[ألمحيط]

يا زارعين الشوك لا تزرعونه = الشوك لا يثمر ولا ينبت الورد
يجرح يدين اللي يلامس غصونه = ايضا ولا يغرد على غصنه الغرد
واهل الرياض الوارفه ما يبونه = ولا قد ربح من زارعينه ولا فرد
كل البلا فاللي تغشه عيونه = فكره ضعيف وداخله دايما خرد
ومن الحسد دايم يصدق ضنونه = مايدري ان النار ما هي كما البرد
واهل الفهم من فهمهم يعرفونه = قلبه عديم احساس مثل الحجر جرد
ماحد يقف جنبه ولا يذود دونه = ضعيف نفس وقلب عند اللزم شرد



راشد الجمعان ( المحيط )