[ابن روزه]

فمان الله يا راحل وتاركنا بدون أسباب

سمعت الشور من حاسد ولا قدرت تاليها

نقول إرحل ولو ما عاد تفتح للرجوع أبواب

محبتنا الأصيله باقيه باسمى معانيها

يا راحل لو يطول البعد منا ما سمعت عتاب

نقدر عشرة الغاليين والزلات نمحيها

رحيلك زوّد الحرقه وغرّق بالدموع أهداب

ولأنه باختيارك تقنع النفس بمآسيها

وأنا ما ابي يبين الشرح للاقراب والاغراب

تكفيك الاشارة والامور بيدك تنهيها

وأنا ما كنت أقول الشعر لو ما احس قلبي ذاب

عتب عيني على من هو حرمها شوف غاليها