[عبدالله الطنيني]

ما يعرف التـّجربة غير الذي خاضها

[poem=font="Simplified Arabic,6,darkred,bold,normal" bkcolor="burlywood" bkimage="" border="none,4,gray" type=1 line=0 align=center use=ex num="0,black""]
آمنـت بالله وبْآآآيآآآتـه المنـزلـة=وآحـب تطبيقهـا وآحـب وُعّاضهـا
ماني بقاصر خُطـا بثيابـه المسبلـة=ولا يمينـي تجيـد الشـحّ باقباضهـا
سديت في الشعروآنا اسد في المرجلة=ماني بهيسٍ مع الأحداث واعراضهـا
وماني بفاضي واسوي قاضي المرحلة=ولا المدوّر على الشينـات وايقاضهـا
طيب المناهل ضريت آطم في منهلـه=وآعز نفسي واداويها مـن امراضهـا
نفسي على ما عطاهـا ربهـا مقبلـة=ما تشتكي عضلة الاّ ربهـا عاضهـا
سفاسف القول واللومـات والمهزلـة=مانـي بفاتـل معانيهـا ونقّاضـهـا
وخير الاشوار لاجا مصدره من هلـه=خذ حكمةٍ مـن مصادرهـا وحُفَّاظهـا
بيت الأفاعي يصيب السم من يدخلـه=غُدّة سموم الأفاعي حـاول اجهاظهـا
من يمعن الفكر في قيفانـي المرسلـة=يقنع بمضمونهـا ويأيّـد اغراضهـا
ماآظن يبخل طويل العمر يوم اسألـه=ما يعرف التجربة غير الذي خاضهـا
وشْهو عمودٍ دماغ الراس تحت اسفله؟=ومعه لغـاتٍ كثيـرة يتقـن الفاظهـا
نصفٍ منه مثمـرٍ وجبايتـه مذهلـة=والنصف يهدم بيوت وزلزل ارباضهـا
أصبح مع ناس لا شغلـة ولا مشغلـة=إلا أذيّـة عـبـاد الله واعراضـهـا [/poem]

الحقوق محفوظة

وسلامتكم يا كرام