لي في حياة الريف ذكرى وميلاف = ما تنمحي مهما حصل من خيالي
متعليه قمة رحا فوق مشراف = سجلتها فوق الجبال العوالي
يوم الزهر والنبت وارف وينشاف = وفيها الثمر متفرع الفن حالي
والبرق له من فوق الامزان رفراف = سيله على رياض المحبين سالي
البال صافي والامل عالي اهداف = الله ياوقتٍ طوته الليالي
ماضي تذكرته عليه الزمن طاف = عليه اهل الدمع لي من طرالي
ذكرى عزيزه ما توفى بالاوصاف = حتى الصبر عنها يفوق احتمالي
راشد الجمعان ( المحيط )