[هريري]

[align=center]هههههههههههههههههههههههههههه

والله انا اصنف موضوعك زي قصيده حره بدون تقييد في الوزن والقافيه

كلام جميل وكلام معقول ........... يااااااااااااااااااااااه ..

كل هذا يمر على هذا المواطن المفغوص على عينه والمنكوس على حظه المقرود

ياحبة عيني يامواطن ياسعودي ............... انت الوحيد في هذي الدنيا

اللي حالتك تضحك وتبكي وتجيب غازات مستعصيه وسامه وكشف طوارئ مستعجل

وتناقض رهيب في الانفعالات الحسيه والاحاسيس الانفعاليه

صدقني يا فارس القبيله ... ولو ان مافي شي يتصدق في ديرتنا هذي الايام

لاكن بس حاول تصدقني لو اقول لك احنا الشعب الوحيد على وجه الكره الارضيه

اللي يشاركه العالم كله لقمة عيشه ومصالحه الاقتصاديه بكل اشكالها ..

وبالاصح ..احنا الشعب الوحيد اللي يسرقه كل شعوب دول العالم ..

وحنا ساكتين ومفهين على اذانينا وفي سابع نومه ..

واول المستفيدين هم اليهود والنصارى .. ليتهم مسلمين على الاقل ..

بعدين .. اقول لك شي .. لا تخاف من الوقت الحالي .. انت قول وش بعد بيصير

علينا في السنين الجايه ان خلينا الدرعه ترعى وقعدنا نتفرج وفاغرين

الكثير من الناس اشوفهم هذي الايام في حالة تذمر من الاوضاع المعيشيه

وبعضهم تشوفه مكشخ ونظيف وساكت..بس لا تقله كيف حالك.

تراها واصله معاه كيس التنباك ..ومن داخله فيه الف سؤال وسؤال ماهو لاقي

جواب لواحد يهدي حيرته ويسكن لوعته ويخفف الرعشان والحكه المصاحبه ..

. كثير والله نشوف من هذي النوعيه الداجنه والمتوحشه في نفس الوقت ..

ويذكرني هذا النوع من الناس بالصعاليك .. اللي كرهوا انفسهم وكل شي حولهم

يعني بالاختصار الغير مفيد والغير مجدي .. حنا في حالة تطور لان نكون

شعباً من الصعاليك .. كرشه مليانه ويلبس كويس ولاعن ابو الدنيا وما فيها ..

ما سمعت عن التضخم في اقتصادنا ... اكيد سمعت ...

يعني ان القروش زايده كثير عن حاجة السوق وماهم لا قين لها مصرف يعادل

كميتها الهائله في شراء السلع ......... ترى الكثر ما يعرف ان هذا ما يصير

الا في دول وبلدان يدير مصارفها الحراميه والنصابين فقط .. او المسؤلين

الغير مناسبين في الاماكن الغير مناسبه ... لانه لم تكن هناك جدوله

على دراسه علميه حتى يتفادى هذا الطفح من الفلوس المتلتله في البنوك..

للاسف والله . طرش البحر في البلد وضع يده على مصالحنا الاقتصاديه

ولو ما تدارك المسؤلين عصر البرامكه الحديث ..... بنروح فيها ..

صدقني في هذي انت واللي يقرا ... وامسحوها في وجه العلمانين

اللي يتمنون يشوفونا نشحد في الشوارع وناكل بعضنا بعض .. زي الكلاب

عساني بس ترجمة بعض من مقاطع قصيدتك العصماء يافارس القبيله..

والحل عندي وانا بو هندي ...

بارجع الديره واخذ براتبي التقاعدي هوش وغنم وارعاها واكل منها وابيع

وباخذ لي صفريقه واتعلم طرق الجبل واغني واقول على الدنيا السلام

وسلام ياخه..



[/align]