الطيب
الزم حدودك لاتعدى على الناس
والطيب خله في حياتك لزيمه
من عاش باخلاقه يتوج بالالماس
ويصير له عند المخاليق قيمه
واللي عليك أخطأ وبدا لك الباس
اصفح خطاه وخل نفسك كريمه
خلك من اللي شال ضيقه بالانفاس
وناره بوسط القلب دايم ضريمه
ترى المسامح دوم قدره على الراس
لانه عظيم ونفسه أيضا عظيمه
خل الزعل فالدين مبدأ ونوماس
اللي يسب الدين خلك غريمه
لاتنتصر للذات وتزيد الإفلاس
النصر في بعض المواقف هزيمه
ـــــــــــــــــــــــــــــــــــــ
|