[ابو دوس]

قصيدة جداً مؤثرة
لأم قام ابنها العاق بإيداعها دار العجزة

القصيدة تصور حنان وطيبة الأم بعد كلما عانته من ابنها العاق
كان أعظم طموحها أن تكون خادمة لدى ابنها لكي تراه كل يوم

[poem=font="Simplified Arabic,3,red,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
يـا ليتنـي خدامـة بيـن اياديـك=من شان اشوفك كل يوم برضايـا[/poem]

اترككم مع الابيات





[poem=font="Simplified Arabic,3,,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]
وين انت يا حمدان امـك تناديـك=وراك مـا تسمـع شكايـا وندايـا

يا مسندي قلبي على الدوم يطريـك=ما غبت عن عيني وطيفك سمايـا

هذي ثلاث سنين والعيـن تبكيـك=ما شفت زولك زايـر يـا ضنايـا

تذكر حياتي يـوم اشيلـك واداريك=والاعبـك دايـم وتمشـي ورايـا

ترقد على صوتي وحضني يدفيـك=ما غيرك احدٍ ساكن فـي حشايـا

واليا مرضت اسهر بقربك واداريك=ما ذوق طعم النوم صبـح ومسايـا

ياما عطيتك من حنانـي وبعطيـك=تكبـر وتكبـر بالأمـل يـا منايـا

لكن خساره بعتني اليـوم وشفيـك=واخلصت للزوجه وانا لي شقايـا

انا ادري انها قاسيـه مـا تخليـك=قالت عجـوزك مـا ابيهـا معايـا

خليتني وسط المصحه وانا ارجيك=هذا جزا المعروف وهـذا جزايـا

يـا ليتنـي خدامـة بيـن اياديـك=من شان اشوفك كل يوم برضايـا

مشكور يا ولدي وتشكر مساعيـك=وادعـي لـك الله دايـم بالهدايـا

حمدان يا حمـدان امـك توصيـك=اخاف من تلحق تشـوف الوصايـا

اوصيت دكتور المصحه بيعطيـك=رسالتـي واحروفهـا مـن بكايـا

وان مت لا تبخل علـي بدعاويـك=واطلب لي الغفران وهـذا رجايـا

وامطر تراب القبر بدموع عينيـك=ما عـاد ينفعـك النـدم والنعايـا[/poem]


اللهم أجعلنا بارين بوالدينا

وأهد اللهم ضال المسلمين