[سامي بن محمد]

(( ماهو بخاين ))

طول جفاك وخلصت كل الاعذار
كفنتها وحفرْت بِيِدي قبرها

ليتك تحس بلوعة الشوق والنار
اللي توقد في فؤادي سعرها

نامت عيون الناس وعيوني اسهار
اخاف تفقد شوفها من سهرها

اسامر الذكرى وانا حيل محتار
يغيب مدري غيبته وش عذرها

احس انا في غيبته ذا الزمن جار
بعد الجفا زاد بحياتي كدرها

غديت مثل اللي فقد ابنه البار
اعمى وشونه مدري منهو كسرها

راح الذي بِيدَه يوديه للدار
حتى العصا من حرته ماجبرها

القلب من دونه حديقة بلا ازهار
اشواك فيها ترهب اللي نضرها

يبقى لها في طلته مثل الامطار
لاجا حبيبي ينبت احمر زهرها

ماهو بخاين لا ولا هو بغدار
تبقى وعود الحب دمه حبرها

بكره يجي وتبان لي كل الاسرار
اما حزن للروح والا سررها

له داخلي قصرٍ محصن بالاسوار
تفنى الحياه وغيرنا ماعبرها

لامن كتب ربي فراقه بالاقدار
دفنت كل اسوارها مَعْ حجرها

.............................................
#سامي_العويفي