[ألمحيط]

عاف البكى والنوح يا قلب وارتاح = اتعبتني يا قلب طول الليالي
الناس عند النوم تهجع وترتاح = وانا سهير الليل وابكي لحالي
حلو السنين اللي فرحنا بها راح = ومكانها ضلا من الأنس خالي
كم اتمنى الهم يرحل وينزاح = اللي منه مجروح واعزتالي
احتار وادور طريق ومصباح = وارسم طريق المنتهى في خيالي
واخيل براق الحيا كل ما لاح = واقول فيه من ألأمل راس مالي
واقلبي اللي طاح في يدين جراح = ويصلاه من ويل المقادير صالي
يالله سألتك وانت خلاق الأرواح = لطفك وعطفك يا عزيز الجلالي



راشد الجمعان ( المحيط )