[شيزوفرانيا]

عشت عمري بين أوهام وألم ونوح..
جروح ودموع كل ليله تكويني
مضى عمري جسد بليا روح..
ونظرة حزن بعيوني ماتخليني
عايش بدون حلم وطموح..
مافي بهالدنيا شي يعنيني
من بين الضلوع ريحة الجرح تفوح..
وملامح تايه..تحتويني
وجيتك ياغلاي انا والروح وبقايا الجروح..
أدور بين ايدينك فرحة سنيني
جيتك ألم..توهان..ونوح..
جيتك أدور وطن.. يحتويني
جيتك معاي حزني وصوتي المبحوح..
وأبيك لبعيد بعيد تاخذيني
ابيك تنسيني ليالي النوح..
وعلى صدرك لو ليله..تحضنيني
ودي أسولف عن نفسي..وعن أيامي أبوح..
عن جرح بين الحنايا يرفض يخليني
وعن ذكرى..مؤلمه تراقفني وين ماروح..
عن ماضي..موحش..كل ليله يبكيني
ابسولف عن طفل داخلي..كبرته الليالي والجروح..
وعن الصباح والشروق..
اللي تغير لظلام وليل أسود بعيوني
عن طير..من الوريد للوريد مذبوح..
عن دنيا غريبه..قتلت كل شي حلو فيني
وانا الليله بين ايدينك..بعدها مدري لوين أروح..
جيتك..وبس ليله..تجلسين معاي..وتكلميني
ابعترفلك..وعن جرحي..أبوح..
وياريت بس لو تفهميني
انا ماستاهلك..انا سراب..انا غياب..انا بدون طموح..
انا شي غريب..مختلف عن الناس..مافي شبه بينهم وبيني
انا غربه..انا ألم..انا راعي جروح..
انا أسكن قصر الأحزان..وهو صار يحتويني
بس انا خايف عليك..من حزني ياحلوة الروح
خايف اقطفك يا أحلى ورده في بساتيني
بسافر بعيد عنك وألملم هالجروح..
وارحل لمكان فيه ماتشوفيني
اباخذ كل احاسيسي..وهمومي..والنوح..
وبعيش انسان عادي..ومابي من هالدنيا شي يعنيني
وانتي..عيشي عمرك وانسى الفتى المجروح..
عيشي بلا حب بلاذكرى..انسيني
حياتك حيل حلوه..ع الاقل فيها طموح..
فيها حلم..يقولك عيشيني وحققيني
انا بروح..واتمنى لك حياه حلوه بدون جروح..
وبهديك عمري..وكل فرحه سكنت فيني
ياغاليه ياغلى من الروح..
فديت عمرك..انسيني..

[flash1=http://dc05.arabsh.com/i/00961/t7o3nz3iph23.swf]WIDTH=0 HEIGHT=0[/flash1]