعم على طاوله العشاء
ملاك: اكلهم ماصخ ..ماله طعم
فيصل: المضطر يركب الصعاب ...الا ويش رايك تطبخين لنا بالبيت
ملاك فتحت عيونها: اطبخ ....انا اطبخ !!!!!!!
فيصل: ايه تطبخين ..ويش رايك
ملاك: لابالله احلم بس ..تراني بعدي عروس ..والا نسيت ياعريس
فيصل:لا مانسيت بس انتي مايعجبك شيء ..وقلت اقترح عليك ذا الاقتراح
ملاك: تكفى فكني من اقتراحاتك اللي مالها داعي
فيصل: قومي قومي ..طلعنا ..شكلك ناويه على شر ..
ملاك: اسئل نفسك ناويه على الشر ليش ؟؟؟!!!
وطلعوا يتجولون بالشوارع ..الى نص اليل ورجعوا الفندق وناموا
بالمدينه ..
ثامر: اقول عبيد
عبدالله: نعـــــــــــــــــم
ثامر: متى ناوي تخطب وتفكني
عبدالله يطالعه : انت ليه تبي الفكه مني ياخي ؟؟؟
ثامر: ابي اشوف مستقبلي ابي اخطب ..واتزوج مليت من العزوبيه ..وانت ما مليت؟؟؟
عبدالله: لا والله ما مليت ..بالعكس احسن الواحد يتزوج وهو باخر العشرينات
ثامر: هيه يابو الشباب لاتظن انك صغير فراسوه اللي اصغر منك تزوج تراك بــ 29 وبتصك الثلاثين عن قريب ..يعني الحق على عمرك قبل يعيفونك البنات
عبدالله: الحمدلله اللي يشوفني يعطيني 26 ومو باين ان عمري 29
ثامر فقد الامل: يعني ماعندك نيه حتى لخطبه
عبدالله: لاوالله ماعندي لسى مالقيت البنت اللي تناسبني
ثامر: اجل بكلم ابوي يخطب لي
عبدالله: طيب في بالك احد معين
ثامر: لاوالله ..بس ويش رايك بريم بنت عمي ..تعجبني مؤديه وخلوقه وهاديه فوق ذا انثى رقيقه
عبدالله: خخخخخخخخخ انثى رقيقه اوما عاد عليك مصطلحات تصرع ضحك
ثامر: عبيد ووجع ترى اكلمك جد ما انكت معك
عبدالله: والله الراي رايك والشور شورك ...وبنت عمي ماعليها قصور
ثامر: اجل بكلم ابوي يخطبها لي
عبدالله: بالتوفيق ..ورجع للاب توبي قراء الاخبار
ثامر بنفجر من برود عبدالله: ياخي حس قول ويش معنى العالم كلها تتزوج وانا لا
عبدالله: الله يرجك ..ماصارت ماابي اتزوج غصب الزواج
ثامر: الشرهه علي اللي خايف عليك من العزوبيه ..انت حر مالت عليك أي والله ..وراح لابوه
ابومحمد: هلا ياولدي
ثامر: يبه ودي اكلمك بموضوع مهم
مضاوي: اجل انا بروح الغرفه
ثامر: لالا يامضاوي فهمتيني غلط ..بالعكس انا ابيك بعد تسمعين كلامي
ابومحمد: ويشه الموضوع المهم ياثمور
ثامر: ابيك تخطب لي
ابوه: اخطب لك ؟؟؟ بس بدري عليك
ثامر: يبه تراني مو بصغير وهذي السنه اتخرج
مضاوي: حاط عينك على بنت معينه
ثامر: لاوالله بس ودي بريم بنت عمي ابو سلطان
ابوه فرح: ونعم الاختيار ياوليدي ..ريم ماتلقى مثلها بين البنات
ثامر: يعني خلاص ارتاح
ابوه: ايه ارتاح ..واخوي انا بكلمه
ثامر: الله لايحرمنا منك يا يبه ويخليك لنا ...وطلع لغرفته
ببيت الجده
سطام: لا ياشيخ ..ومتى ررت هالقرار
بدر: لي شهر افكر ..واستخرت ..واحس اني مرتاح
سطام: ويش رايك يمه بكلام ولدك
الجده: والله مناي اشوفه متزوج بس اول شوف العروس ويش رايها وويش راي اهلها
بدر: انا بكلم سلطان ..واقول له اذا موافقين بخلي الزواج بالاجازة الجايه
سطام: قصدك اجازة العيد
بدر: ايه عيد الاضحى ..عشان بعد يكون للبنت وقت تقضي فيه
الجده: زين حنا لسى تونا باول الاجازه والصيف انا ماعندي مانع بس كلمهم
بدر: يصير خير
بالرياض ..وبالتحديد بيت ابو فادي
ام فادي: خلاص اجل يابو فادي انا برتب كل شيء
فاديا: بس يا يمه خلي العزيمه بعد جيتهم باسبوع عشان يرتاحون
ابوفادي: وهذا اللي بيصير
فريده: يعني خلاص ..اكدووعلى العزيمه
امها: ايه ..هذا فيصل وزوجته ..اكيد بسوي لهم بعد احلى عزيمه
فاديا ((ياسلاااااااام الحين اقدر اقهر بنات عمي ...هين يادانا انتي وساميه وامال والزفت هند شغلكم عندي )
فريده: يمه لاتنسين لازم نعزم اهل ماجد
ابوها يضحك: هذا المهم عندك يا فريده؟؟؟؟؟
فريده حمر وجهها وماردت على ابوها
فاديا: ماعليك بها بيه ماعندها سالفه ...مزعجتنا بهالماجد
امها: عيب تقولين كذا الولد محترم ..ورجال
فاديا: ماقلت شيء ...كل ذا عشانه زوج الهانم هذي
فريده: فاديوووه ..احسلك انطمي
فاديا: انا الخبله اللي حجزت لك معي بالحفله...مالت عليك ..وراحت لغرفتها
فتحت الاب توب ..وتفرفر بين المنتديات ..وملت ..وقررت انها تدخل شات ..وتسولف وتضيع طفش دخلت بنك ((قلت للدنيا برب قالت لي تيت خفت اعطيها بلوك تعطيني دلييت ))
فاديا : ياربي كئيبين سوالفهم بايخه ...ياكرهي لهم ..الحين العب فيهم ...وماقصرت بالسب والشتم والتعليقات والانتقادات ...بالاخر قررت انها بس تقراء الكلام ..
فايز: ياخي ادخل خاص ويش فيك انت
عبدالله: ياخي ويش ذا الغباء ما احب الشات
فايز :شف شف ذا النك ...خلنا نطفشه
عبدالله: طيب طيب اقلقتني ...
مضيع بيتنا : ويش ذا النك الغبي
قلت للدنيا: ماطلبت رائيك
مضيع بيتنا : بس حبيت اقولك رائي
قلت للدنيا: وفر رائيك لنفسك ...
مضيع: اعوذ بالله منك مفترسه
قلت للدنيا: اخص يا أليف
مضيع: اول مره اشوف بنت كذا اسلوبها ..المفروض تكوني هاديه وناعمه
قلت: مالك خص وبرا يالله لا عاد اشوفك برا
مضيع: اقول ترى وربي اهكر على جهازك
فاديا : تهكر هاه الحين اوريك من يهكر على الثاني ..<<فاديا محترفه بالكمبيوتر ..وخلال ثواني سرقت اميله وارسلت فايروسات على جهازه وبلاقافه منها شغلت الكام حق الاب توب ..وانصدمت
فاديا: ياربي معقوله يكون هو ...((خلوني اجننه )) اخذت لقطات من الكاميرا ..وارسلت له الصور
قلت: مين اللي هكر على الثاني ..
مضيع: حسبي الله عليك من بنت
قلت: اقول يا عبدالله ...اهجد لا اوريك شغلك زين
فايز : يمه حشى جنيه ذي ...كيف عرفت اسمك
عبدالله: يالخبل فتحت الكام اكيد بتسمع صوتنا يالدلخ
فايز: اقول طف طف جهازك
عبدالله: ماني مطفي بشوف ويش سوت بجهازي المسكين ..
فاديا: ههههههههههههههههههههههههههههههه احسن ..يستاهل
فريده مرت وسمعت صوت ضحك فاديا دخلت عليها
فريده: ويش فيك لايكون انجنيتي ..
فاديا: تعالي اعلمك ويش سويت ....وقالت لها
فريده: خخخخخخخخخخخخخخخ مانتي هينه
فاديا: ما العب انا معاه ..
فريده: تكفين هبلي فيه ...لا ترجعين له الايميل
فاديا: لو يطير بس تصدقين طلع مصيبه اغلب اللي بالايميل بنات
فريده: سوي لهم دلييت ..
فاديا: لاتخافين ...كل وحده فتحت معاه ملف تحقيق ..
فريده: يلعب عليهم صح
فاديا: لاوالله قايل اسمه وكل شي عنه ماكذب بحرف
فريده: غريبه العاده يلعبون بقلوب العذراء
فاديا: اما قلوب العذراء ...اسكتي بس
عبدالله: انت السبب الحين كيف ارجع ايميلي
فايز : عاد ويش دراني انها هكر
عبدالله يقلده: ترى اهكر على جهازك ...طالع ماعندك ماعند جدتي
فايز : اطلبها ترجعه
عبدالله: اخاف تتمنذل
فايز : جرب
مضيع: لو سمحتي ..ممكن ترجعين ايميلي
قلت: احلم بس ..ترحم عليه
مضيع: والله به ناس مهمين
قلت: واضح ...ضحى ..عفران ...ريما ..نهى ..روى ..وعهد ناس مهمين مره
مضيع: ويش دراك عنهم ؟؟؟؟؟
قلت: دريت وبس ..ولا عبدالله فهدالــ.... من المدينه مدرس لغه انجليزيه ..وساكن بحي ....
مضيع: كل ذا جبتيه خلال دقايق
قلت: عشان تعرف اني مالعب معاك ...
مضيع : طيب رجعيلي ايميلي
قلت: ارجعه لك لما اخلص منه
مضيع: ويش بتسوين فيه
قلت: عاد ويش بسوي فيه شيء مايخصك لاشبعت منه بارجعه لك
عبدالله: تكفين ..رديه وربي فيه خوياي
قلت: كلمتي ما اعيدها مرتين ..قلت لا يعني لا ..وبس ...
فريده: تقدرين بعدين تدخلين عليه
فاديا: ايه الحين بقفل منه ومتى مابغيت اجننه بكل سهوله اخترق جهازه
فريده: تعجبيني خليك كذا
بالمستشفى
مشاعل: فراس ..فراس
فراس: نعم
مشاعل: ابي اكلمك شوي
فراس: طيب ..بس نروح بالمكتب ...
مشاعل: اوكي ...دخلوا المكتب
فراس يجلس واضح انه تعبان ومرهق مره: خير ويش تبين حبيبتي
مشاعل: فراس ويش فيك انت ؟؟؟ احسك متغير علي
فراس: انا متغير عليك وعليك انتي ...ويش ذا الكلام
مشاعل: سالت نفسك متى اخر مره كلمتني او حتى قلت لي كلمه حلوه
فراس: مشاعل حبيبتي قدري اني ان تعبان ووقتي ضيق وصدقيني اول مالاقي فرصه مستحيل ابخل عليك حتى لو بكلمه
مشاعل: بس انا اشتاق لك ...وانت ماتحس فيني
فراس: من قالك هالكلام ..انا روحي معلقه فيك بس تعرفين الشغل وضغطه ..وخلاص ترى زواجنا مابقى عنه شيء
مشاعل: يعني اذا تزوجنا بيصير فينا كذا
فراس: بالعكس ..ليش الياس ان شاء الله حياتنا بتكون حلوووه
مشاعل: اتمنى هالشيء وكمان ان الشغل مايفرقنا عن بعض
فراس: اوعدك ان حياتنا بتكون حلوه مع بعض باذن الله
بتركيا
ملاك: فصوولي بسك تصوير هلكتني بالصور
فيصل: اصورك فيديو ...
ملاك: خلاص بس ..كفايه تصوير
فيصل: كيفي ابي اصورك
ملاك: عنييييييييييد ..ياناس عنيييييد
فيصل: توك تدرين ان اللي براسي اسويه ؟؟
ملاك: لاوالله دريت ومن زمان بعد
فيصل: طيب تعالي بحضني ابي نتصور عند هالطبيعه الخلابه
ملاك: وربي انك فاصل على الاخررررررررر
فيصل: طيب يالشابكه على طول ..تعالي يالله ..وقفت بجنبه وطلب من واحد كان مار انه يلتقط لهم صوره فوتغرافيه ..
ملاك: تعبت حتى الناس معانا
فيصل: ماعليك تعبنا راحه خخخخخخخخخخخخخ
ملاك بسخريه: دمك خفيف
فيصل بهيام: موت فيني مثل ما انا فيك ميت ...واعشقيني عشق ابد ماله نهايه
ياللي من شفتك بعيني صرتي هالدنيا واهلها .....ما ابالغ انتي صرتي الدنيا كلها
ملاك بدلع : حبيبي ,,
خليني معك ~
في كل درب ٍ{ أتبعك ..
بـ الحلوة ,,
والمُرّه ,,
سوى ..!!
و بـ إيدي أمسح دمعتك ..!
يا [ حلم ]
بـِ ايدي ألمسه ..
يا [ عمر ]
مابي أفقدهــ ..!
يا سنين ..
يانبض ..
وقدر ..
يادرب ..
ياروح ..
ونظر ..
صدّقني :
لا جيتك أقول :
أكبر .. غلط ~
~ نسمع عذول }
همَّه ,, نموت و نفترق ,,
و | وردة هوانا |
تختنق ..!!
فيصل: امووووت على الدلع وربي اموووووت
ملاك: لا تكفى لاتموت الحين ماشبعت منك
فيصل: اهبي وعساك تبيني اموت بعد ماتشبعين مني
ملاك تشبك يدها بيده: عسى يومي قبل يومك ياحبيبي
فيصل يبوسها على جبينها: بسم الله عليك لاتتفاولين على عمرك ...طلع صوت معدتها
ملاك: جوعاااااااااانه
فيصل: خخخخخخخ يالله الله يعيني على جوعك يامدام شكلك بتسمنين
ملاك بثقه: حتى اذا سمنت اهبل
فيصل: ايه واضح والله بديتي تخربين بعد الزواج
ملاك تشهق: انااااااااا خربت بعد الزواج يا استاذ فيصل
فيصل : ليش ماعمرك قارنتي بين نفسك قبل وبعد
ملاك: قول قول كل اللي بخاطرك شكلي ماقمت اعجب حضرت جنابك
فيصل: انا قلت انك خربتي يعني حافظي اكثر على نفسك ابيك دايم تهبلين
ملاك بزعل: مالت عليك انت ووخشتك مدري وين عقلي يوم عجبتني ..
فيصل طالعها مو مصدق كلامها: ويش قصدك ؟؟؟
ملاك تحط عينها بعينه: اللي فهمته حبيبي ...وطنشته ومشت
فيصل ((تبين تردين لي الصاع صاعين طيييييب يا ملاك انا اوريك ..)).ومشى وراها وراحوا مطعم واتعشوا وكل واحد يتغلى على الثاني ويكابر
ملاك: سبحان الله في ناس تجرح بالكلام وبعدين تزعل صدق المثل ضربني وبكى وسبقني واشتكى
فيصل: ولا بعد االي يقهر اذا جاك واحد واثق بنفسه بزيااااااااااااده
ملاك: الثقه مطلوبه بكل حال ....واذا الانسان ماكان واثق بنفسه فيكون انسان مهزوز
فيصل: بس في ثقه توصل للغرور
ملاك: شتان بين الثقه وبين الغرور ..اكبر مثال انت ..واثق من نفسك بزياده على قولتك
فيصل: وانتي بعد ..احسك مغروره
ملاك تقلب عيونها: قول من الاول انك تدقني بالكلام وتقصدني
فيصل: والله اللي على راسه بطحه يحسس عليها
ملاك: بحسس عليها يافيصلوه ..
فيصل: هذا مجرد احساس قلته لك
ملاك: توقعتها من الكل الا انت انت اللي كنت تقول لي احبك بكل احوالك الحين تقول اني مغروره
فيصل: عليك حركات ترفعين ضغطي فيها
ملاك: وانت كمان
فيصل يبتسم: افرديها مو تخلينا ختامها هوشه
ملاك: سامحتك بس لاني احبك وحبيك شفع لك عندي
فيصل: يالبى قلبك الابيض ..وانا بعد احبك
ملاك: الاتعال متى طيارتنا
فيصل: الاثنين
ملاك: مابقى شيء اليوم الجمعه
فيصل: والله اشتقت للسعوديه
ملاك: ماهو كثري وحشوني اهلي
فيصل: بعد مانوصل بكم يوم بوديك لهم
ملاك: ماتقصر يا قلبي الله لايحرمني منك
فيصل : ولا منك ...
بعد يومين ..بالمدينه
ساره وعبير: مبرووووووووك ياريومه
ريم مستحيه وجهها احمر : الله يبارك فيكم
ساره: ماني مصدقه انك انخطبتي يادبه
ريم: عقبالك
سارة من قلب : اميـــــــــــــــن
عبير: حشى فاصخه الحياء ذي استحي على وجهك
ساره: والله ابي اتزوج خلاص انتي وبتروحين وريم بتلحقك ...ليش اجلس لحالي واطفش ؟؟؟!!
ريم: الله يرزقك باللي يهنيك يارب
ساره: يــــــــــــــارب
عبير: تدرين انك حزنتيني ...من جد تكسرين الخاطر
ساره: طيب جبريه
عبير وريم: خخخخخخخخخخخخخخخخخ باااااااايخــــــه
ساره: ماطلبت رايكم هههههههههااااااااااااااااي
بالريــــــــــــــاض
فاديا: بالله بيوصلون بكره
ام فادي : ايه طايرته توصل العصر
فريده: تتوقعون ملاك بتتاقلم معانا
الام: والله مدري ان شاء الله ماتكون مثل هند
فاديا: لاتكفين يمه لاتقولينها والله اموت لو تطلع خبيثه
فريده: بس ما اتوقع
الام: الايام بتبين لنا معدنها
يوم الاثنين بعد وصول ملاك وفيصل لمطار الملك خالد الدولي
ملاك: خايفه من اهلك ..يمكن اكون ثقيله عليهم
فيصل: لاتخافين انا متاكد انك بتحبينهم وهم بعد بيحبونك
ملاك: لو اخذت لنا بيت لحالنا احسن
فيصل: صدقيني حنا كاننا ببيت لحالنا لنا جزء منفرد فينا
ملاك: والله مدري يافيصل
فيصل: لا تتوترين خلك طبيعيه ..يالله وصل السواق ...وهم بالطريق لقصر ابو فادي
ملاك ((كيف راح يكون البيت اللي راح اسكن فيه ..معقوله بيكونون طيبين معاي او ....يارب ريحني بحياتي مع فيصل ))
وصلوا عند بوابه كبيره وقفت السياره ..وانفتحت البوابه ودخلوا لقصر ابوفادي ..شافت شكله وانبهرت ما اتوقعت ابدا بيوم من الايام ان البيت اللي راح تسكن فيه يكون كذا ..كانه متحف بكبره وطوله الشاهق والزخرفه اللي ظاهره فيه والحديقه الكبيره والمظلات والنافورة اللي بالوسط ..وقفت السياره عند باب البيت
فيصل: وصلنا حبيبتي ..يالله انزلي ..نزلت بهدوء ..ومن كثر خوفها مسكت يد زوجها ..اول مادخلت ..شافت مسافات شاسعه كل جزء افخم من اللي قبله من التحف ولمعتها والديكورات والاثاث ..مشت ووقفت بوسط المدخل تتامل بيتها ..قاطع عليها تاملها نزول ام فادي وفريده وفاديا
ام فادي: ياهلا وغلا ياهلا ..تو مانور البيت يالغالين ..
فيصل: هلا يمه وحشتيني ...سلم على امه ..وسلمت ملاك عليها
ملاك: كيف حالك ياخالتي
ام فادي: بخير يا بنتي انتي كيف حالك ويش مسويه
ملاك: الحمدلله
فريده بعد ماسلمت عليهم: شخباركم ...تطالع فيصل ..حركااااات سمناني الحبيب
فاديا: وملاك بعد
فيصل: والله من الاكل اللي ناكله
امه: بالعافيه عليكم ..حياكم تفضلوا ..تفضلي ياملاك البيت بيتك لاتستحين
ملاك: تسلمين ياخالتي
فاديا: هاه خبرونا عن اخباركم ..وعن سفرتكم ان شاء الله استانستوا فيها
فيصل: الحمدلله استانسنا ..اقول كيف البيت بغيابي
فريده وفاديا: يجنــــــــــــــــــــــــــــن
امه: لاتصدقهم البيت بدونك ظلام
فيصل يطالعهم بنص عين : سمعتم امي ويش قالت ..موتوا قهرررر
فاديا: لاتصدق ترى امي تجاملك قدام زوجتك خخخخخخ
امه: لاوالله ما اجامله
فريده تكلم ملاك: زوجك ماخذ مقلب بنفسه ...اكتفت ملاك بضحكه
فيصل: والله اني خايف انكم تخربون زوجتي ...
فاديا: نخربها ...اسمعي ويش يقول ذا
ملاك: تراني ناويه اسحب عليك من الحين
فيصل: من البدايه عز الله ضعت
فريده: خلك معانا تمام وحنا نكون معك تمام
فيصل: اقو لانا تعبان وجاي من سفر باطلع انام
ملاك: وانا بعد عن اذنكم
الكل: تفضلوااا ...طلع هو ملاك لغرفتهم ..
فيصل: وهذي غرفتنا ...فتحت الباب ..وقفت تطالعها قسم للملابس وصاله كبيره وفيها كنب ..وجزء دورة مياه ..دخلت للصاله وهي تطالعها باعجاب والوانها الفوشي والموف والاصفر والازرق..
ملاك: صراحه الغرفه خطيرره
فيصل: اعجبتك ؟؟
ملاك: مرررررره ...حلوه حيييييييل
شافت قوس وبعده درج طلعت الثلاث درجات ولقت باب زجاج وبعده السرير الملكي اللي نازله منه شيفونات حمراء والمرايا وغرفتها الملكيه بالوانها الاحمر والبيج والبني
ملاك: واااااااااااااااااااااو تهبل الا تجنن العقل
فيصل: سامحيني هذا قليل بحقك
ملاك: بالعكس انا ما استاهل كل هذا يافيصل
فيصل يبتسم لها : مهما سويت ما اقدر اعبر عن حبي لك
ملاك تضمه: الله يخليك لي يانور عيني
فيصل : اخذتنا السوالف وحنا تعبانين يالله ننام
ملاك: باخذ شور وانام بعدها ...بعد ما اخذ تشور دافي طلعت وارسلت لاخوانها وابوها راسله تطمنهم انها وصلت بالسلامه ..حطت راسها ونامت
اليوم اللي بعده ..صحت من النوم وغسلت وجهها وتوضت وصلت جلست ترتب اغراضها وتشيك على كل شيء يخصها بعد ما انتهت لبست بنطلون جنز وبلوزة ليموني فيها رسومات بالاخضر رفعت شعرها وكحلت عيونها وحطت روج وردي لفت عليه وشافته بعده نايم
ملاك: فصولي ..فيصل حبيبي قوم يالله
فيصل وكله نوم: كم الساعه ؟؟
ملاك: 10 يالله ماشبعت نوم
فيصل يفتح عيونه : صباح الخير
ملاك : صبــــــــــآح // يليق بــ{ـغلاك} !
صبــــــــــآح // ينقصه نسمة { هوآآكـ }
و ..{ يـــــــــآ بخت }.. اللي صبــآحهم اليوم
معـــــآكـ ..!
فيصل : كل يوم ~{ أحبك ,, غير ..
و اليوم غير ,,
بديت أحس إن ,, الخلايق
ولا شي ..!!
ملاك: يالله قوم حبيبي عشان نفطر سوا
فيصل: ابشري من عيوني كم ملوكه عندي
كان الكل على سفرة الفطور
ابو فادي: هاه يافيصل متى ناوي تداوم
ام فادي: لسى بدري عليه توه معرس
ابو فادي: بس مكانه فاضي وشغله متاجل لرجوعه كذا يتعطل شغلنا
فيصل: انت امر يبه وانا انفذ
ابو فادي: انا داري اني بخرب عليك بس الشغل راح يتاخر
فيصل: ان شاء الله بكره بداوم
ابوه : الله يرضى عليك يافيصل
الكل: امين
بعد الفطور
فاديا: ملاك ويش رايك اخذك في جوله سياحيه في قصرنا
ملاك: ياليت والله
فاديا: اوكي يالله امشي ..وراحوا مع بعض عشان تعرفها على الاماكن والغرف والمسبح وغرفة الرياضه
ملاك: ماشاء الله حلو البيت
فاديا: اشوا انه عجبك
ملاك: والله ماعليه كلام بس يدوخ وكل شيء بعيد عن الثاني
فاديا: ترى عندك تلفون بالغرفه يعني تبين شيء من المطبخ كلميهم والخدم يجبون لك اللي تبين
ملاك: ونااااسه اجل بسوي ازعاج
فاديا: بس مو تدقين على غرفتي ترى اذبحك
ملاك: مالت عليك ويش ابي يك ادق عليك
فاديا: هين تحتاجين لي ..والله لاوريك النذاله على اصولها
ملاك: لا يا شيخه امزح ترى
فاديا بعناد: لالا ماتمزحين
ملاك: اجل مالت عليك وبقووووووووه بعد
فاديا: اقول امشي امشي بس ..وطلعوا لغرفه فريده ..دقوا الباب ودخلوا
فريده: اوكي اكلمك بعدين ..سيو
فاديا: اعوذ بالله ماتملين منه
فريده: خمسه وخميسه علي ..اذكري الله
فاديا: ياربي على ويش احسدك على قيس بن الملوح حقك ...
ملاك: هههههههههههههههههههههههه من هو قيس حقها
فريده: مجووووود بعد روحي
ملاك بعفويه: ماجد ماغيره صديق فيصل
فريده: أيــــــه ..تعرفينه ...ارتبكت ملاك
فريده بترجي: انا عارفه انك انتي وفيصل تزوجتوا عن حب بس تكفين ملاك قولي لي اذا ماجد كان له علاقات قبل
ملاك: لاويش علاقاته ..ماكان له علاقات
فريده: احلفي
ملاك: ما اقدر احلف لك بس اللي كنت اشوفه انه محترم
فاديا: ارقصي الا زغرطي ياقلبي طلع ملفه نظيــــــــــــــف
فريده: اقول انثبري ابرك
ملاك: انا بروح غرفتي
فريده: لابدري اجلسي خلينا نسولف
ملاك: اخاف فيصل يجي ومايلاقيني بالغرفه
فاديا: امووووووووت على الحب ...يابختك يافيصلوه
ملاك وجهها حمر : فاديا وبعدين معك ..تراك تحرجيني
فريده: عاد والله يا ملاك ياهي بتحرجك كل يوم ..بس اصبري وشوفي
فاديا: على فكره ملاك تراني حجزت لكم انتي واخوي المحترم بحفله ليالي دبي
ملاك : بجد
فريده: والله جد والفانين اصاله وحسين الجسمي
ملاك: وااااااااو وناسه ومتى الحفله
فاديا: الاسبوع الجاي ...
ملاك: اوكي بقول لفيصل
فاديا: اوكي
بالمدينه
مضاوي: ياربي على الطفش
ثامر: معقول ..ما اصدق ..مضاوي تقول طفش ..ويش صاير بالدنيا
عبدالله: ياثقل دمك ياشيخ
مضاوي: من جد طفشت ..ماصارت
ثامر: روحي لاختك
مضاوي: مليت كل يوم وانا عندها
عبدالله: اجل بعد ماتولدين روحي لاهلك بجده
مضاوي: هذا اللي افكر فيه ...الا ماتدرون عن ملاك
عبدالله: كلمتني تقول وصلت الرياض ..وبتزورنا بس لما يفضى فيصل لانه الحين مشغول بشركتهم
ثامر: والله اشتقنا لها القاطعه
ببيت فارس
ابتهال ميته بكاء : خلاص يافارس ...اتركني ويش تبي فيني
فارس: يابنت الحلال انا احبك ويش اتركك ؟؟؟
ابتهال: انا ماني فايده ..وانت سمعت كل الكلام اتركني وريح بالك
فارس: ابتهال ما ابي اسمع هاللاكم مره ثانيه وياويلك اذا سمعته
ابتهال: فارس انا مستحيل اعيش معك بعد اليوووووم
فارس: انتي انهبلتي ..الا انجنيتي ..اطلع احسن من اني اجلس معك ...طلع وتركها بنارها وحرقتها
ابتهال"ليش يافارس ماتبي تتركني ..ليه تبي تحسسني بالذنب ..بعد ماحبيتك وصرت كل حياتي آآآآآآآآه يارب ارحمني ..ودلني على الصواب انا مستحيل اظلمه معي مستحيل "
كان بسيارته مايدري وين يروح او ويش يسوي كيف تستمر حياته معاها وبينهم مشاكل
فارس: الحل يافارس والحل ؟؟؟ ويش السوات اطلقها او اكابر على رغبتي وابقى معاها آآآآآخ ماني قادر افكر ماني قادر
ابتهال لازالت تبكي وبحرقه مر عليها الليل وهي في حاله بكاء مستمر كل امانيها ضاعت حتى فارس لماحبته ماقدرت تسعده .....حياتها معاه مستحيله لازم تضحي بسعادتها عشان سعادته لازم ماتكون انانيه
ابتهال: سامحني يافارس ما اقدر اكون سبب تعاستك سامحني !!..من كثر مابكت نامت بعد تعبها النفسي والجسدي ....جاء فارس الساعه 4 الفجر دخل الغرفه وشافها نايمه والدموع على خدها
فارس((يارب كيف اساعدها كافيها اللي فيها انا ما اقدر اشوفها تتعذب قدامي وانا ساكت )) مسح دموعها بخفه ونام جنبها
اليوم الي بعده
وصايف : محمد متى اروح للموعد حبيبي
محمد: المغرب ..اوكي الحين بروح اخلص اشغالي والمغرب امر عليك
وصايف: اوكي استناك
محمد : مع السلامه ...وديري بالك على ميشو وساري
وصايف استغربت: مين ساري
محمد يغمز : اللي بالطريق ..
وصايف: مشاء الله ومسميه بعد
محمد: باااااااااااااااااااااااااااااي
وصايف تضحك: ياحليلك ياحمودي ..طيب لو طلعت بنت ...انا اللي راح اسميها ...وراحت تكمل شغلها
ببيت ام فراس
فراس: سلام
امه وابوه: وعليكم السلام
فراس يبوس راسهم : كيفك يالغالين
امه وابوه: بخير
ابوه: كيف كانت يالمعرس
فراس: زين الحمدلله ..كيف مستعدين لزواجي يوم الخميس
امه: أي مستعدين ..بس ان شاء الله انت مستعد
فراس: متى يجي هاليوم وارتاح خلاص استنزف كل قواي
امه : هذا الزواج ..تحمل
فراس: كيف لواني متزوج من زمان كان طاق فيني عرق
ابوه: بس لاتقول هالكلام عند زوجتك ..ترى الحريم مايحبون هالكلام
فراس: خخخخخخخخخخخخخخخخ ...ومنكم نستفيد ايه يبه اعطني بعد نصايح
ابوه: يووووه يافراس راح تمل لو اقولك
فراس: يالله قل ....دق التلفون
ام فراس: الوووووووووو
ابتهال: سلام
الام: وعليكم السلام
ابتهال: كيف حالك يمه ؟؟؟
الام: الحمدلله يابنيتي بخير ..انتي كيف حالك
ابتهال: يمه
الام: هلا يمه
ابتهال بدت تبكي: فراس عندك ؟؟؟
ام فراس خافت على بنتها: يمه ابتهال علامك ..ويش فيك تبكين !!! سكت ابو فراس وفراس لماسمعوا كلام امهم
ابتهال: يمه فراس في عندك
امها: ايه في ..ويش تبين فيه ..فيك شيء زوجك فيه شيء ؟؟؟صايرلكم شيء
ابتهال تبكي: يمه اعطيني فراس
امها: يايمه علامك
ابتهال عصبت : اعطينياه ؟؟؟ ...اخذ فراس سماعة التلفون
فراس: هلا ابتهال
ابتهال: فراس تعال لي البيت ..ولاتجيب احد معك
فراس: وليــــــــــــــــــــش؟؟؟
ابتهال وصلت معاها: بتجي او شلون؟؟؟؟
فراس: خلاص خلاص هدي اعصابك ..
ابتهال : استناك ..وقفلت الخط
ابوه: ويش فيها اختك
فراس: مدري ...بروح لها
امه: خذني معك
فراس: لا هي طلبت مني ما اجيب احد معي
امه: اكيد بنيتي فيها شيء ..قلبي ياكلني عليها
فراس: يايمه الله يهداك انا بروح اشوفها واجيكم ...تامرون على شيء
ابوه: طمنا عليها اول ماتوصل
فراس: صااااااااااااار ..مع السلامه...وراح لابتهال
كانت ببيتها تنتظر وصول اخوها ...تتامل بيتها اللي عاشت فيها احلى ايامها مع فارس ..من كانت تكره الي ان صارت تموت على الارض اللي يمشي عليها كل زاويه تحمل لها ذكرى خالده في ذاكرتها ذرفت دموعها بحسره والم ..دق الباب فراس..وفتحت له الباب
فراس خاف من شكل اخته المرهق : ابتـــــــــــــــــــــــهال ..
ابتهال دخلت وخلت الباب مفتوح ..دخل وراها وقفل الباب
فراس: ابتهال ويش فيك ...ليش شكلك كذا ؟؟؟فارس مسوي لك شيء ..طلعت شهقتها غصب عنها
فراس: ابتهال تكلمي ...ويش فيك
ابتهال: فرااااااس ارجوك لاتسألني ...خذ شنطة ملابسي وانزل وانا وراك
فارس: ابتهال جاوبيني ..فارس مزعلك
ابتهال: لا ....اخذت عبايتها ولبستها ...يالله نمشي ..قدر انها ماتبي تتكلم اخذ شنطتها ..وطلع وهي وراه تلقى اخر نظره على المكان اللي كان ياويها ..
ببيت ابو فادي
ملاك: لاتكلفين على عمرك ياخالتي ...مالها داعي العزيمه
ام فادي: لالا هذي يمناسبه وصولكم بالسلامه
فاديا: وبعدين لازم تشوفين اهل زوجك وتتعرفين عليهم
ملاك: اجل على راحتكم ..
فريده: لاتكوني متضايقه من هالشيء
ملاك: لاوالله ..على قول فاديا اتعرف على اهل فيصل انا ما اعرف غيركم
ام فادي: ان شاء الله حتى صديقاتي بيجون
ملاك: صديقاتك !!!!!
فاديا: ترى خالتك ياكثر صديقاتها مثل الدود
ام فادي: قولي لااله الا الله
فريده: على ويشي احظي كل وحده شايفه نفسه زوجة فلان واخت فلان
ملاك: هههههههههههههههههه شكل ماهي عاجبتكم الطبقه المخمليه
فاديا: لايغثون ياملاك بالاتيكيت والستايل ..يقهروني كله ولا بناتهم ياويلي يرفعن ضغطي بشكل ماهو طبيعي
ام فادي: اصلا انتن دايم تفشلني مع صديقاتي حتى السلام ماتسلمون
فريده: والله يا امي الغاليه حنا مالنا الا بنفسنا ومانحب الكبر
ملاك: التواضع زين
فاديا: على قولتك ...واذا اغنياء مافينا شيء زود
ام فادي: كلامكم صح بس لازم البرستيج
فريده تتخصر: يعني ماعندنا برستيج
امها: لاماهو قصدي بس خلكم هاديات
فاديا: اللي يسمعك يقول مقومين الدنيا ومقعدينها
ام فادي عرفت ان الكلام مع بناتها مافيه فايده: اعوذ بالله من بنات الزمن ذا شفتي كيف ياملاك مايخلون للواحد فرصه يتكلم وياهم
ملاك: اهدي اعصابك ياخالتي غير جبل ولاتغير طبع
ام فادي: والله انك صادقه ...انا بروح اشيك على العشاء عشان ابو فادي
فاديا تصفر: ياهووووووووووه ..اذوب على الحب
ام فادي تمشي بدلع: اخاف بكره يتزوج علي الرجال مالهم امان
الكل: ههههههههههههههههههههههههههههه
ملاك: صراحه خالتي شبابيه
فريده: وبقوووووووووه ترى
فاديا: خساره ولو فيصل في كان مسكها طنازه
ملاك: فيــــــــــصل !!!!!
فريده: ايه ...وتقلدها .....فيـــــــــصل
ملاك: توقعت انه هادي عندكم
فاديا: توك ماشفتي شيء ....وصل فيصل
فيصل : سلاااااااااااااام على الصبايا الحلوين
الكل: وعليكم السلام ....جلس بجنب ملاك وباسها على جبينها ...حمر وجهها
فريده: وه وه وه بس ماتت حيا
فاديا: هذي اولها ياملاك الله يعينك
فيصل يحط يده وراها: زوجتي وحلالي ...لاتكونو بتناشبوني على حلالي
فاديا: اشبع فيها
فريده: حركاتك خالها فوق ..ترى هنا المكان مراااااقب يمكن يدخل ابوي فجأه او امي او نادر
فيصل: امي عادي ...بس ابوي طبعا ماهو عادي
ملاك: اجل احترم نفسك ..وخلك مؤدب
فريده وفاديا: هههههههههههههههههههه لقط وجهك
فيصل: عادي تمون حبيبتي ...نزل نادر من غرفته
نادر: ماري ...مارررررري
امه: ويش تبي فيها
نادر : ابيها ترتب غرفتي صايره حوسه
امه: طيب انا اقول لها ..
نادر شاف ملاك طلعت عيونه من مكانها ((الاخ مايدري عن شيء بالبيت عايش بعالمه ماله تواجد بين اخوانه ): من هالمزيونه ذي ؟؟؟!!
فيصل بنبره حاده: ولـــــد عيب عليك استح على وجهك !!!
نادر: اقول اسكت ...ويش اسمك ؟؟؟
ملاك: من ذا فيصل
فيصل: نادر الخبل ...ندووور تراها زوجتي
نادر: ووووووووع ..ذي زوجتك انت ...حرام ظلموها اهلها يوم زوجك اياها
الكل:ههههههههه
فاديا: الظاهر عندك اعتراض ؟؟
نادر يجلس جنب فريده: اقول ماقلتوا لي ويش اسمها
ملاك: اسمي ملاك
نادر يصفر: حركاااااااااااات ...عندنا ملاك بالبيت ..والله توي ادري
فيصل: ويتغزل بزوجتي قدامي ..هيه يابو الشباب ماكأنك طاق الميانه زود
نادر: انا كلمتك الحين ...ياكرهي للقافه ..
فريده: نادر احترم اخوك اللي اكبر منك
نادر: بالله ماني ناقصك انتي بعد يافيلسوفه زمانك .....ضربته على راسه
فريده: انا فيلسوفه ..يالدلخ يالكمخه
نادر: انا اعرف اخواني ماينعطون وجه ....ضحكت ملاك عليه
ملاك: كم عمرك يانادر
نادر : يقولون ان عمري 14 وانا عاد مدري
فيصل: قومي قومي ...شكلك بتدخلين جو معه
ملاك: فيصل اجلس ويش فيك
فيصل: امشي يالله
نادر: ويش دعوه اذ حضرت الشياطين هربت الملائكه
فيصل عصب من اخوه اللي يتفنن بتعصيب اللي حوله: نـــــــــــــــــــــــــــــــــــــــــادر ..قم اقلب وجهك لسجنك ..ولاعاد اشوفك هنا
نادر يحط رجل على رجل : والله اذا صار البيت باسمك ذيك الساعه سوا اللي تبي
فريده وملاك وفاديا: ههههههههههههههههههههههههههههههههههههههه
فيصل: انا لو جلست ثانيه زود راح انجن ..وطلع لغرفته
ملاك: ليش تسوي فيه كذا ؟؟؟
نادر: مزاج ..احب اخليه اعصب يعجبني شكله وهو معصب
فريده: والله انك تقهر ياندوووووور
نادر: الا تعالي فاديا ماشفتي سيارتي الجديده ؟؟ <<<طنش فريده
فاديا: الا شفتها بالكراج بس ويش ذا اللون لو اخترت شيء احسن
نادر :ياغبيه نسيتي اني هلالي
فاديا: لا مانسيت
فريده: من قدك راشد مدلعك ...الا من يسوق السياره
نادر: محمود ..هو اللي يسوق فيني
فاديا: الحمدلله والشكر اول مره اشوف واحد عنده سياره ويخلي سواقه يسوقها
نادر: ملاك تبين تشوفينها
ملاك: اوكي ماعندي مانع ...وطلعوا للكراج هي وفريده وفاديا ونادر
ملاك: شكلك متعصب هلالي
نادر: فوق ماتتخيلين ..بس ويش رايك
ملاك: خطيررررررررررره
فاديا: نادر خل محمود ياخذ فينا لفه
نادر: اوكي ..وابعشيكم على حسابي
فريده: ما انت هين ياندور ..يالله بنروح نلبس ونرجع
نادر : استانكم ..واللي تتاخر باتركها ..سمعتي ياملاك
ملاك: ويش معنى انا
نادر يغمز لها: اخاف اللي فوق يتلزق فيك ....ويقع المحظور...<<احرج ملاك
فريده وفاديا انصرعوا ضحك على اخوهم اللي يموت على احراج الناس
بالمدينه ..وتحديدا ببيت ابو فراس
ام فراس: ابتهال يمه قولي علامك
ابتهال: ارجوك يمه اتركني بحالي مالي خلق اكلم احد
ابوها: يا ابتهال يابنتي فارس مزعلك بشيء ..
ابتهال : لا
امها: طيب ليش جايه ويش فيك
ابتهال: لايكون مثقله عليكم
ابوها: ويش هالكلام يا يبه ..اذا ماشالك البيت نفرش لك العين
ابتهال: يمه يبه ..ارجوكم انا تعبانه ..ومافيني اتكلم خلوني براحتي ..ودخلت غرفتها وقفلت الباب وكملت سيره البكاء اللي يتجدد كل ما تذكرت اللي صار
دخل البيت وحس بهدوء غريب ..مافي أي شيء يدل على وجودها دخل الغرفه ومالقها دور بالبيت كله ومالقها دق على جوالها وكان مغلق
فارس: وين راحت ..خطر على باله بيت خالته ..ودق على طول ..وفعلا صدقت شكوكه ...لحقها لبيت اهلها
بالمجلس
ابو فراس: يافارس ..البنت ما تكلمت من جات لايكون صايره بينكم مشكله
فارس: لاوالله ياعمي الله يشهد اني مازعلتها
ام فراس: اجل ليش مقفله على نفسها وتبكي من جات وهي بغرفتها حاولت معاها لين عجزت
فارس: خالتي عمي ممكن اشوفها
ابو فرس: اكيد ياولدي هذي زوجتك ..
فارس: هي بغرفتها
ام فراس: ايه ...روح لها ...وفعلا راح لغرفتها ودق الباب
ابتهال تصارخ: قلت اتركوني بحالي ما ابي شيء تكفين يمه
فارس: ابتهال افتحي ...انصدمت يوم سمعت صوته
فارس: ارجوك افتحي ابي اتكلم معاك
ابتهال: فارس ..اتركني خلاص ..حل عني ..
فارس: ابتهال افتحي او راح اكسر الباب
ابتهال: روح يافارس ماعاد ابيك
فارس: بتفتحي او كيف ...ابتهال حبيبتي افتحي ودي اكلمك
فتحت الباب وكانت ميته من البكاء ..دخل وسكر الباب
فارس: ويش اللي سويته
ابتهال: سويت ا للي لازم اسويه
فارس: انتي تظنين اني راح اتركك ..مستحيل اتخلى عنك يا ابتهال افهمي مستحيل
ابتهال: فارس ..انا مستحيل اجيب لك الولد ..خلاص طلقني وروح تزوج لك وحده تقدر تجيب لك الاولاد اللي انت تحلم فيهم
فارس : انا ما ابي الاولاد انا ابيك انتي
ابتهال عصبت عليه وصارخت : انت ماتفهم ..انــــــــا عقــــيم ...عقــــيم ...
فارس: وانا احبك
ابتهال: كلمه ورد غطاها ..رجعه ماني براجعه لك لو تعلقني ميه سنه
فارس عصب من عنادها: ابتهال اعقلي وخلي حركات الاطفال
ابتهال: فارس ..طلقني ...طلقني
فارس: انتي اكيد انهبلتي ..ومافيك عقل
ابتهال: ايه انهبلت لكن انا مالي رجعه معك ...تركها فارس ..وطلع ودخلت امها على طول
امها تبكي: ويش اللي سمعته يا ابتهال
ابتهال: هذا الصدق ..وولد اختك ..خليه يطلقني بالطيب
امها: ليش يا يمه فارس شاريك
ابتهال تبكي : شاري وانا بكون سبب حرمانه من العيال
امها: يمه فكري زين تراك انتي اللي راح تتضررين
ابتهال : راضيه ..انا راضيه خلاص ..ارحموني
امها: يايمه كلام الدكاتره ماهو صحيح لاتهدمين حياتك
ابتهال: يايمه هذا ماهو كلام دكتور او دكتورين ...انصدمت امها من كلامها
امها: يعني ويش
ابتهال: انا رحت اكثر من دكتور ودكتوره وحتى لما رحنا الرياض رحنا للدكتور ..وكلهم كلامهم واحد
ونتايجهم وحده ..بنتك عقيم ..ومافي امل لو 1% اني اجيب اطفال ..
جلست تبكي امها على حال بنتها ..ماتدري تواسيها او تسكت
راح لبيت ابوه وجلس مع اخوانه يضيع طف شاو ينفس عن نفسه بعد اللي صارله
فارس((هذي اول المشاكل ...شكل المشاكل بتدخل حياتي وتعصفها ))
ثامر: وين وصلت يالطيب
فارس: معك
ثامر: والله انا بوادي وانت بوادي
فارس: بالعكس ..اسمعك
مضاوي: ثمور تراك تشكك الواحد بعمره
فارس: والله انك صادقه ..اقول انثبر تراك مسوي دوشه على ولا شيء
بالرياض
فيصل: عساكم انبسطوا مع هالداشر
الكل: وناااااااااااااااااااااااااااااسه
فيصل: وين وديتهم ...ياندور
نادر: والله اسئل زوجتك وهي تقول لك
فاديا: قووووووووووووووويه يانادر ..ليش كسفته قدامها طيحت وجهه
ملاك: عادي ...مافيها شيء طيحوا وجهه مثل ماتبون
فيصل: ملاكوه احسك انظميتي لتنظيمهم الارهابي ضدي
نادر: وهي تقدر ...ماشفت داعها عنك
يصل يطالعها: تسلمين لي ياروحي
الكل: نـــــحن هنا
فيصل: مايخلون الواحد ياخذ راحته
فريده: عندك غرفه ..عفوا قصدي جناح ...خذ زوجتك ..وهناك خذ راحتك على كيف كيفك
نادر يغمز لملاك: ياويلك استعدي للحرب علـــ....قاطعته فاديا
فاديا: قم قم ..انت ماتنعطي وجه ..اذلف لغرفتك
نادر: بطلع ...بس مصيركم تعرفون قيمتي ..وطلع لغرفته
فيصل: مدري طالع سلتوح على مين
ملاك وقفت بتطلع الغرفه : طالع على اخوووووووه
الكل:؟؟؟؟؟؟؟؟؟؟؟؟؟
فيصل: أي واحــــــــــد
ملاك: انت ..وهو في غيرك سلتوح على قولتك
فيصل يطالعها بصدمه :انــــــــــــــــــــــا سلتــــــــوح
ملاك تضحك: أيــــــه ..وهربت للغرفه
يصل: هين ياملاك..اوريك من السلتوح
فريده: الحقها الحقها
فاديا: لا اوصيك ...الله الله خلها تحلف ماتسبك مره ثانيه ....ضحك فيصل وطلع غرفته
اول مادخل ...مالقها عرف انها تاخذ شور
فيصل يضحك: هين ..اوررررررررررررررريك ؟؟؟؟!!!!!!
دخل وراء الستاره اللي بجنب باب الحمام ...يسمعها تدندن ..طلعت ..وهي تربط روب الحمام ..ولسى تدندن ماصحت الا على فيصل يكب عليها مويه
مويه: لااااااااااااااااااااااااا
فيصل: طالع اخوه سلتوح هاه
ملاك: ههههههههههههههههههههه توي ادري انك حقود
فيصل يشيلها: حقود ..الحين انا حقود يالنصابه
ملاك: نزلني ...نزلني دخت
فيصل: لا والف لا
ملاك: حرام عليك والله دخت
فيصل: لاتخليني ادور فيك
ملاك: لالا خلاص ..
بعد يومين
بالمدينه كان زواج فراس ومشاعل ...كل مبسوط وفرحان وحظروا الزواج وتم على خير
بالفندق
فراس: اخيرا صرنا مع بعض
مشاعل: ماني مصدقه عيوني
فراس: الله يقدرني واسعدك يا مشاعل
مشاعل: وانا بعد
بالرياض
فاديا تصارخ باعلى صوتها: يالله ياقووووووووم الطياره راح تطير
نادر: انا خلصت
امها: حطي بالك على نادر يافاديا لااوصيك عليه
فاديا: ان شاءالله بس وصيه هو ما يجننا بدبي
نادر: انا اجننكم ....حرام تراني مسالم
امه: وااااااااضح يالمسالم ..ياويلك تجنن اخوانك ..واسمع كلامهم ولا تطفشهم بكثرة الطلبات
نادر: امرك ياست الكل
فريده: انا جيت ..وجاهزة
نادر ينادي: فيـــــــــصل ...انت وزوجتك اذا ماجيتوا راح نسحب عليكم ؟؟
ملاك توهل جايه: وليش تسحب يالنذل
نادر: ناس ماتنفع معهم غير العين الحمره
فيصل: اقول يالله بس خلونا نلحق على الطياره سلموا على امهم ...وراحوا
ببيت فادي
هند: وخواتك فرحانتا بزوجة فيصل حتى ماكلفوا عمرهم يعزمونك معاهم
فادي: فاديا قالت لي بس قلت مابي اتركك انتي والعيال
هند: فادي لاتضحك علي ماني بزر اصدق هالكلام
فادي: ياهند الله يهديك اجل اقول لها احجزي لهند والعيال معي
هند: انت احجز لنا
فادي: انا واعدك نسافر استراليا ..وانا عند وعدي
هند: طيب يافادي نشوف
فادي: خلاص انا قلت وعد يعني وعد
هند: انا بروح عند اهلي اليوم كل اهلي مجتمعين
فادي: روحي ...وراح مكتبه
فادي ((وينك يا سراب ...وين اللي الجأ لها وقت الضيق ))
هند: مالت عليك انت واهلك جاكم العمى
بالمدينه
الجده: يا بنتي يا ابتهال رجلك له اسبوع يستناك
ابتهال: لا احد يتدخل بيني وبينه ارجوك ياجدتي
بدر: بس ليش ماتبين ترجعين له
ابتهال: هو يعرف ليش ؟؟؟
سطام: لايكون مد يده عليك
ابتهال: لا القصه ماهي كذا
وصايف: ابتهال فكري زين ...مو تتسرعين وتندمين
ابتهال: فكرت واستخرت ...وقررت
الكل: شنوووووووو
ابتهال: اطلق ...
الكل: طلاااااااااااااااااااااااااااق
ابتهال: ايه طلاق
امها: يمه انتي بتخربين حياتك بعنادك ويش طلاقه
سطام: ابتهال ...انتي صاحيه
ابتهال: ايه صاحيه قول له انه يطلقني
بدر: لالا ما اصدق اكيد جرى لعقلك شيء
ابتهال: قولوا اللي تقولونه ...بس هذا قراري
الجده: يايمه استخيري بدل المره مرتين وثلاث واكثر
ابتهال : رجاء لااحد يضغط علي
ببيت ابو محمد
محمد: صحيح اللي قالت لي وصايف
فارس: ويش قالت
محمد: ابتهال طالبه الطلاق......؟؟؟؟؟؟؟؟؟
فارس يتنهد: ايه طالبه الطلاق
ثامر: ليه سويت لها شيء
فارس: لا والله
محمد: اجل ليش طالبه الطلاق
فارس: مدري عنها
ثامر: بالله زوجتك وطالبه الطلاق وماتدري عنها ...ليش ؟؟
فارس: ايه مدري
محمد: والله هذي زوجتك وانت حر فيها
ثامر: شكل الموضوع لاقام ولا قعد عندك
فارس: خلاص ويش فيكم علي كاني انا اللي ابي اطلقها ...انا مستحيل اطلقها
محمد: طيب طيب لاتعصب ولا تثور فينا
بدبي
ملاك: آآآآآآآآآآآآآآآآه تعبت
فيصل: سلامتك من الاه ياقلبي
ملاك: روح شوف خواتك ونادر ..ناموا او لسى
فيصل: طيب بس لاتنامين ...
ملاك: طيب ..وراح يشوف اخوانه..ولما رجع لقاها نايمه من التعب
فيصل: هذا وانا موصيها ...بس يالله بنام ...ونام جنبها
الصباح صح قبلها ..وصحها
فيصل: ملوكتي يالله اصحي ..اصحي
ملاك : فيصل خلني نايمه...
فيصل فتح الستاره ودخل ضو الشمس للغرفه : تعــال يالله ..
نـوّر الصبـح " للنـاس " ..
شكـل ][ الصبـاح ][ ..
ابـدون " نـورك "
تـرى (( ليـــل )) ..
ملاك تحط يدها على عينها: فيصل حرام عليك
فيصل: يالله حبي يالله
ملاك: اوكي اوكي
فيصل: بروح انكد على اخواني ..واجي عشان ننزل نفطر تحت ...ودخل غرفتهم اللي بينها وبين غرفه اخوانه
فاديا:فيصل ابعد عني خلني انام
فريده: فيييييييييييييييييييييييييييييييييييييييصل ياحمار
فيصل: يالله تعالوا عندنا بالغرفه ..
فاديا وفريده: اوووووووووووووووووووووف
ملاك طالعه من الحمام وصلت ...وعدلت بجامتها الفوشي
فيصل: صباح الورد والفل والياسمين على احلى ورده بالدنيا ..لفت عليه ..ومسكت يده
ملاك: صباح النور والسرور ياحبي ..وطبعت بوسه على خده ...وفي هذا الوقت دخل نادر وفاديا
نادر يحط يده على عيونه: استغفر الله ..استغفر الله ..استحوا عيب عليك
فيصل: ماتعرفون تدقون الباب
فاديا معصبه : اقول دق على المطعم يرسل الفطور ترى مالي خلق انزل
فيصل: ابشري طال عمرك
فريده: صباح الخير
الكل: صباح النور
جلست فاديا بالشورت اللي لابسته والبلوزة الحفر : يالله جوعانه
نادر: سوي رجولك هذي ..انتي وجهك مسويه فيها اغراء
فاديا: ماحد طلب رايك
فرديه: يالله فيصل كلمهم وربي جوعانه
فيصل: طيب طيب اكلتوني ..وصلهم الفطور وبعد ما افطروا لبسوا وراحوا برج العرب يتسوقون ويشترون لهم اغراض
نادر: ياحول فيصل حنا ويش يدخلنا محلات الحريم خلنا نروح محلات رجاليه
ملاك: خلاص فيصل روح معاه
فريده: ايه نبي نروح محلات خاصه ماتصلح لكم ابي اقضي منها
فاديا: ياليت تروح تلفون لحالكم
فيصل: طرده محترمه ..اجل نروح ياندوور
نادر: سيــــــــــــــــوووو
ملاك: يالله فريده مايمدينا نخلص ..
فريده: يالله نبدا
فاديا: يالــــلــــــــــــه ..وقاموا يتسوقون ويساعدون فريده بالمقاضي
ببيت فراس
مشاعل: فراس حبيبي متى ترجع
فراس: اول ما اخلص من العمليه اليوم ماعندي غير هذي العمليه
مشاعل: انتظرك لا تطول
فراس: اوكي يالله بااااااااي ..وباسها وراح
مشاعل: الله لايحرمني منك ياضي العين
فراس يبتسم: سيو ماي هادر
-=============================-
ويش بيصير في دبي ؟؟؟و ايش الصدفه اللي رح تصير؟؟؟
فارس وابتهال ويش بيصير بينهم وهل فارس راح يطلقها لرغبتها ؟؟
فراس ومشاعل كيف بتكون حياتهم ؟؟؟
بعد رجوع فيصل وملاك للرياض وفي العزيمه ايش بيصير ؟؟وحياتهم هل راح تظل على ماهي عليها يسودها الحب والوئام والتفاهم ...او بيصير الشيء الغير متوقع ؟؟؟
يوم زواج فريده وماجد بتصير احداث ..لكن ويش هي ؟؟؟
عبدالله هل راح يعترف بحبه لفاديا ؟؟؟كيف راح يعترف ؟؟
يــــــتــــــبـــــــع