يا ليتني مخلوق صدري شمالي = وسيع بال ولا يجي فيه ضيقه
والضيق ما يوصل لحد احتمالي = ولا اتحمل ضيقته لو دقيقه
اصبر على جور الزمن والليالي = اضيق وارضى لوهمومي حريقه
اخذ من الدنيا صفا ما صفالي = وعندي على منهج حياتي طريقه
و اطمح لكسب اهل الوفا والمعالي = وعلاقتي في كل وافي عريقه
و اهل القلوب الصافيه راس مالي = اللي علا قتهم مع الله وثيقه
وياحظ من يتبع سلوم الرجالي = حسين طبع ولا يضايق صديقه
راشد الجمعان ( المحيط )